Assalamu'alaikum wr.wb. Ibu Isna, uda mul jo dian,
Ambo setuju bana jo pandapek bundo tentang lamahnyo pemetaan dan informasi tentang kampuang awak. Indak cuma peta, brochure2 pun suliek dicari. Padahal untuak nagari saroman sumbar nan indak banyak nan bisa dijua selain alamnyo untuak pariwisata, sabananyo penyediaan informasi jo promosi wisata itu penting bana. Antah manga awak nan terkenal ahli dalam soal jua manjua, tapi pas manjua pariwisata, awak indak bisa manga2. Tantu jawabannyo kambali kapitih jo pitih baliak. Idealnyo peta2 tiok2 kota itu bisa awak dapek dima dima, kalau awak pai kalua negeri, asal awak indak bodoh bana sudah pasti awak indak kasasek bagai mancari tampek tampek nan awak tuju, soalnyo nan namonyo peta itu bisa awak dapek dengan mudah dima dima, indak cuma di toko buku, bahkan di pom2 bensin, ditoko toko ketek pinggir jalan bisa awak dapek, tantu sajo memang indak gratis, tapi nan paliang penting untuak urang asing adolah informasi, tantu dibalinyo juo kalau paralu. Tapi kalau dikampuang, jan heran awak malah acok tasasek dikampuang surang, alun kalau batanyo kaurang urang jawabannyo indak ramah, sehingga ngeri awak kabatanyo. Antahlah baa caronyo,kalau sajo RN ado nan ahli masalah pemetaan iko, mungkin bisa awak angsua mabuek peta2 dan bisa dijua sebagai salah satu usaho RN, kalau website RN alah aktif beko, bisa juo itu peta atau informasi wisata lain seperti brosur2, foto2, informasi penginapan, travel dlsb dimasuak kan kasitu.... wassalam Adrisman --- Isna Huriati <[EMAIL PROTECTED]> wrote: > Assalamu'alaikum wr wb. > Tadi malam lah ambo cubo mancari peta kabupaten > Solok di situs lain, > supayo dapek ambo forwardkan ka Adrisman, tanyato > indak ado nan > mamuaskan, baru ambo sadar iyo lamah bana awak > manganai petako. Di toko > buku Gunung Agung atau Gramedia di Jkt ado peta > Sumbar dijua nan lumayan > langkoknyo, kecek urang. Ambo suko mandangakan > siamangtu Dian, > dikampuang ambo namonyo sikumboh, sabab bunyinyo > mboh,mboh mboh. Kini > baru takana bahaso ambo ka Muaro Labuah kiro kiro > tahun 74, alah laia > Dian atau alun.. Kini tantu alah banyak > parubahannyo. Sayang ambo lupo > dima ambo tingga katikotu. Di Bukik Sileh tu kami > manunggu oto ka Muaro > Labuah, hari alah muloi kalam, ambo sakik paruik > manahan dingin .Tahun > 92 ambo cuma sampai danau diateh dan danau dibawah > dan Alahan Panjang > mambali markisa, dalam perjalanan baliak ka Jakarta. > Kalau bacarito > penebangan liar ko, iyo payah , bantuak mamberantas > korupsi.. Babarapo > bulan nan lalu ado urang nan karajo mauruih utantu > dipindah an, dek inyo > ribuik ribuik pakaro urang manciluik kayutu, urang > pemda indak suko jo > inyo. Ka Jakartalah inyo baliak. Kalau bukik Sileh > yo taruih takana > diambo Dian, sabab kakek ambo jadi guru disitu dulu > , dan ayah ambo > wakatu iduiknyo acok banostlalgia jo Bukik Silehko. > Dari Padang ka > Kurinci bisa baliak ari kecek adiak ambo nan pai > tahun nan lalu, iyo > rancak keceknyo. Cuma HP indak jalan disitu. > . > Wassalam > Isna ) > (yang di japri sabar ya Dian > > Sukmawat, Dian wrote: > > > ____________________________________________________ > Berhenti/mengganti konfigurasi keanggotaan anda, > silahkan ke: > http://groups.or.id/mailman/options/rantau-net > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
