Assalamu'alaikum Wr.Wb.
Mak Datuak jo Sidang RN
apo nan disampaikan Mak Datuak, adolah sasuatu nan alah pado tampaikno, tapi bak papatah juo :
Rancak gandang deng batingkah
elok talempng dek batalun
tibo digandang ka paningkah
tibo ditalempong ka panalun
tingkah jo panalun nan dari ambo :
1. niaik ! niaik nan dicaliak dan diambiak dek majelis hakim (walau indak sadono nan satuju) sabagai partimbangan adolah niaik untuak mampakayo diri sendiri (atau urang lain). Niaik nangko dilahiakan dalam bantuak anggaran (khususno anggaran DPRD). Walaupun ado dasar dari penyusunan anggaran, tapi jo raso keadilan nan tumbuah dalam masyarakaik indak bakasasuaian doh, malah bakalabiahan.
2. satantangan Social control ! kalau manuruk ambo, social control ko masih ado, nyatono masih banyak juo urang nan mampaotakan / mampacaritokan di lapau kopi, baitu pulo nan mudo-mudo lah mulo pulo bademonstrasi masalah korupsi ko, tapi kurang mangkuah. Dibaliak pado itu ado nan Siang kajadi angan-angan, malam tibo kajadi buah rasian, namun lalok alun lai namuah, mako rasian indak jadi, kadipangakan, adolah social control dalam bantuak sistem kapemimpinan urang awak, dimano kapemimpinan urang awak nan manuruk adaik adolah Kamanakan barajo ka Mamak, Mamak barajo ka Pangulu, Pangulu barajo ka Mupakaik, Mupakaik barajo ka nan Bana, Bana badiri sandirino. Nah disikolah lah latakno nan ambo caliak, apokoh Pangulu awak alah manjalankan tugeh sebagai Pangulu, atau Pangulu ko hanyo namono sajo, sadangkan tingkah lakuno hanyo sabagai Pangelah, Pangaluah, atau Pangalah.
Kalau Pangulu lai manjalankan tugeh sasuai jo tugeh pangulu, Insyallah, masalah ko dapek kito salasaikan.
Mungkin bak kato Mak Datuak juo: "Dahulu adat nan
bapakai, kini pitih nan baguno" lah banyak nan mangamukokan pitih daripado nilai-nilai adaik. Sajak (mungkin go eh) di wilayah Minangkabau dijajah dek sistem nan datang dari Jao, mako banyak sandi-sandi adaik nan ilang, antarono sistem Kanagarian manjadi Desa (dek arok Bandes Rp. 500 ribu) manyababkan sistem kekerabatan (nan biaso ado) banyak nan barubah. Banyak pulo Pangulu nan diangkek dek karano mamacik jabatan dalam pemerintahan, diangkek hanyo untuak kabanggaan, bukan untuak kamauruh anak kamanakan sarato kampuang jo nagari, jadi batambah sansai kito jadino. Syukurlah kini alah muloi babaliak ka Nagari.
bapakai, kini pitih nan baguno" lah banyak nan mangamukokan pitih daripado nilai-nilai adaik. Sajak (mungkin go eh) di wilayah Minangkabau dijajah dek sistem nan datang dari Jao, mako banyak sandi-sandi adaik nan ilang, antarono sistem Kanagarian manjadi Desa (dek arok Bandes Rp. 500 ribu) manyababkan sistem kekerabatan (nan biaso ado) banyak nan barubah. Banyak pulo Pangulu nan diangkek dek karano mamacik jabatan dalam pemerintahan, diangkek hanyo untuak kabanggaan, bukan untuak kamauruh anak kamanakan sarato kampuang jo nagari, jadi batambah sansai kito jadino. Syukurlah kini alah muloi babaliak ka Nagari.
Contoh nan lain adolah caro pamiliahan Kapalo (Wali) Nagari, nan manuruk nan biasono kito lakukan dahulu adolah dipiliah dek Niniak Mamak, bukan dek masyarakaik langsuang, sasuai aturan kapemimpinann awak cako, tapi kini dipiliah oleh masyarakai (tiok urang) nan ado dalam nagari tu, mako disiko anak kamanakan tantu kamaadu Niniak Mamak.
Babaliak ka pangka kaji, ado ciek nan jadi pituah urang awak nan sabana boneh yaitu : Tanah nan sabingkah alah bapunyo, rumpuk sahalai nan alah bamiliak, MALU NAN ALUN KA BABAGI, Disiko pulo latakno ciek lai, malu ko iyo alah (mungkin) ranggang diawak. Dulu kalaulah masuak kandang situmbin, indak kama muko diandokkan, kok manyuruak, manyuruakno di ilalang sahalai, disalo samak tampak juo.
Kini baitulah dikito nan basamo, kito ibangkik batang tarandam. kito bangkik mulai dari kito masiang masiang-masiang, mulai dari dari diri kito, dari nan ketek, dan dimuloi pulo dari kini.
Sabagai informasi bagi Sidang RN, Insyaallah dalam wakatu dakekko (insyaallah tanggal 16 Juni), akan diadokan "Seminar Manajemen Datuak" rapek untuak acarako alah diadokan babarapo kali, untuak rapek nan katibo, dlaksanakan pado tanggal 21 bisuak.
Lah panjang amek, sudah itu indak bakailiran pulo, maklumlah amboko bukan cadiak pandai, mako rila jo maaf nan ambo mintak,
Wassalamu'alaikum Wr.Wb.
Bandaro Labiah
nan sadang babelok
hoesin hanif <[EMAIL PROTECTED]> wrote:
Untuk para Netter, saya baru buka Padang Ekspres, ini
sebagian isinya tentang pertimbangan Majelis Hakim dalam
menjatuhlan vonisnya bagi anggota DPRD kita yang terhormat.
Kok lamak samba dikunyah-kunyah, lamak kato dipakatokan:
=======
Kok buliah batanyo jo basiasek, khususnya kepada Niniak
Maka, Cadiak Pandai nan ado di Minang ataupun pengamat nan
di rantau: "Masihkah "social control" dapat didengar di
lapau atau di surau? Ataukah sudah terbawa arus"materialist
dan konsumerisme". Bahwa yang dipandang orang saat ini
adalah harta dan kekayaan? Dan ungkapan : "Dahulu adat nan
bapakai, kini pitih nan baguno" benar-benar telah menjadi
sikap dan perilaku masyarakat Minang?
Maaf, saya jadi tidak focus, terbawa emosi, bangga atas
putusan Majelis Hakim dan banyak lai nan takana.
Maaf, sakali lai maaf.
Wasasalamu A'alikum Warahmatullahi Wabarakatuh.
Hanif Hoesin (Dt.Panduko Nan Gadang)
__________________________________
Do you Yahoo!?
SBC Yahoo! - Internet access at a great low price.
http://promo.yahoo.com/sbc/
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
