Assalamu'alaikum wr.wb.,
Agak tagarak pulo ati ambo nak sato saketek pakaro
sijarah Malayu Minangkabau ko. Taraso di ambo
pangistilahan pak Zaimir Gazali nan mangecekan bahaso
Aditiawarman itu '100%' (dalam tando kutip) urang
Minagkabau adolah suatu interpretasi nan disasuaikan
jo adaik Minangkabau nan matriakhat tu. Biasono urang
Minang alah diakui Minang kalau awakno lai basuku,
aratino mandehno Minang. Dan manuruik interpretasi pak
Zaimir, dek mandeh Aditiawarman ko adolah urang
Pagaruyuang, walaupun ayahno urang dari Jawa, manuruik
takaran Minang awaknoko asli urang Minang, ado sukuno
sarupo jo suku mandehno, dan bukan awaknoko anak
pisang nan babako ka Minang. Ambo raso agakno ajo
Buyuang kaliru jo istilah baliauko anak pisang urang
Minangkabau.
Tantangan namo, sabanano namo sarupo Aditiawarman atau
Mulawarman, atau Purnawarman dan sabagaino tu
bukanlah namo-namo Jawa tapi labiah marupokan
namo-namo dalam bahaso Sanskerta sabab mareka iko
saisuak baugamo Hindu.
Nan bahaso awakko ado juo batali darah jo urang dari
Jawa tantu sah-sah sajo. Tapi rasono indak panah ambo
mandanga nan bahaso nagari Minangkabau tu sabana
dijajah dek karajaan Jawa, atau mungkin ambo nan alun
mandanga. Ambo yakin awak alah samo mandanga carito
asa-usua namo Minangkabau nan dek karano urang awak
manang baradu aka dalam mahindaan parang jo urang Jawa
sahinggo cukuik jo maadu kabau sajo untuak manantuan
sia nan labiah santiang.
Baitu juo jo namo-namo nan datang kudian sarupo nan
dikecekan ajo Buyuang saumpamo Datuak Katumangguangan,
Datuak Parapatiah dst. dst., ambo yakin masih labiah
bahubungan jo nuansa Hindu. Bahkan baitu pulo jo
sabagian namo-namo nagari nan masih ado sampai kini
sarupo Parahyangan (tampek manyambah Hyang?), Biaro
(sabangso candi) dsb.
Ambo sapandapek bana jo ajo Buyuang, panganalan
sijarah ko tantu bukan untuak mahanjuang-hanjuangkan
kasantiangan sajarah nagari awak, cukuiklah awak samo
bapikia untuak kabajikan nagari awak tu untuak nan ka
datang. Tapi untuak sakadar jadi ilimu pangatahuan
tantu indak baa pulodoh. Nan mulo mahonyokan carito
sijarahko, pak Zaimir Gazali adolah guru ambo di SMA
Rumbai tahun 1967. Baliauko guru sijarah.
Ambo labiah tagalitiak pulo ingin tau sia sabanano
suami Bundo Kanduang atau labiah tapekno sia sabanano
ayah dari Dang Tuanku sarato ayah Cindua Mato. Apo
tidak mungkin nan bahaso rajo (ratu) Minangkabau
awakko bakarik pulo ka Cino? Kalau dicaliak
ukir-ukiran nagari awak atau tanun-tanunan kain
kabasaran samisal nan dipakai untuak palaminan dialek
musim kini, kental bana rasono pangaruah Cino. Mungkin
ado nan labiah tau.
Wassalamu'alaikum wr.wb.,
Lembang Alam
"Zubir Amin" <[EMAIL PROTECTED]>
Sent by: [EMAIL PROTECTED]
01/17/02 11:53 PM
Please respond to rantau-net
To: [EMAIL PROTECTED]
cc: [EMAIL PROTECTED]
Subject: Re: [RantauNet] Kerajaan Melayu
Minangkabau
Sanak saya Adyan on dated Thu,17 Jan
2002,al.wrote:
" Babarapo waktu nan lalu sanak Eltaf pernah
mampostingkan sil-
silah rajo-rajo Minangkabau.Mulai dari Dipuntha
Hyang sampai
Adytiawarman dan Ananggawarman.Manuruik ranji
ko,Adytiawarman
adolah Dang Tuangku dan ibunyo Dara Jingga
adolah Bundo Kan-
duang.. Baa pulo gak ati tu,Ajo Wali Nagari di
Marseille?".
---------------------------------------------------------------
Assalamualaikum wr.wb.Salam persaudaraan untuk
sanak Adyan sekelu-
arga dari kami di Marseille.Aa sabalun kito
baciloteh,lai ado juo rokok daun
ipahh tu sabatang,cubolah kirim ka Marseille.
Sabananyo kalau sanak Adyan minta pandapek ambo
tantangan sislsilah
Rajo-Rajo Minangkabau,io agak tagaga pikiran ambo
komah sanak,dari namo
namo rajo-rajo tu sadoe babau Jawa.Cubolah elo kaitan
silsilah tu saparati
nan dikutip diateh,sangaik dakek jo namo-namo
rajo-rajo zaman
saisuak di Sunda dan Kalimantan,serta Jawa Tengah dan
Timur,Sumsel.
Rasoé kok jauh bana dengan namo nan membumi di
Minang,cubolah si-
mak Datuak Perpatih nan Sabatang,Datuak
Katumenggungan,Basa Ampek Balai
dlsb.Malah ambo pernah mandanga dari sejarah tutua,nan
bahaso Adytia-
warman tu bakuaso di Pagaruyuang? bukan saparati anak
Pisang,atau ahli
waris nan diberikan kembali kekuasaanyo.
<dikarek>
__________________________________________________
Do You Yahoo!?
Send FREE video emails in Yahoo! Mail!
http://promo.yahoo.com/videomail/
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
