Tradisi baralek gaya "Alek Piaman" disebut Alek Badoncek atau Alek Barantam
tradisi ini lebih populer diperantauan dengan sebutan "Alek PKDP" karena
dikelola oleh paguyuban "Persatuan Keluarga Daerah Pariaman"
Iyo masak kaji mamak Rang Piaman Sidi Arman Bahar Piliang Malin Bandaro,
Insinyur California-Texas di Pakan baru. Ambo gadang di rantau rang Deli/Sumut,
iyo mangalami co itu. Kalau nan baralek itu iyo tokoh masyarakat, mako nan
datang ba bis-bis dari saantero Sumut. Nan indak sempat datang, cukup menitip
amplop. Waktu malam Baetong alias malam badoncek itu, sadonyo undangan
disabuikkkan namo jo jumlah uang panggilannyo. Nan cuma manitip, setelah
disabuikkan namo jo jumlah pitih, langsung disorak-an: "Makan angin". Artinyo
iko titipan dari jauah, nan bapanggilan indak sato makan kalio bantai jo gulai
cubadak. Inyo cuma makan angin sajo karano indak datang.
Setelah indak ado lai amplop nan kadibaco-an, jumlah pitih nan takumpua
ditotal, kemudian dibandingkan jo pokok alek. Kalau indak manutuik pokok
alek, mako MC manokok kareh mikrofon tu mananyokan ka mamak2: "Baa
ko kadipadiakan alek awak marugi?" Salanjuiknyo para mamak mangaruak
sakunyo baliak, sampai minimal pokok alek pulang. Pada umumnyo balabiah.
Iko carito wakatu dikampus APP Dep. Perindustrian dima ambo sato pulo
baraja disinan. Iyo di akademi banyak urang awak, sampai APP nan artinyo
Akademi Pimpinan Perusahaan diplesetkan menjadi Akademi Pemuda Padang.
Tantu garah-garah adaik daerah Minang-ko banyak muncul. Dan selalu nan
jadi bahan galak gadang adolah adaik "babali" di Piaman tu. Sampai2 surang
kawan nan PTL (Piaman Tembak Langsung), malunyo mangaku Piaman.
Kalau ditanyo bahaso inyo dari Bukik Tinggi. Padahal ambo tahu inyo anak surang guru agamo di Kampuang Dalam Piaman. Ambo sendiri pernah menegur inyo:
"Indak paralu malu jadi Rang Piaman. Ambo sendiri nan gadang dirantau, tetap
mengaku Ajo Piaman".
"Sesungguhnya diciptakan manusia itu, bersuku-suku, berbangsa-bangsa
untuk saling berkenalan. Dan janganlah kamu meng-olok-olokkan suatu
kaum. Belum tentu kaum yang mengolok itu lebih baik dari kaum yang
diolokkan" (AQur'an Karim)
Dutamardin Umar
