> Lah sampai sutan?
> Baitu mah sutan, bialah nak saya curaikan bana sajak dari pangka, kemelut
> di ranah Minang dimulai sajak bangkiknyo reformasi umat Islam talabiah
> sajak kembalinyo putra2 terbaik bangsa Minangkabau dari tanah suci setelah
> magang jo mahaguru yang menganut aliran keras faham Wahabi iaitu aliran
> yang bercita2 membersihkan ajaran Islam dari praktek2 lamo (animisme,
> dinamisme, Hindu, Budha) dan anasir2 bid'ah lainnya, selanjutnyo
> mengembalikan praktek2 tersebut kepada ajaran Islam yang murni dan
> konsekwen sesuai Qur'an dan Hadist / Sunnah, baa ruponyo dinagari awak
> ukatu tu, ajaran Islam jo non Islam lah bacampua baua sajo antaro kantuik
> jo aia liua, disitulah mako tajadi konflik talabiah sajak Hariamau nan
> Salapan (Tuangku nan Renceh von Agam, Tuangku Sumaniak von Batusangka,
> Tuangku Pariaman, Tuangku Haji Piobang, Tuangku Haji Miskin, Tuangku Imam
> Bonjol, Tuangku Rao, Tuangku Tambusai von Rokan Hulu Riau kini). Setelah
> Luhak Agam, 50 Kota, Rantau2 Pariaman, Pasaman hinggo daerah2 Aliran
> Sungai Rokan, Kampar dan Batang Kuantan barasiah dari anasir2 bid'ah, mako
> Luhak Tanah Data mandapek giliran, dimano kito tau dilingkuangan Istana
> kuek pertahanannyo namun sangaik banyak praktek non Islami tamasuak
> maminum tuak jo adu ayam, disitulah kesempatan emas dek Bulando masuak
> hinggo tasabuik kaum adat v/s kaum paderi dan nan padiah bana adolah
> tabakanyo Istano Pagaruyuang (antah sia nan mambaka kecek nan sorang urang
> paderi nan mamanggang, kecek nan lain keluarga Istana nan mambaka, kecek
> nan sabagian lain antek2 Bulando, wallahualam bissawab) dan sasudah tu
> kaum adat / istano babaliak mamihak kaum paderi dan mulailah perlawanan
> total rakyat Minangkabau niniak muyang kito malawan penjajah kumpeni
> Hindia Belanda, tarakhir Minangkabau tagadai dek bulando Ranah Minang
> dipacah 3 manjadi Karesidenan Sumatra Barat, Riau dan Jambi. Sasudah
> Kemerdekaan RI Karesidenan nan tigo produk Hindia Belanda nantun manjadi
> bagian dari Propinsi Sumatera Tengah nan ba ibukota di Bukiktenggi,
> selanjutnyo di taun '58 Pemerintah Pusat memberlakukan UU no.61 tentang
> pembentukan Daerah2 Swatantra Tingkat I sahinggo Propinsi Sumetra Tengah
> dipacah 3 sasuai jo karesidenan nan lah ado iaitu karesidenan Sumatera
> Barat manjadi propinsi Sumatera Barat ibukota Padang, Riau ibukota Tanjung
> Pinang, Prop.Jambi di Jambi pulo. Rakyat badarai sarato Nagari bekas
> Negara Melayu Minangkabau Raya takuyak2 sabagian lapeh jadi urang Riau
> sabagian jadi urang Jambi aratinyo bana lah ciuik sagadang Sumatera Barat
> nan ado kiniko.
> Nan jadi tando tanyo, baa indak ado cadiak pandai Minang nan namuah
> basigalia atau sakurang2nyo basorak menyuarakan kapusat bahaso "kami urang
> Minang bukan Orang Sumatera Barat Sajaaaaa!!!"
>
> Mungkin maso itu alun taraso lai doh, sabab sajak ibukota propinsi Riau di
> Tanjung Pinang sabalun pindah ka Pakanbaru sampai bagolak PRRI bahkan di
> tahun 70 an, di-kantua2 pamarentahan seperti di-kantua2 Gubernur, Bupati,
> Camat sampai instansi2 terkait nan tadanga sa-hari2 urang mangecek dalam
> bahaso Minang, ado nan logat Bukitenggi, ado nan logat Payokumbuah, nan
> umum tantu logat Padang sebagai bahasa pengantar kedua setelah bahasa
> Indonesia, sebab pegawai2 tersebut tranferan dari Kantua2 / instansi di
> Padang atau Bukik tinggi.
>
> Baa kini lai, sajak kaum intelektual dan birokrat nan tuo2 urang awak tu
> mulai pensiun kaderisasi dan pengganti indak ado, indak ado bana nan urang
> awak ditarimo manjadi pegawai, indak laku ijazah awak doh, padohal rang
> gaek lah ba abih2 manyikolakan awak, nan laku adalah putra daerah Riau,
> urang Sumbar bukan disini tempatnya, gelombang serbuan anak2 Melayu Riau
> dari Kepulauan mulai mendominasi talabiah dizaman Brigjen Arifin Achmad
> urang Siak manjadi Gubernur Riau, Kok ado sanak kemenakan urang awak nan
> malamar / test kok nampak waknyo lahia atau baijazah dari sikola2 di
> Sumbar, surek lamarannyo basisiahkan sabalun dihumbankan ka tong sarok.
>
> Dizaman Gubernur Sumbar Sidi Harun Alrasyid Zein pernah terjadi penyetopan
> pengiriman bareh ka Riau dimano diperbatasan Sumbar Riau dijago ketat
> salamo labiah kurang 2 bulan, akibatnyo harago bareh di Pakanbaru malonjak
> 20 kali lipek hinggo banyak urang awak nan babaliak kakampuang dek sulik
> bana untuak paisi lambuang. Baa mongko bareh distop dek Ajo Harun? karano
> di Pakanbaru wakatu itu tajadi pengusiran urang2 awak tarutamo nan
> berprofesi sebagai pedagang kaki lima yang dianggap mengotorkan kota,
> dicap tidak bisa diatur, tiok hari salalu terjadi kejar2an antara pedagang
> k5 baiak itu ibuk2nyo ataupun nan laki2 dengan petugas TIBUM / Hansip
> kantor walikota, ma nan tatangkok, galehnyo dilompekkan ka ateh truk,
> sampai pacah2 garobak cindua, sate dunsanak Budi Indra dan Budi Indra2 nan
> lain.
>
> Tantu sajo mambuek urang awak di Sumbar sakik garaman hinggo Ajo Harun
> Zein mamarentahkan stop bareh ka Pakanbaru, terakhir masalah ko didamaikan
> dek Mendagri kalau indak salah Mentri Amir Mahmud.
>
> Baa kini lai, kok dicaliak tambo adat, Pakanbaru atau sebagian Riau
> Daratan kan masih nagari Minangkabau, jadi urang Minang nan dicap
> pendatang di Riau ko sabana no gan ano manatap dibumi niniak muyang no
> sandiri, tapi dek urang siko indak buliah malamar, kok malamar bana sarik
> ka lulus, bara banyak sanak / kamanakan Budi Indra nan ilang kesempatan
> bakarajo, bahkan dihardik "kalian sebagai pendatang harus pandai2,
> berlakulah seperti "Dimane Bumi dipijak disane langet dijunjong" "kalau
> tidak kami bisa berbuat seperti urang Dayak terhadap orang Madura di
> Sampit / Kalimantan". "Tidak Melayu Hilang Dibumi" baa gak ati? Awak
> dinagari awak kecek awak tapi indak sakali duo lah kadiusia urang.
>
> Kok saisuak politik devide it impera Bulando indak menghapus nama
> Minangkabau, sudah dipastikan daratan Sumatera Tengah yang kaya minyak dan
> gas bumi menjadi PROPINSI MINANGKABAU RAYA. bahkan kiniko Otonomi luas dan
> hasil migas akan memperbesar kekuasaan pemda Riau, provokasi terhadap
> Minangkabau sebagai pendatang dari Sumbar semakin mengemuka semakin
> mempertajam ketidak adilan yang sudah diciptakan belanda dulu dan
> berlanjut dalam bentuk diskriminasi terselubung yang semakin dirasakan
> masyarakat Minang terutama dilingkungan Pemda bahkan dalam percaturan
> politik dengan memanfaatkan simbol dan merek "Putra Daerah".
>
> Urang Minang kan banyak nan arih, sasuai jo pituah di nan tuo, " nan tau
> di ereng dengan gendeang tau di onak nan kamancucuak tau di dahan nan
> kamaimpok, arih di angin nan basiru, bijak di ombak nan basabuang tau di
> bayang kato sampai bulan lah sangkok tigo puluah, takilek ikan di lauik
> ikan takilek jalo tibo lah tantu jantan batinonyo" antah kok kiniko lah
> banyak nan cadiak bajua ongok babali, kecek urang go ehh, indak kecek saya
> doh.
>
> Jadi itulah potered bisik2 ughang sabalah salamo go taradok urang Minang,
> sainggo urang minang yang mayoritas di Riau daratan yang notabene di
> nagari niniak muyangnyo sendiri sepertinya kurang berkiprah dilingkungan
> Pemda Riau maupun dalam percaturan politik.
>
> Itulah akibat kito kurang arih saisuak, sainggo urang minang kecek saya
> lah tabagi 2 nan partamo nan disabuik "pendatang dari Sumbar" nan kaduo
> kelompok nan wilayah no dek balando saisuak lah tamasuak gan kadalam
> Propinsi Riau (Kabupaten2 Kampar, Rokan Hulu, Indragiri Hulu, Kuantan
> Singingi, tamasuak sub etnis Sakai di Kecamatan Mandau kabupaten Bengkalis
> dan sub etnis Talang Mamak didaerah2 kabupaten Pelalawan dan Kuantan
> Singingi yang oleh pemda Riau disebut sebagai Orang Melayu Petalangan).
>
> Provokasi lain nan mamadiah kok kisanak ingin tau adolah generasi muda
> minang yang berasal dari kabupaten2 nan ambo sabuik tadi kini sudah merasa
> bukan orang minang lai doh, sabab di banak no lah tatanam bahaso nan urang
> minang go adolah urang Sumbar sajo, walau kok ditanyo inyo lai basuku
> bantuak urang tigo luhak bahkan mangaku dikampuang no masih tatagak balai
> adat ataupun rumah rajo nan bagonjong, namun dek oknum tertentu
> dibisiakkan bahaso sisa2 budaya tu adolah pengaruh dari minang / sumbar,
> seolah2 ano indak urang Minang.
>
> Bahkan kini go lah diresmikan LHMRB (lasykar Hulubalang Melayu Riau
> Bersatu) langkok dengan Panglima2nyo dan diikrarkan "Tidak Melayu Hilang
> Dibumi" nan jaleh kok terjadi sakali lai perseteruan antar etnis talabiah
> bantuak nan lah tajadi di Sampit antaro dayak vs madura, alah ado
> persiapan.
>
> Jadi itulah yang mungkin paralu kito sokong berdirinyo Propinsi
> Minangkabau (raya) kok indak kini bilo lai? tantu bak urang bak awak.
>
> Ciek lai manuruik saya istilah Melayu jangan hanya didominasi oleh Melayu
> Riau, pakiakkan pulo bahaso kito labiah berhak manganakannyo sbg "MELAYU
> MINANGKABAU" (seperti melalui pemasangan poster2, spanduk2 atau simbol2
> lainya) karano dinagari kito saisuak memang ado kerajaan besar nan banamo
> Kerajaan MELAYU MINANGKABAU dan tantu sajo dek karano kito urang Minang go
> memang tamasuk rumpun Melayu seperti layaknyo Melayu Deli, Melayu Langkat,
> Melayu Riau, Melayu Jambi, Melayu Palembang, Melayu Betawi, Melayu
> Pontianak, Melayu Brunai, Melayu Sarawak, Melayu Tanah Semenajung /
> Malaysia tamasuak Melayu Filipina Selatan yang sedang bergolak melawan
> rezim Manila, mukasuik saya agar istilah Melayu tidak hanya merasa
> dimiliki oleh Melayu Riau, kitopun pernah jaya dengan Kerajaan pertama dan
> terakhir dan satu2nya yang berdaulat luas didaratan Sumatera Tengah, tentu
> saja ini dimaksudkan untuk mengerem raso "ongas" yang kadang2
> memperlihatkan arogansi fihak sabalah.
>
(iko petikan dari tambo adat):
Batas Wilayah Adat Minangkabau sebagaimana disebut dalam Adat Barih Balabeh
Minangkabau iaitu Adat Limbago dalam nagari, Tambo Adat Minangkabau "Jauah
nan buliah ditunjuakkan, dakek nan buliah dikakokkan, sabarih bapantang lupo
satitiak bapantang ilang, kok ilang tulisan di Batu, di Limbago tingga juo,
nan Salareh Batang Bangkaweh, Salilik Gunuang Marapi Saedaran Gunuang
Pasaman Sajajaran Sago jo Singgalang sahinggo Talang jo Gunuang Kurinci,
dari Sirangkak Nan Badangkang hinggo Buayo Putiah Daguak sampai ka Pintu
Rajo Ilia jo Durian di takuak rajo sampai Kurinci Sandaran Aguang, Sipisak
Pisau Anyuik, Si Alang Balantak Basi, hinggo Aia Baliak Mudiak, sampai ka
Ombak Nan Badabua, sa iliran Batang Sikilang, hinggo Lauik Nan Sa didiah, ka
Timua Ranah Aia Bangih, Rao sarato jo Mapa sampai Tunggua jo Gunuang
Malintang, taruih ka Pasisia Banda Sapuluah, inggo Taratak jo Aia Itam,
sampai ka Tanjuang Simalindu, taruih ka Pucuak Jambi Sambilan Lurah.
disabuik pulo Luhak nan Tigo Lareh nan Duo, partamo Luhak Tanah Data duo
Luhak Agam tigo bilangan jo Luhak Limopuluah, tiok Luhak dibari Bapangulu,
urang nan basa dalam luhak, rancak kato dek mufakat elok nagari dek pangulu,
mano pulo Lareh Nan Duo partamo Koto Piliang duo Lareh Bodi Caniago, itu nan
saparentah daulat Pagarayuang nan diganggam taguah dipacik arek, kok diliek
pulo tantang pado Rantaunyo, kurang aso duopuluah, tiok rantau dibari ba
Rajo, Rajo Puatin Tiang panjang Rajo Nagari Pulau Punjuang, Rajo Gamuyang
Gunuang Sahilan sarato Nan Dipituan Nagari Basyrah jo Rajo Sumbayang Nan
Dipituan Luhak Singingi, Urang Gadang Datuak Rajo Sadio Rajo Kinali, Nan
Dipituan Rajo Munang Rajo Rao Aia Bangih, Rajo Sungai Pagu Muaro Labuah,
Rajo Lubuak Bandaro Rajo Rambah Rokan Kubu, Datuak Rajo Bandaro Rajo Lindai
Tapuang, Sutan Gasib Rajo Siak, Datuak Tanah Data jo Datuak Pasisia sarato
Datuak Limo Puluah jo Datuak Kampar Urang Gadang Pakanbaru, sahinggo Rajo
Tambilahan, Rajo Rengat sarato Rajo Asahan itu nan disabuik Pagangan Arek
Ameh Manah Daulat Pagaruyuang.
wasalam
abp malin bandaro
> ----------
> From: Joni G[SMTP:[EMAIL PROTECTED]]
> Reply To: [EMAIL PROTECTED]
> Sent: Monday, May 21, 2001 7:05 PM
> To: [EMAIL PROTECTED]
> Subject: RE: [RantauNet] PROPINSI MINANGKABAU? RAYA?
>
> Kalau diadoan referendum kamungkinan gadang, sebagian Jabotabek bisa jadi
> bagian Minangkabau Raya. (Sasuai data di panitia Gebu Minang ado sakitar
> duo
> juta urang Minang di Jakarta).
>
> -----Original Message-----
> From: [EMAIL PROTECTED]
> [mailto:[EMAIL PROTECTED]]On Behalf Of Budi Indra
> Sent: Monday, May 21, 2001 1:50 PM
> To: [EMAIL PROTECTED]
> Subject: Re: [RantauNet] PROPINSI MINANGKABAU? RAYA?
> Assalamu'alaikum mamak mamak sadonyo..
>
> Kok buliah ambo bapandapek,
> Terus terang ambo kurang sepakat masalah panggantian namo propinsi Sumbar
> manjadi Minangkabau. Barangkali hal iko sasuai jo mamak nan mangatokan
> baso akan terjadi penyempitan makna disinan.. Ambo supakat tantang
> iko. Apokah daerah-daerah kito nan di Riau, jambi, sarato Malaysia
> otomatis manjadi daerah non-minangkabau?
>
> Ambo punyo pamikiran baso Minangkabau bukanlah daerah nan dibatasi sacaro
> otonomi aratino jaleh bateh-batehnyo saroman nan kito liek dalam
> peta. Tapi labiah kapado sebuah cagar budaya. Ado pendapat nan mangatokan,
> dima sajo budayo minang ado, disinanlah Minangkabau.
>
> Tapi sakali lai itulah pandapek ambo.. Cuma kalau mamacik kapado masalah
> luasnyo daerah, kok bisa.. Basatulah molah kito baliek.. Sumatera Barat,
> Riau jo Jambi.. saroman dulu.. Insya Allah, nan cadiak (tapi ndak
> bapitih) indak ka jadi paota lamak di lapau sambie main domino.. nan kayo
> indak pulo saroman ayam mati di lumbuang.. Mamak-mamak tantu tau mukasuik
> ambo nan ciek iko.. Cuman untuak masalah nagari Minangkabau nan di
> semenanjung iyo angkek tangan ambo..
>
> Wassalamu'alaikum
>
> Budi Indra
>
> On Mon, 21 May 2001, Bandaro wrote:
>
> >
> >
> > Tarimo kasih banyak Malin Bandaro.
> > Batambah pangatahuan ambo jo tulisan angku ko.
> > Sapandapek awak untuak mangganti Sumbar manjadi Minangkabau.
> >
> > Paralu diadokan samacam "referendum" di Riau jo Jambi, badasarkan
> > kamauan panduduakno ; manantukan nagari-nagari nan akan baliak
> > kapangkuan Ranah Bundo.
> >
> > Salain nan Bandaro sabuik dibawah, nan labiah arek ikatan ka
> > MK adolah Kerinci.
> > Baa daerah-daerah lain di Jambi salain Kerinci nan arek ikatanno jo MK
> ??
> >
> >
> > Wass
> > A Bandaro ( 50), Bogor.
> > ~~~~~~~~~~~~~~~~~~~~~~~~
> >
> > Arman Bahar wrote:
> > >
> > > Haa tu hah, tu namuah tu, bialah nak sato pulo saya sakaki:
> > > Sejak abad ke 7 hanyolah Kerajaan Melayu Minangkabau sebagai kerajaan
> >
> > (...........................)
> >
> > >
> > > Kok dipikia2 lah katinggalan kito ko mah, jagolah lai, Kerajaan Banten
> lah
> > > mancogok jo Propinsi Banten, baitu pulo Propinsi Papua, baa gak ati?
> > >
> > > Sebagai Informasi, indak lamo lai propinsi Riau kapacah duo atau
> mungkin
> > > bisa pacah tigo, partamo kalahia Propinsi Riau Kepulauan dengan ibu
> kota
> > > Tanjuang Pinang, kapatangko urang Bengkalis nandak tagak sorang pulo
> manjadi
> > > Propinsi Bengkalis, ini sangat mungkin terjadi hinggo ko iyo ko ha
> tinggalah
> > > Riau Daratan, kok lah bantuak iko, lah buliah pulo sebagian Riau
> Daratan
> eks
> > > Rantau Minangkabau masuak baliak manjadi Propinsi Minangkabau Raya,
> samo2
> > > kito pacintokan, antah kok indak?
> > >
> > > wasalam
> > > Arman Bahar Piliang Malin Bandaro
> > >
> >
> > ( ........ dikuduang kaan lah dibaco juo ...............)
> >
> >
> > RantauNet http://www.rantaunet.com
> > =================================================
>
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
