Assalamu'alaikum
Sidang RN nan ambo uliakan
Syarak babuhua mati, kok adaik babuhua sintak
Syarak mangato, adaik nan mamakai
sagalo nan ditantukan oleh Syarak, mako adaik nan mamakaikan, tapi kok indak diatur atau indak dilarang oleh Syarak, mako indak ado larang bagi adaik untuak maaturno doh.
lorong kapado masalah dan akibaik perkawinan nanko, harus kito pilah-pilah.
Partamo. perkawinan mampunyai aspek katurunan darah, mako sacaro syarak dikatokan, katurunan diambiak manuruk garih laki-laki, sahinggo dalam aturan Syarak, indak buliah maangkek anak (adopsi manuruk BW)doh, sababno akan mailangkan asa usua dari anak tu. Baitu pulo, apobilo diantaro kito ado nan maasuah anak urang lain dari ketek sampai gadang, sampai pulo wakatu ka manikahkanno, mako pabilo anak tu padusi, nan jadi wali nikahno harus kaluarga (urang) nan bahuabuangan darah sacaro syarak jo anno,.indak buliah apak atau uda asuahno doh. (antah kok wali hakim).
baitu pulo, pabilo ado surang padusi tajadi "Dulu Bajak Dari Kabau", mako nan pajako alah babadan duo, disiko indak sumbarang urang pulo doh nan buliah manikahino doh, kalau banikahkan sabagai panutuk malu, mako paralu pulo nikah tu diulang baliak sasudah anak lahia.
tamasuak dalam hal iko adolah konsekwenasi katantuan warih, mako nan dipakai adolah katantuan warih nan diatu oleh Syarak.
Kaduo, manuruk adaik, sistem "kekerabatan" dipakai manuruk garih katuran padusi, baa mangko disabuk kekerabatan bukanno tali darah ? karano alah dikatokan dek Syarak bahwasono tali darah ditantukan dek garih katurunan laki-laki, mako adaik akan mamakaino, adaik indak buliah batantangan Syarak tu.. Jadi lah jaleh bahwasono katantuan adaik jo Syarak indak batantangan doh.
Babaliak ka masalah utamo, kalau lah jaleh bijo ciek-ciek nan batanam disawah, tantu jaleh pulo asa bijono, tapi kalau nan ditanam bijo nantun alah bacampua baua, tantu indak jaleh lai asa bijo nan tumbuah tu.
Limbak nan dari pado itu, satantangan pangajian nan mangatokan, buliah balaki banyak, iyo mintak tolong pulo dikamukokan Adaik nama baisi, Limbago nama nan batuang ?, buliah kok bunyi samo kito danga, nan rupo samo kito liek.
Kapado Sidang RN, kok lai tanggapan tatangan masalah nanko dari "Nan Balaki Banyak", baiaklah samo kito bahas, tapi kalau indak, bialah kito tutuk sajo masalah ko, supayo jan bahabih hari jo bahabih minyak,
Talanjua langkah baok suruk, talonsong muluk mintak maaf, baitu caro kito manyalasaikan, maklum Sidang RN kasadono.
Wassalamu'alaikum w.w
Bandaro Labiah
++ antah mangarati antah indak baliau nan mambacono go, nan paralu diambo alah basampaikan
Novara Sari Jambak <[EMAIL PROTECTED]> wrote:
berarti semua orang Minang atau dalam hal ini laki2 Minang menyetujui poligami. benar2 menyedihkan......setelah budaya Minang telah hampir hilang gaungnya diganti budaya Arab yg barbar....kini semua laki2 Minang menyetujui poligami...benar2 memprihatinkan......salamNovara Sari Jambak
Mochtar Naim <[EMAIL PROTECTED]> wrote:Assalamu'alaikum w.w.,
Sanak di RN ka sadonyo,
Masya Allah, ada pula dari antara kita, orang Islam
dan orang Minang pula, yang menyetujui poliandri,
BT Yahoo! Broadband - Free modem offer, sign up online today and save £80
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
