Assalamu'alaikum w.w.
Tuan Bangsawan sarao Sidang RN
SabaluN kalam ka dipatah, ujuk kato nan ka disampaikan, niaik nan elok nak dipasang.
Lillahita'ala nan dikanduang, jo hati suci basampaikan, bana nan sabuah kadicari.
Adopun nan kadisampaikan.
saputangan basagi ampek,
baragi babungo-bungo
bukan ambo basiasek
bana sabuah nan kaditanyo.
mancaliak pado rupo, mandaga pado bunyi, mambaco pado nan tasurek, surek nan datang dari Tuan Bangsawan, timbua dago dagak dalam hati, tantangan kato "Datuak Jarebe Tebeh" jo "Dari kesepakatan urang nan ampek jinih (Niniak mamak, Cadiak Pandai, Alim Ulama sarato Bundo Kanduang) di BMKM Sumsel, mako bersepakat untuak maagih Urang Sumando kito ko gala kehormatan nan sudah dipersiapkan, baitu pulo untuak Uda Edy Santana Putra pak Wali kito, sebagai Mamak urang Minang di Palembang"
adopun nan siang jadi angan-angan, nan malam jadi buah rasian :
1. apokoh batua nan jadi "sasasan di tembak jo alamaik dari pandangan" dalam surek nantun Bagala "DATUAK JEREBEH TEBEH" ?
2. kalaulah iyo, gala dari suku manolah kirono ?
3. Gala apo nan ka baagiahkan kapado Sumando jo Pak wali kito tu ?
4. apokoh gala dari salah satu miliak suku nan ado dikampuang ? kok iyo, apokoh alah sapakaik "anak kamanakan" nan sapasukuan nantun ?
5. Nagari nama nan maagiah gala nantun ?
supayo jan tibo kato "mancukia-cukia kada", elok dibari sandaran tanyo,
adopun nan kajadi sandaran tanyo adolah.
1. DATUAK adolah urang nan dituokan, nan indak buliah balari-lari, indak buliah mamanjek-majek, pantangan nan ka mahariak mahantam tanah, nan dihalukuan salangkah , batinggikan sarantiang, gadang dek diamba basamo-samo, nan dianjuang tinggi, kok lah lakek gala nantun, wajib diawak nan basamo untuak manyuruak bungkuak, malompek patah.
2. karano nan manjadi sandaran pambarian gala adolah Karapatan Adaik Nagari, mangko samantang kok lah tajadi nan sabalun nangko, rasono elok dikunyah-kunyah sabalun ka dilulua, inok-inok dimanungkan, supayo jan sampai tataruang di batu nan samo.
sakian dari ambo, sakali lai, nan ambo buak cadiak pandai, ilili di Tuahn ado, jikok senteng mintak dibilai, tandono kito lai basamo.
wassalamu'alaikum w.w.
Sutan Bandaro Labiah
.
mulyadi <[EMAIL PROTECTED]> wrote:
Ass, wr, wb.Datuak Jarebe Tebeh jo Tan Bunsu, kato bajawek gayuang basambuik, ===== DITARAH===== DIKUDUANGDari kesepakatan urang nan ampek jinih (Niniak mamak, Cadiak Pandai, Alim Ulama sarato Bundo Kanduang) di BMKM Sumsel, mako bersepakat untuak maagih Urang Sumando kito ko gala kehormatan nan sudah dipersiapkan, baitu pulo untuak Uda Edy Santana Putra pak Wali kito, sebagai Mamak urang Minang di Palembang. Acara tersebut akan di adokan pado hari Minggu malam 4 Januari 2004 di Gedung IAIN (tampek kito barandai kapatang).====== DIKAREKSakian info dari ambo.Wassalam,M.St.Bangsawan_______________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/listinfo/rantau-net
_______________________________________________
Yahoo! Messenger - Communicate instantly..."Ping" your friends today! Download Messenger Now
_______________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/listinfo/rantau-net _______________________________________________
