"muhammad dafiq saib" <[EMAIL PROTECTED]> manulih :
>Assalamu'alaikum wr.wb.
Wa'alaikum salam.w.w.
>Iko indak jaleh amek di ambo mukasuikno. Kalau Allah bakahandak pasti iyo, tapi
>Allah tatap mambalakukan sunahNo. Baliaklolah baliak kapakaro parang Uhud di
>ateh, meskipun itu tentara Rasulullah sandiri, kalau ado nan mancubo manyalahi
>sunatullah, mangecekan pasti manang karano awak basamo jo Rasulullah, tapi
>indak dipakai aturan-aturan nan dilazimkan Allah, dijadikan kalah dek Allah.
Menarik bahasan Sutan, Jazakumullah khaira.
Nan di ateh saketek ko, niak ambo jalehkan.
Mungkin Gamut bisa meng "claim" bahaso apo nan ambo sabuik hanya berdasarkan
iman dan maninggakan fakta-fakta. Akan tetapi justru ambo bausaho maliek fakta
jo iman di dada. Baa dek bitu ?. Sabab nan namonyo fakta nan berbicara indak
dapek maagiah katarangan baa sabananyo kajadiannyo. Samo jo kito manonton film
atau mambaco buku carito, apo keinginan Sutradara atau pengarang cerita sulik
digambarkan dari fakta nan ado di dalam film atau nan tatulih dalam buku carito.
Dan disikolah seringnyo tajadi kesalahan dalam memahami jalan carito. Sarupo
jo carito Siti Nurbaya, lain nan dimukasuik Marah Rusli, nan ditangkok urang
lain pulo di masyarakat dan indak jarang urang manyalahkan Marah Rusli seolah-
olah mambuek malu urang Minang. Padahal nan dimukasuik lain.
Memang, ayat manyabuik indak ado perubahan dalam sunatullah. Dan pelajaran
iko alah dapek kito tangkok tamasuak pelajaran bagi urang-urang nan mancubo
melanggar ketentuan Rasulullah dan perjanjian nan alah disepakati basamo.
Tapi ado pelajaran nan luput dari kito kalau hanyo maliek fakta tanpa mambaco
apo nan diinginkan dek sang Sutradara dalam ayat. Nan sempat terekam dek ambo
adolah bahaso, beberapa urang nan mamintak di syahidkan untuak dapek sarugo
alah diagiah dek Allah swt., contohnyo Hamzah ra. sendiri sahinggo disabuik
penghulu para syuhada. Sudahtu, untuak maagiah gambaran bahaso urang-urang
nan syahid tu bukan mati sacaro biaso, bahkan mereka tu hidup (manuruik carito
ustad Zubaidi, urang-urang ko manjadi makhluk nan sarupo buruang hijau nan dapek
tabang dari bumi sampai ka Sidratil muntaha sampai kiamat tibo, wallahu'alam).
Kudian, iko manjadi bahan pelajaran pulo dikito bahaso hati Hamzah ra. nan alah
dimakan dek Hindun dalam perang Uhud tu bukan manjadi dandam bagi Rasulullah
(begitu pemaafnya beliau), malah beliau mangatokan, kalau hatitu dilulua dek
Hindun, mako Hindun masuak sarugo. Dan iko pulo nan malahiakan ciek lai wanita
teladan sacaro Islami katiko Hindun marelakan duo anaknyo untuak manjadi
syuhada. (Digambarkan dalam surek 'Ali Imran dan sejarah Islam).
Baitu pulo kajadian tantang Ali kw. Beliau syahid sebagai syuhada dan Allah
swt. mangabuakan permintaan beliau, dan kajadiannyo sarupo jo Umar ra. yakni
dibunuh sahinggo syahid. Cieklai, kalau ambo indak salah memahami, iko adolah
keinginan Allah swt. untuk menghilangkan sipaik "pengkultusan individu" nan
dipunyoi dek urang-urang Nasrani taradok 'Isa as. Makonyo dalam ayat dikato
kan "Muhammad itu bukanlah bapak dari seorang kamu....."
Akan tetapi bagi urang Syi'ah, sampai ka keturunan terakhir 'Ali yakni Hasan dan
Husain sampai ka Zainal Abidin masih tetap diagung-agungkan. Bahkan dalam
sejarah dikatokan bahaso ado urang-urang nan tarang-tarang mangecekkan 'Ali
sebagai Tuhan. Disiko latak kuncinyo. Akan lain halnyo kalau dalam adu politik
antaro Muawiyah ra. jo 'Ali kw. dimanangkan dek utusan Ali sasudah perang Shifin
tu, tantu pengkultusan sarupo itu akan labiah gadang pengaruhnyo. Wallahu'alam.
Jadi jo caro itu ambo memahami baa fakta nan tajadi, bukan asal hantam
kromo lalu taqlid buta taradok segala sesuatu( kejadian perang Hunain cieklai
contohnyo, aa sabab sagadang tu pasukan Islam bisa dibuek mundur pada
mulonyo, tapi Allah mandanga do'a Rasul-Nya dan indak bakandak mangalahkan be-
liau dalam parang tu, baco surek 'At-Taubah). Sabab bagi ambo, mancaliak jo
fakta sajo acok mambuek urang manyalahkan Islam sebagai agamo sebagai caro iduik
dan acok mambuek urang-urang baputuih aso mancaliak ummat dan menganggap ummat
itu adalah Ruh Islam itu sendiri. Disiko kito harus berhati-hati.
>(ambo)
>Tarimo kasih ateh saran jo karitik.
Jazakumullah khairan katsira.
>
>Wassalamu'alaikum wr.wb.,
>
>Lembang Alam
Wa'alaikum salam.w.w.
Khairi Yusuf
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
