Assalamu 'alaikum wr wb.
He he he ... Ambo memang manulih namo Riri Satria Sutan Permato iyo supayo
indak salah sangko nan mambaco. Alah banyak bana urang nan takicuah dek namo
ambo ko. Bahkan wakatu tugas ka sebuah klien, ambo diagiah kamar hotel nan
sakamar jo rekan ambo nan padusi .... baitu pulo kalau mengajar, dikiro
peserta dosennyo cantik, langsing, ayu, ... kironyo indak he he he ....
Kapatang ambo baru sajo salasai menginterview 27 urang dari sebuah
perusahaan kerja sama operasi (KSO) dari sebuah BUMN. Tujuan interview iko
adolah untuak promosi ke jenjang manajerial, dan ambo ditugaskan oleh
Lembaga Manajemen PPM, tampek ambo karajo untuak melakukan semacam "fit and
proper test" untuak bidang manajemen kepado 27 urang karyawan nan dicalonkan
jadi manajer tu.
Berikut adolah beberapo hal nan ambo ingin sampaikan, mungkin ado nan bisa
dipelajari.
PUNYA VISI ATAU TIDAK
Pada awal interview ambo selalu ingin mancaliak apokah urang itu punyo visi
atau tidak. Urang nan punyo visi akan mengungkapkan apa nan akan
dilakukannyo jiko diagiah kesempatan menduduki jabatan tertentu, sasaran dan
strategi nan akan inyo lakukan. Tantu sajo segala sesuatu tu harus logis.
Nah, hanyo urang nan sanggup mengartikulasikan visi dengan jelas lah yang
layak menjadi manajer. Mungkin ado urang nan pekerja keras, tetapi indak
sanggup mengartikulasikan visinya. Nah, urang sarupo iko sangat bagus
sebagai karyawan, tapi sayang, indak cocok sebagai manajer.
KEMAMPUAN MENGANALISIS DAN MEMECAHKAN MASALAH
Ini mutlak diperlukan dek seorang manajer. Biasonyo ambo berikan sebuah
kasus, lalu urang nan diinterview diminta untuak menganalisis jo memecahkan
masalah tu. Urang nan jaweknyo batele-tele, indak jaleh ujuang pangkanyo,
apolai indok ado kesimpulannyo, tantu indak cocok jadi manajer. Tantu sajo
babeda ota pemecahan masalah nan serius jo ota pemecahan masalah waktu
duduak rami-rami di kadai kopi ... he he he ...
MEMILIKI KEAHLIAN TEKNIS YANG MENDASAR BIDANGNYA ATAU TIDAK
He he he ... lucu juga kalau dunsanak tibo-tibo menginterview urang nan
malamar jadi manajer keuangan, tapi ditanyo ROI, ROA, EPS, dan sejenisnyo,
inyo indak bisa manjawek. Bisa-bisa kacau balau manajemen keuangan
perusahaan tu ... Ado pulo nan malamar jadi manajer pemasaran, tapi indak
pernah tahu jo STP-4P (segmentation, targetting, positioning, product,
price, place, promotion). Baa caronyo nanti ka manyusun strategi pemasaran ?
Ado pulo nan manjawek, "Saya akan belajar, Pak". Lho, beraja kan dulu wakatu
kuliah atau kursus dulu. STP-4P tu ilmu dasar pemasaran, bukan ilmu
lanjutan. Kalau baru kini mulai ka baraj, walah, kasihan perusahaan .....
memang baraja indak ado batasnyo, kito pun harus baraja sambia karajo, tapi
yang dipelajari waktu karajo adolah adjustment teori atau implementasi,
bukanlah ilmu dasarnyo ... jiko ado kasus sarupo iko, ambo akan memberikan
rekomendasi postpone (penundaan promosi jabatan), lalu juga merekomendasikan
serangkaian training pemasaran untuak ybs.
KEMAMPUAN BERKOMUNIKASI
Ado pulo nan pernah ambo interview mangaku "Saya tidak bisa berkomunikasi,
Pak". Lho, indak bisa berkomunikasi jo urang, tapi nio jadi manajer nan
mamimpin urang. Baa coronyo inyo nanti manjalehkan visinyo ka bawahannyo ?
Memang urang iko sulik menjalehkan makasuik apo nan ado di pikirannyo, dan
ambo sarankan inyo indak jadi manajer nan mengatur organisasi, tetapi jadi
staf ahli atau spesialis nan indak banyak berkomunikasi jo karyawan lainnyo.
.... Kiniko alah banyak pelatihan tentang meningkatkan caro berkomunikasi.
PENGETAHUAN DASAR KEPEMIMPINAN
Biasonyo ambo cari tahu dengan caro pemecahan kasus. Ambo berikan kasus
kepemimpinan seperti anak buah bermasalah, atau masalah dengan penduduk
sekitar perusahaan, dsb, lalu dicaliak, baa konsepnyo mengatasi persoalan
tu. Tahap-tahapan pemecahan persoalan itu akan menunjukkan gaya
kepemimpinannya, apakah otoriter, persuasif, power distance tinggi atau
rendah, situasional, dsb.
Nah, kapado dunsaka-dunsanak nan akan menghadapi interview untuak level
supervisor atau manajer, biasonyo bahan interview hanyo seputar nan ambo
jalehkan di ateh .... tantu sajo ado hal-hal lain sesuai dengan kekhasan
perusahaan ybs. Kalau deh ambo, sesuai dengan kekhasan perusahaan klien.
Mudah-mudahan bermanfaat.
Wassalam
Riri Satria Sutan Permato.
NB : bagi dunsanak yang berlangganan koran Republika, mungkin pernah melihat
artikel ambo di Republika minggu dari tahun 1998 s/d Jan 2001 yang lalu.
Ambo ikuik mengasuh kolom manajemen karir, dan ambo banyak menuliskan
pengalaman pribadi sebagai konsultan dalam artikel tsb, termasuk interview,
memanajemeni karir, memberikan training dan pengembangan karyawan, dsb.
this message was sent by Lembaga Manajemen PPM
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
