Eu decidín traballar contra o hunspell-gl precisamente porque vin que no hunspell-gl-volga estaban eses outros ficheiros, que pouco ou nada teñen que ver con Hunspell. Ademais, dado que a miña idea é poder construír un corrector que non sexa estritamente o do Volga, o nome non tiña sentido.
O que subín a hunspell-gl é estritamente para a xeración dos ficheiros .aff e .dic de Hunspell, máis nada. Persoalmente, prefiro separar a creación dos paquetes ou complementos (downstream) da xeración do software ou contidos (upstream), cada unha nun repositorio. E agora mesmo, o hunspell-gl-volga ten varios tipos de contido orixinal e cousas para empaquetación que eu separaría en repositorios de seu: - hunspell-gl. Para xerar o .aff e o .dic de Hunspell. - hyph-gl. Para xerar o .dic coas regras de separación. - thesaurus-gl. Para xerar o .dat e o .idx do thesaurus. - openoofice-gl-spellchecker. Guións, SCons ou o que sexa que en tempo de construción descarga o contido de hunspell-gl, hyph-gl e thesaurus-gl, e o xunta todo debidamente na extensión para o OpenOffice. O sentido de usar repositorios separados é o de facilitarlle a vida aos empaquetadores das distintas distribucións. Cando eu queira empaquetar o hunspell-gl para Chakra a partires da última versión do repositorio, non me interesa ter que descargarme más ficheiros dos relacionados co hunspell. Eu non teño nin a máis remota idea — e hei de dicir que pouco interese, dado que non uso OOo nin LibO — dos pasos que hai que seguir para construír o complemento de LibO, nin sei nada dos proxectos de hyph e thesaurus, ou de como se poden explotar fóra do seu uso para o complemento de LibO (algún outro programa que os use?). Porén, non me importaría preparar o SConstruct ou facer algún guión para automatizar os seus procesos de construción ou axudar a separar o seu código fonte en módulos coma no Hunspell, se é que se poden beneficiar de algo así. En calquera caso, a iniciativa para os proxectos aparte do Hunspell non vai saír de min. Se alguén coñece con detalle os pasos que se seguen durante a construción deses “proxectos” e de verdade lle interesa automatizalo pero non sabe como ou non ten tempo de poñerse a iso, que mo diga, ou simplemente o diga na lista, que aquí a metade sabe programar seguro. O Sábado, 10 de Novembro de 2012 20:47:28 Leandro Regueiro escribiu: > O que quería dicir é > que agora mesmo hai dous repositorios diferentes: > > https://github.com/meixome/hunspell-gl > https://github.com/meixome/hunspell-gl-volga > > e que tal como fas ti abondaría con ter un único repositorio, coas > cousas ben separadas para non mesturar o volga co non-volga, e cando > se vaian sacar novas versións xeraríanse con SCons e no momento os > ficheiros .dic e .aff para cada unha das dúas versións e despois > empaquetalas para distribuílas. A fío de isto, o proceso de empaquetar > os OXT ou .deb é moi tedioso, e igual se pode usar SCons para > automatizalo. > > Deicaasno.net/listinfo/proxecto _______________________________________________ Proxecto mailing list Proxecto@trasno.net http://listas.trasno.net/listinfo/proxecto