St Malano Yth,
Tarimo kasih, ateh jawaban pertanyaan ambo.
Alah ambo baco informasi ttg beasiswa WB. Mudah-mudahan paguno dek nan lain, terutamo
dek nan masih mancari-cari kesempatan baiak.
Untuak ambo alah liwaik masonyo Sutan. Ambo sanang mandanga kesempatan elok nan lah
bisa dicapai dek urang awak, sarupo St Malano tu. Supayo diikuiki dek nan lain.
Jadi St Malano dapek magang di Lumbuang Pitih tu dek sikola di Columbia Uni, dapek
sikola disinan karano batugeh di BI cabang NY.
Saran ambo: Mungkin rancak untuak nan mudo-mudo diagieh pulo informasi ba'a caronyo
nan dapek karajo di BI tu. Kalau ado vacancy nanti tolong pulo lah dilewakan di
palanta ko.
Mungkin co itu caronyo maso kini, untuak maangkek baliak martabaik urang Minang,
marilah kito nan maraso tamasuak mujue agieh tahu ka urang awak nan lain.
Dek ambo iko nan bisa ambo kaba kan ka palanta. Ambo lah duo baleh taun marantau di
nagari kangguru. Ba'a caronyo? Dulu ambo sikola pek nyiak. Salasai sikola alah
baliek pulang kampuang, hampie 10 taun ambo baliek kamari manjadi/mandapek Permanent
Resident (PR).
Kesempatan PR iko nan indak banyak diketahui dek urang awak (melayu) kecuali urang
awak t. cino atau urang Pilipin. Di nagari kangguru ko, urang nan pernah sikola
disiko 75% alah dapek kemungkinan untuak dapek PR. Tapi musti baliek kampuang dulu
duo tahun.
Nah, kok lai ado anggota/pambaco palanta nak ikuik ambo marantau ka baruah ambo bisa
agieh informasi. Untuak nan alun tau, di Sydney urang awak labieh dari 6000 urang.
Cuma nan akses ka palanta, ... baru tadi ambo baco ado nan mandaftar dari LaTrobe
University, and babarapo urang di Tassy.
Salam,
Abrar di Rantau Baruah.
> [EMAIL PROTECTED]: Wed, 15 Aug 2001 22:26:43 EDT
> [EMAIL PROTECTED] Re: [RantauNet] FW: Interview SkillReply-To:
>[EMAIL PROTECTED]
>
>Assalamu'alaikum wr.wb.
>
>Abrar Yth,
>
>InsyaAllah Abarar juo bisa sarupo ambo magang di WB bahkan kalau mungkin
>bakarajo di siko untuak waktu nan lamo. Sajak Bpk. Syahril Sabirin pulang ka
>Indonesia, memang indak ado lai urang awak nan bakarjo di siko. Ambo cuma
>dapek kesempatan magang setelah menyalaisaikan program master di Columbia
>University. Ado juo keinginan untuak bakarajo di siko namun ambo tarikek jo
>BI, karano ambo pegawai BI. Jadi bukan dosen Unan sarupo nan di informasikan
>abang Duta.
>Sabalun sikolah di Columbia, ambo ditampekkan di Kantor Perwakilan BI di NY
>salamo tigo tahun. Jadi kiro-kiro alah apek tahun kami marantau kamari.
>InsyaAllah dalam waktu dakek kami ka pulang. Makonyo kalau ado dunsanak yang
>ingin informasi mengenai bea siswa dari World Bank dan hal lainnyo sapanjang
>ambo bisa mambantu, silahkan ambo di hubungi.
>
>Sakian dulu yo Abrar.
>
>Wassalam
>St. Malano
>
>
><< msg2.html >>
------------------------------------------------------------
Free Web-email ---> http://mail.rantaunet.web.id
Komunitas Minangkabau ---> http://www.rantaunet.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================