Assalamu alaikum dan salam kenal dari ambo rang Maninjau
Mudah2an sanak dan juo famili kasadonyo barado dalam lindungan Yang Maha Kuasa Amin,ambo dan famili di KL lai sehat2 sajo.
Ambo baru sajo mancaliak gambar gambar dalam ampok rinuak, takana maso ketek2 dulu apabilo mancaliak kelok44,karano ambo paranah tagarajai tasiagai jo tapualiang di kelok2tu,masotu ambo masih SD,pai mancaliak lubang Japang,samaso manurun jalan mamutuih (jalan kaki) bacubo basikadu jo kawan2 akhirnyo indak tarem lai,mandoret kancang tasangkuik di dangau2 parak kopi,akibaiknyo dangau2tu runtuah,kok indak adolah dangau2tu mungkin ambo balambun kaeteh labuah, kok dikana kini tagalak surang ambo.
Sabananyo ambo nak batanyo saketek, sanak urang maninjaukah? dek ampok rinuak jo bada masiaktu salahsatu produk terkenal keluaran maninjau,tolonglah jalehkan,ambo tatunggu2.
Ambo anak buah rang Chaniago
Salapeh sanak baleh nanti,ambo caritolo sia amboyo,sakitulah dulu ukatulah abih,ambo baliak dulu,bisuah kito basoboklo di PLTA (Paruik Litak Tanago Abih).
Wassalam
Ghani44
Do you Yahoo!?
Yahoo! Finance: Get your refund fast by filing online
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
