Yth. Dunsanak Rank Muaro Labuah,
Assalamualaikum wr.wb.
Ambo tagalitiak saketek jo tulisan dunsanak jo subject: Solok
Selatan....tantang 2 hal:
1. Soal duo kerajaan di Muaro Labuah yaitu : Alam Surambi Sungai Pagu di
Pasir Talang dan Astano Balun di Balun. Sapanjang sejarah nan ambo
pelajari di Pasisie ( kabatulan ambo dari Kambang ), dari monografi nagari
Kambang nan ambo baco, di Muaro Labuah hanyo ado ciek kerajaan yaitu
Kerajaan Sungai Pagu nan astanonyo di Balun tu.. Dunsanak kok manulis ado
duo kerajaan, kami di Kambang jadi binguang. Ambo alah duo kali singgah di
Astano Balun dan mambaco sapotong Tanbo jo babarapo dokumen lainnyo dalam
bahaso Balando nan mambuktikan disitulah tingga dulu Rajo Adat Kerajaan Alam
Surambi Sungai Pagu. Ambo alah bakenalan jo pamangku rajo nan kini tingga
di Jakarta banamo BustamBalunSH,mantan Hakim Tinggi Jakarta dan adiek baliau
uni Ros nan kini tingga di Astano Balun sebagai panjago astano, sarato Pak
Mujadid SH nan mangaku sebagai penanggung jawab harian Astano Balun tu.
Sadonyo mayakinkan kami urang Kambang bahaso carito di Monografi Nagari
Kambang nan barisi sejarah badirinyo kerajaan Sungai Pagu dan sejarah
asa-usue urang Kambang yo bana dari Sungai Pagu. Nan di Pasir Talang
manuruik monografi Nagari Kambang adolah tampek badirinyo Musajik sebagai
kelengkapan suatu kerajaan. Jadi disitu mungkin ado Rajo Ibadat (Syarak).
Sayangnyo ambo alun kasinan lai, kabanyo tiang -tiang musajik di Pasir
Talang tu jumlahnyo kurang aso anam puluah.atau 59 nan mangambarkan jumlah
rombongan niniek nan mandirikan kerajaan Sungai Pagu nan samulo bajumlah 60,
karano maningga surang dalam perjalanan di Bukik Sipadeh Tingga sabalun
sampai didaerah nan kini banamo Muaro Labuah tu.
2. Soal jalan ka Pasisie nan dunsanak katokan. Ambo sampai kini tamasuak
nan ikuik mapajuangkan pambangunan jalan ka Sungai Pagu dari Kambang. Jarak
Kambang -Sungai Pagu hanyo 40 km . Dari arah Sungai Aro Sungai Pagu alah
diaspal dijaman Kapalo PU Sumbar bapak Sabri Zakaria sapanjang 12 km. Dari
Pasisie sampai Koto Pulai alah diaspal sepanjang 21 km, jadi tingga 17 km
alun ado jalan, nan mambuek dunsanak kami di Muaro Labuah indak bisa
jalan-jalan kapantai mambali lauak nan murah sambie silaturahmi jo
dunsanaknyo dibalahan Kambang. Memang batue kecek dunsanak,bahaso nan
maambek pembangunan jalan iyolah kapantingan fulitik, nan indak paduli jo
kapantingan rakyat banyak. Rakyat Kambang alah batekad, namuah basumpah
dengan "cap jempol darah" indak kamarusak TNKS dan akan manjagonyo bilo
dibuek jalan. Kini tapulang jo urang fulitik nan sabagian malindungi
maliang-maliang kayu nan dibantu pulo dek aparat panagak hukum. Rakyat tak
badayo, tingga badoa supayo Allah SWT mamunculkan pamimpin nan Barasiah dan
Paduli jo kesulitan rakyat.
Sahinggo iko dulu dunsanak, ambo manunggu gayuang basambuik.
Wassalam dan maaf,
Asmardi Arbi
----- Original Message -----
From: "RaNK MaRoLa" <[EMAIL PROTECTED]>
To: "Syamsir Alam" <[EMAIL PROTECTED]>; "Komunitas MINANGKABAU (Urang
Awak) Pertama di Internet (sejak 1993)" <[EMAIL PROTECTED]>
Sent: Tuesday, April 20, 2004 12:04 PM
Subject: Solok Selatan Re: [EMAIL PROTECTED] RE: Bukik Sileh
> Mong ngomong Bukik Sileh, yo markisa nan tabayang dek ambo, disampiang
> urang2 nan mamakai baju angek di siang hari nan paneh...
> Sabananyo ambo iyo alun pernah pulo lai pai ka Bukik Sileh ntun, jadi ndak
> pulo baitu tau daerah sinan, soal no kalau pulang pergi kapadang atauawa
> kasolok salamo ko, kita melewati jalan lintas atau jalan gadang yang
> melewati danau diateh.
>
> Wakatu pulang kampuang terakhir kali no ko, ambo sampai disolok alah agak
> malam, dek karano ndak ado bus umum tapaso ambo carter oto ketek ka Muaro
> Labuah, ditangah malam tu ambo dibaok jalan ka jalan mutui (pintas) dek
> sopirnyo, antah kama tu jalan no, tapi rasanyo labiah dakek dari padi
jalan
> lewat lubuak lasiah.
> Diperjalanan, agak tagak bulu kuduak mbo, gimano ndak??? di jalan nan
> mandaki manurun tu, dikaliliang pulo dek rimbo semak belukar, yang mano
> rumah adonyo ciek duo tigo, ndak ado panarangan listrik, wakatu itu mbo
> heran, kok di tapi jalan sabalah kanan ko ado seperti lembah nan luas yang
> berkabut, dikejauan tampak lampu kecil2 begitu banyaknyo, sarupo barado
> disitinjau lawik. (Mungkin iko nan mak sati makasuik, itu lampu2 urang
> mancari ikan)
>
> 2 jam labiah saketek perjalanan, ambo alah sampai di Muaro Labuah, nagari
> nan slalu di bayang2 kapalo, nan slalu maingek an ambo jo pangek paki
> dicampua udang atau jo kapareh, siluang dan lain sebaginya yang slalu di
> buek dek amak mbo.
> Muaro Labuah alah baruba... dimano disinan pernah barado duo kerajaan,
yaitu
> Alam Surambi Sungai Pagu (Pasir Talang) dan Ustano Rajo di Balun (Balun).
>
> Jalan alah rancak, banyak tikungan2 maut nan di paluruih, memang masih
acok
> putuik dek longsor ditampek2 nan rawan lonsonr tu, tapi itu dek karano
jalan
> menuju Muaro Labuah tu disalo2 bukik nan gundul.
> Ba'a kaba jalan lintas kapasia?? antahlahh..... dek kepentingan fulitik
> dunia, jalan ntu sampai kini ndak bisa dilanjutkan, keceknyo melewati
paru2
> dunia (taman Nasional Kerinci Seblat), apokah dengan mambuka jalan ntu
> merusak paru2 dunia????
> Bagi ambo, nan marusak tu adolah pamaliang2 nan duduak di tampek nan basah
> tu nanti, kok iyo dubukak jalan ntu, janlah di agiah kesempatan untuak
> mambuka lahan dan mancilok kayo..
> (ndak jadi rang kampuang mbo main2 di pantai sore2, gara2 jalan ndak jadi
> dibukak) padahal kalau ado jalan, itu bisa kiro2 1 jam jo onda ka
> pasisianyo.. tapi ba'a juo lai...
>
> Muaro Labuah kini terdiri dari 2 Kecamatan, Sungai Pagu dan Koto Parik
> Gadang Diateh, baitu juo jo Lubuak Gadang (Padang Aro) yang konon kabarnya
> menjadi Ibukota Kab. Solok Selatan, alah terbentuk pulo 2 kecamatan (kalau
> ndak salah) dengan nagari nagari dari penggabungan desa2 dulu.
>
> Oto kini 24 jam, karano jalan lintas Muaro Labuah - Padang adolah jalan
> utama antaro Kerinci jo Padang, yang mano dulunyo lewat pasisia, yang mano
> saat ini, padang kerinci bisa ditempuh dengan waktu 5 sampai 6 jam.
> Tapi sayang... Pancilok atau Maliang Kayu sepertinya masih meraja lela
kini
> di daerah solok selatan ntu, dan itu adolah hasil kerja sama aparat2 nan
> cangok disinan, padohal perusahaan2 nasional ado beberapa buah disinan,
tapi
> rakyat asli tetap ajo di paentongnyo, ndak bisa majuu.. diutamokan kaum
> pendatang nan bukan etnis minang ntu.
>
> Sejarah banyak bisa digali dari sinan, dari Aalam Surambi Sungai Pagu,
> sampai berakhirnyo PDRI di Bidar Alam.
> Tapi siaaaa.... seharunyo Pemda di kampuan tu memikirkannya....
> Apolagi aset pariwisata, banyaknya air terjun dan sumber air panas, baik
nan
> mangalagak, maupun nan saun2 kuku yang asyik buek mandi pagi di udara nan
> dingin.
>
> Kecek ranggaek2 mbo, di dizaman londo dulu, dilua sangek terkenal Teh
dengan
> nama Peconina, tapi dima?
> namo nan harum tu kini, kabun lai masih laweh... tapi antah kamano
hasilnyo
> tuu...
> Perkebunan kina mungkin masih ado? tapi sayang.... masyarakat alah main
> patok sajo tempo hari.
>
> Antahhhlahhhhhh
> Kama pai jalan carito kooo... :-)
>
> Wassalam.
> Urang Muaro Labuah
>
> ----- Original Message -----
> From: Syamsir Alam <[EMAIL PROTECTED]>
>
>
> > Sato ciek.
> > Sangkek jadi bujang salamaik saisuak, mulai akhir 1970-an, pasa bana di
> ambo
> > jalan ka dari Lubuak Lasiah sampai Lubuak Gadang. Sampai tahun 1979 ambo
> jo
>
>
>
> ____________________________________________________
> Berhenti/mengganti konfigurasi keanggotaan anda, silahkan ke:
> http://groups.or.id/mailman/options/rantau-net
> ____________________________________________________
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
