Naaah...kan lai taraso dek Mantari tuh hah, baa bana ughang piaman tu kalau
bagotong-royong dek karano ado uang jemputan tadi.
Wakatu ambo masih raun sabaliak ka Canberra jo Lubuak Aluang van California
(Los Angeles), ughang gaek ambo taruih manalipon dari Padang kalau ado
dunsanak nan punyo anak padusi ka baralek lai. "Anak si Nur kabaghalek lai,
bagha waang ka mambantu?" Anak si Midah lah dapek jodoh pulo, bara nan bisa
waang junjuang?" Bia alah di ujuang nugari bana, tapi ughang gaek ambo
salalu mengingek-an kalau2 ado baban nan harus dijunjuang basamo-samo. Di
siko ambo tapaso maacuangkan jempol terhadap kegotong-royongan ughang Piaman
dalam mamikua baban "uang jemputan" tadi.
Cubo pulo bayangkan ambo anak bungsu dari 14 basudaro. Kamanakan
alah babilang mandakek 100, kamanakan padusi labiah banyak. Kini
si kamanakan alah ado pulo anaknyo nan kadipalakian. Alun lai kamanakan
nan jauah. Nah, itu tadi kebanyakan untuk ma-ambiak marwahnyo sajo:
"Iko panggilan dari Mak Uncu di Amerika... sekian......"
Kini ado pulo cucu di Siantar, Tapanuli nan kadipalakian. Induaknyo
sadang manunggu kiriman $$.
Adaik bagotong royong tu alah manjadi tradisi sajak dulu dan tetap
bajalan diabaik teknologi maya ko. Semoga tetap lestari adonyo.
Dutamardin Umar