Ass,wr,wb. Sutan Bandaro Labiah nan dihimbau jo sidang RN nan ambo hormati, maaf lah ambo kalau tadorong, memang postingan ambo tadi tu ditujukan ka intern kami di IKM Pusri Palembang ([EMAIL PROTECTED]), dek karano ado unsur informasi dan baritanyo mako ambo CC kan ka palanta kito ko. Di IKM Pusri tu salah saurang anggotanyo ado nan dipanggia dek kawan2 Datuak Jarebe Tebe namo panggilannyo, iko hanyo namo panggilan, bukan gala subana gala, tapi gala dilingkuang saparmainan. Baa mangko di sabuik Jarebe (JRB), karano dunsanak tu karajo di Departemen Jasa Rancang Bangun (JRB). Ado pulo nan dipanggia Sutan Paliaro, dek karano beliau karajo di Departemen Pemeliharaan (Maintenance Departemen), ado Sutan Mukasuik, dek karano beliau karajo di Dept.Perencanaan Perusahaan, ado pulo nan dipanggia Angku Guru Kapalo, karano beliau manjadi Kapalo PP&SDM (Departemen Pendidikan Pelatihan & Sumber Daya Manusia) dan banyak nan lain. Jadi sakali lai ambo tegaskan Datuak Jarebe Tebeh tu anyo hayalan, maaf kok ado suku atau kaum nan mamakai namo nan sarupo. Mengenai pemberian gala ka Urang nomor satu di Pemprov Sumsel dan Pemkot Palembang ko adolah marupokan gala kehormatan, yaitu gala nan indak memerlukan kesepakatan suku dari suatu kaum atau nagari (contoh gala nan untuak dilakekkan ka Yth : Uda Taufik Kiemas nan katurunan Batusangka tu). Iko hanyo penghormatan awak urang Minang di Sumsel dan Palembang kapado kaduo urang nan bisa untuak dijadikan tampek balinduang kok hari paneh, tampek bataduh kok hari hujan, maklumlah awak marantau dinagari beliau. Iyo juo kecek urang tuo2 kito :
Karatau madang dihulu Babuah babungo balun Marantau bujang daulu Di rumah baguno balun Nak duo pantun sajalan, Kok jadi pai ka pakan Ikan bali balanak bali Ikan panjang bali daulu Kok jadi pai bajalan Sanak cari dunsanak cari Induak samang cari daulu Jadi dengan semangat petatah-petitih inilah mako kami BMKM Sumsel Palembang memberikan gala kehormatan dengan harapan beliau2 bersedia menjadi Mamak dan induak samang bagi kami urang Minang nan marantau di Palembang ko. Soal urang nan ampek jinih (4 jenis), itu hanya kesepakatan kami sajo dalam pemberian gala ko yaitu : Alim Ulamo, Cadiak Pandai, Niniak Mamak dan Bundo Kanduang sudah sepakat. Gala nan dipakai indak berakar kesuatu kaum atau suku nan ado di Minang, dicari gala nan tapek untuak tu. Seperti untuak Gubernur dan Walikota periode sebelumnyo dilakekkan gala Sutan Mangkuto Rajo dan Sutan Mangkuto Alam. Jadi bukan nagari atau suku nan mambari gala tu, tapi adolah kesepakatan urang nan ampek jinih nan ambo sabuikan tadi. Sakian sajo penjelasan dari ambo, maaf kok ado nan indak berkenan dihati, ka Tuhan ambo mintak ampun. Kok ado nan paralu ambo jalehkan lai atau ado nan kaditanyokan tentang BMKM Sumsel ko, kalau bisa ambo jawek akan ambo jawek, kalau tidak, akan ambo bao ka rapek Pengurus BMKM Sumsel. Tan Bandaro Labiah, lah sanang dihati, ambo sangajo maundang Tuan jo warga RN lainnyo untuak hadir pado acara HBH tersebut. Wassalam, Mulyadi St.Bangsawan > > > Assalamu'alaikum w.w. > Tuan Bangsawan sarato Sidang RN > > SabaluN kalam ka dipatah, ujuk kato nan ka disampaikan, niaik nan elok nak > dipasang. > Lillahita'ala nan dikanduang, jo hati suci basampaikan, bana nan sabuah > kadicari. > > Adopun nan kadisampaikan. > > saputangan basagi ampek, > baragi babungo-bungo > bukan ambo basiasek > bana sabuah nan kaditanyo. > > mancaliak pado rupo, mandaga pado bunyi, mambaco pado nan tasurek, surek > nan datang dari Tuan Bangsawan, timbua dago dagak dalam hati, tantangan > kato "Datuak Jarebe Tebeh" jo "Dari kesepakatan urang nan ampek jinih > (Niniak mamak, Cadiak Pandai, Alim Ulama sarato Bundo Kanduang) di BMKM > Sumsel, mako bersepakat untuak maagih Urang Sumando kito ko gala > kehormatan nan sudah dipersiapkan, baitu pulo untuak Uda Edy Santana Putra > pak Wali kito, sebagai Mamak urang Minang di Palembang" > > adopun nan siang jadi angan-angan, nan malam jadi buah rasian : > > 1. apokoh batua nan jadi "sasasan di tembak jo alamaik dari pandangan" > dalam surek nantun Bagala "DATUAK JEREBEH TEBEH" ? > 2. kalaulah iyo, gala dari suku manolah kirono ? > 3. Gala apo nan ka baagiahkan kapado Sumando jo Pak wali kito tu ? > 4. apokoh gala dari salah satu miliak suku nan ado dikampuang ? kok iyo, > apokoh alah sapakaik "anak kamanakan" nan sapasukuan nantun ? > 5. Nagari nama nan maagiah gala nantun ? > > supayo jan tibo kato "mancukia-cukia kada", elok dibari sandaran tanyo, > adopun nan kajadi sandaran tanyo adolah. > 1. DATUAK adolah urang nan dituokan, nan indak buliah balari-lari, indak > buliah mamanjek-majek, pantangan nan ka mahariak mahantam tanah, nan > dihalukuan salangkah , batinggikan sarantiang, gadang dek diamba > basamo-samo, nan dianjuang tinggi, kok lah lakek gala nantun, wajib diawak > nan basamo untuak manyuruak bungkuak, malompek patah. > 2. karano nan manjadi sandaran pambarian gala adolah Karapatan Adaik > Nagari, mangko samantang kok lah tajadi nan sabalun nangko, rasono elok > dikunyah-kunyah sabalun ka dilulua, inok-inok dimanungkan, supayo jan > sampai tataruang di batu nan samo. > > sakian dari ambo, sakali lai, nan ambo buak cadiak pandai, ilili di Tuahn > ado, jikok senteng mintak dibilai, tandono kito lai basamo. > > wassalamu'alaikum w.w. > > Sutan Bandaro Labiah _______________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/listinfo/rantau-net _______________________________________________
