Tarimokasih respons Mak Ajo Buyuang wali nogari Marseille Parancih, Ajo Duta tetangga Om Buih di Amrik sarato kisanak Rangkayo Basa di Riaw.
Berawal ditapi rimbo gadang sarang jihin, harimau jo ula sarato biruang nan baranak pinak, ditanah sabingkah nan data dibuek galanggang pamedanan ramilah urang bajua bali rami dek anak urang Tigo Luhak sarato Cino Arab jo Kaliang, sajak dari mahadu ayam hinggo dadu nan bakuncang, sarato parewa baladiang tajam cukuik jo pareman paminun tuak indak katinggalan urang bagak sarato dukun nan santiang2 sampai Tuangku nan mambilang tasabiah bacamin kitab, indak tabilang pandeka salapan panjuru angin sajak nan ahli kuntaw sarato kungfu, Sitaralak jo Silek Tuo tamasuak Kumango jo silek Sungai Pagu Namonyo sajo nagari baru karami, banyak nan datang kamri, antah hanyo perantau sajati antah urang nan batuah sarato bakapandaian nan aluih2 sajak dinan batin sampai ke nan kasa saumpamo pareman tuak nan acok litak, tampak pulo Harimau Tiku murik Nan Tongga Magek Jabang Urang Gedang Ranah Pariaman dari korong Padusunan kanagarian Ampek Angkek Koto Marapak, indak katinggalan urang bagak Luhak Tambusai sarato Palimo dubalang Istano Gunuang Sahilan nan batali darah ka Pagaruyuang sarato pandeka tuo Luhak Singingi Rantau Kuantan nan batali adat ka Dusun Tuo Limo Kaum Dek lamo bakalamoan rang panggalas batambah rami, pakan nan ciek manjadi duo, ciek disabuik Pasa Pusat duo banamo Pasa Bawah tambekan kapa dari subarang, rantau Tanjuangpinang urang namokan kok manggalas panuka 'e Dolar, Ringgik Malaya kecek rang sinan, ka Singapura babaliak ari pai pagi pulang 'e patang bebas pisa indak bapaspor, indak sia urang nan tagak malarang Baliak kaba kapangka kaji, dari hari babilang bulan hinggo tahun nan ka tahun ciek lai, nagari batambah rami juo, rami dek urang Tigo Luhak cukuik Pasaman Padang Painan, nak rang Piaman nan paliang banyak Tasabuik nagari kampuang nelayan, udangnyo manih sagadang langan, ikannyo patin sarato bauang, tangkokan nelayan Melayu kampuang Senapelan nan ba-Urang Gedang Tengku Said timbalan Rajo Siak di Inderapura, babiduak bakayuah tigo parampek malam, pulang 'e pagi mambaok udang, udang pasanan Ajo Maran nan balapau nasi dikida jalan, baitu pulo ikan bauang langsuang kadapua lapau mak Lenggang sumando suku Piliang, ikan patin 'e lah taonggok dilaman lapau Uwan Pudin nak rang Pikumbuah nan babini ka Rantau Barangin nan manggalas disubarang kadai Acong si cino gaek nan manggalas kain Lain pulo dijaman japang, indak saketek kuli romusha didatangkan dari mudiak ranah Minang sarato Urang Jao kuli rantai Simarang, manabang batang kayu gadang hutan perawan indak baurang salain jihin jo inyiak balang, mako sudahlah lapangan kapatabang nan saisuak banamo "Tigo Simpang" kini banamo "Sultan Syarif Kasim" tando Malayu Siak lai ba-urang Gadang, tasabuik rajo pangabisan, lain pulo dirantau Kuantan, Romusha dipaso merabahan hutan, rel kureta dipasang buatan Japang, pambaok kasiak ameh dari Logas tampek manambang, sailiran Batang Kuantan, nan bahulu kadanau Singkarak di ranah Minang DEPNAKER mendirikan Tugu Romusha sebagai penghormatan jasa pekerja tersebut dluar kota Pekanbaru) Jelaslah bahwa sebelum pakan nan baru go diretas dan ditaruko oleh "urang awak" jauah sebelum propinsi Riau yang beribu kota di Tanjung Pinang 1960 bahkan ketika daerah ini bernama propinsi Sumatera Tengah yang beribu kota di Bukik Tenggi di era kemerdekaan 1945 bahkan juga dizaman kutiko nagari kito ba-rajo2 dibawah Daulat Pagaruyuang" urang alah sampai kanagari nanko bahkan tercatat 4 Urang Gedang (Dt. Kampar, Dt.Limo Puluah, Dt. Tanah Data dan Dt. Pasisia sabagai wakil Pagaruyuang nan disabuik "Datuak nan barampek Urang Gadang Pakanbaru" dan bahkan lebih dari itu di "Rumah Gadang Payuang Sakaki" adolah batali darah jo Istano Alam Pagaruyuang note: Daerah kekuasaan Datuak Limo Puluah sekarang menjadi Kecamatan Lima Puluh kodya Pekanbaru Pertanyaan: "PENDATANG" kah urang awak dinagari niniak muyang no sendiri? note: PKDP (Persatuan Keluarga Daerah Pariaman) sudah ada di Pakanbaru sejak tahun 1956 ketika orang lain belum mengenal organisasi urang2 nan sakampuang halaman, demikian pula di Luhak Sakai Duri PKDP sudah tercatat 1958, bandingkan dengan mereka yang baru belajar berorganisasi sekampung sebudaya sesedah era reformasi yang kebablasan ini ditahun 2000 sataun nan lalu That 's ok "Dima bumi dipijak disitu langik dijujuang, but dima lahan nan lah dipetak disinan pulo kayu 'e dikapak" disitu buhua nan indak basentak, sakali suok manggangam kapak alun kababaliak sabalun rarak kok babaliak juo sabalun rarak makanlah ditampuruang nasi campua dadak wasalam ABP Malin Bandaro Ajo Sakai -----Original Message----- From: Zubir Amin [mailto:[EMAIL PROTECTED]] Sent: Saturday, December 01, 2001 1:43 PM To: [EMAIL PROTECTED] Cc: [EMAIL PROTECTED] Subject: Re: [RantauNet] Help!! On 30 Nov.2001:20.42.47 EST,dinda Dutamardibn wrote: "Kalau Islam dipakai jadi pakaian sehari-hari,maka masalah-masalah etnik indak akan muncul kepermukaan" ----------------------------------------------------- Ass.mualaikum.wr.wb.Salamaik bapuaso sanak Arman dan dinda Dutamar- din,salam kami sekeluarga di Marseille. Io pas nan dinda Dutamardin sampaikan ateh kerisauan sanak Arman-di Pekanbaru atas masalah nan dihadapi oleh kumpulan rang Piaman di rantau Riau tu. Bagi kito surang,kok lai sagalo rang Minang bapacik arek dan mendalami banang merah nan jadi pedoman bagi kasagaloé rang rantau tantang "dima bumi dipijak disitu langik di junjuang,talago urang diisi dan aia urang diminum,adaik dan limbago nan balaku dima tampek awak tingga dipa- hami dan diikuti",insya Allah masalah etnis ndak akan muncul.Disikolah banayo pelaksanaan adaik basandi sarak,sarak basandikitabullah.Lai ka baa tu sanak Arman dan dinda Dutamardin.Ajo Buyuang,Marseille. ------------------------------------------ On 12 Dec.2001:12,40.41 ,Erizal Syamir Rky. Basa wrote: Tantu sanak Malin Bandaro dan ..............(dikuduangsenek)... mangarati bana sagalo sepak terjang masyarakat tempatan ko. Jadi kesimpulannyo manuruik ambo,.....ijan lupo jo pepatah urang awak "Dimano bumi dipijak mako disinan pulo langik dijujuang " meskipun " Lawan indak dicari tapi kalau ......... ", cooling down sajo lah dulu sanak. _________________________________________________________________ Get your FREE download of MSN Explorer at http://explorer.msn.com/intl.asp RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================