Assalamu'alaikum wr.wb.,
Kaik bakaik rotan Sago Jatuah sakaik kaaka baha Tibo di langik tabarito Jatuah ka bumi jadi kaba Iko pantun nan biasono pambukak carito - kaba nan diturunkan jo pitutua dari muluik ka muluik. Memang banyak nan sulik untuak dimangarati kabanaranno. Nan namono carito sarupo itu kadang-kadang rasono iyo sarik ditarimo aka kalau di baco sacaro harfiah sajo. Manuruik interpretasi jo logika sijarah badasarkan kanyataan bantuak fisik manusia nan ado tantu indak kasulik bana mamahami nan bahaso saganok bangso Melayu nan mandiami Sumatera, Samananjuang Malaya, Jawa, Kalimantan, Sulawesi, jo kapulauan Nusa Tenggara bagian barat barasa dari rumpun nan samo. Manuruik informasi sijarah pulo, masyarakaik Melayu gadangko barasa dari daerah Asia Belakang atau nan kini adolah nagari-nagari Vietnam, Kamboja, Muangthai. Ambo mambayangkan bahaso sakali wakatu antah sakian ribu taun nan lapeh, masyarakaik nan ado di Asia Belakangko mangalami huruhara gadang nan wallahu a'lam apo bantuakno, mungkin parang jo Cino, mungkin taancam panyakik, mungkin kabanjiran atau apo sajo sainggo mareka exodus sacaro gadang-gadangan ka salatan. Ado nan bakatabuangan hanyuik malalui lauik basa, ado nan lalu di jalan darek sainggo sampai di ujuang tanah samananjuang. 'Dagang hanyuik' nan banyak ko sabagian tasangkuik di bagian timur pulau Sumatera, sabagian tasangkuik di bagian baraik Kalimantan dan sabagian gadang tabao taruih sampai ka pulau Jawa, di sinan indak dapek hanyuik labiah jauah lai. Itulah sababno konsentrasi panduduak labiah banyak di pulau Jawa. Nan tasangkuik di bagian timur Sumatera bakayuah pulo ka mudiak sungai mancari tampek nan labiah elok sabab pantai timur ko umumno tanah barao-rao, indak cocok untuak batani. Nan turun di Kalimantan malereang-lereang pulo sapanjang pantai Kalimantan tu sampai basuo jo tanah nan labiah subur di Kalsel. Banyak kasamoan dasar dari masyarakaik nan barasa dari rumpun nan samoko tarutamu dalam caro batani/basawah, samo pamakan nasi dsb. Sadangkan budayo sarato adaik istiadaik kudian bakambang sandiri-sandiri. Umumno nan badakekan tantu tiru maniru juo dalam hal budayo sainggo ado kamiripan satu jo nan lain. Di masyarakaik nan labiah mudo, kecekan misalno Melayu Deli, Melayu Tanah Semenanjuang, Melayu Riau, Melayu Kepulauan, Palembang, Melayu Kalimantan sampai ka Banjarmasin banyak bana masih kesamaan bahaso jo budayo. Interaksi masyarakaik jo dunia lua tatap pulo tajadi nan bahkan bakataruihan sampai kini. Indak ado ciek suku bangso nan barasa dari rumpun nan samoko nan bisa mahindaan pangaruah asiang baiak dari India (agamo Hindu, bahaso Sanskerta) atau dari Cino, bahkan dari urang-urang Eropah nan datang jauah kudian. Lalu baa jo awak urang Minangkabau? Rasono indak mungkin awak kabalain surang dibandiangan jo Malayu nan banyak tu doh. Indak kamungkin batua kalau awak kecekan awakko katurunan Iskandar Zulkarnain nan barasa dari Eropah (urang Aria), sabab nan awakko iyo Malayu. Kalau dicaliak bantuak fisik urang Minangkabau kini, mako ado 'influx' ketek-ketek dari Cino, atau dari India, atau nan kudian-kudianko dari Eropah mungkin sajo, tapi indak banyak. Balain misalno jo urang Minahasa nan manarimo 'influx' nan labiah banyak. Tapi kadikecekan inyiak muyang urang awak bagalau sae, rasono indak batua pulo doh. Aliah-aliah carito, takana pulo diambo baliak carito ajo Buyuang nan mangecekan bahaso urang Madagaskar barasa dari nagari awak Indonesia. Dari bahaso mareka, manyabuik namo-namo hari sarupo nan panah ditulih ajo Buyuang, nampakno papindahan masyarakaik ka Madagaskar tu tantulah alun lamo bana lai, aratino sasudah urang awak baagamo islam (sakitar 600 - 700 tahun nan lapeh) sabab namo-namo ari nan mareka pakai adolah namo-namo hari nan barasa dari bahaso Arab, bahkan dalam bahaso nan labiah 'genuine' dibandiangkan nan awak pakai (akaik, sinayan, salasa, rabaa, kamih jumaaik, satu atau ahad, senin, selasa, rabu, kamis, jumat, sabtu). Dan ambo yakin marekako indak dari Jawa doh sabab kalau dari jawa tantu mareka mamakai namo hari pasaran sarupo urang Jawa. Sakitu pulo dulu. Wassalamu'alaikum wr.wb., Lembang Alam "Alec St. Rangkayo Labih" <[EMAIL PROTECTED]> Sent by: [EMAIL PROTECTED] 01/18/02 08:15 PM Please respond to rantau-net To: [EMAIL PROTECTED] cc: [EMAIL PROTECTED] Subject: RE: [RantauNet] Kerajaan Melayu Minangkabau Dear Dafiq Saib Sejarah Kerajaan Minangkabau mirip dengan hadis-hadis palsu. Umumnya bersandar kepada cerita-cerita dari mulut ke mulut (tambo). Berbagai warna-warni muncul di tengah mitos dan tahyul. Sayang, pembuktian ilmiah sangat minim bahkan hampir tak bisa dipertanggungjawabkan. "Sajak Gunuang Marapi sagadang talua itiak." <dikarek> __________________________________________________ Do You Yahoo!? Send FREE video emails in Yahoo! Mail! http://promo.yahoo.com/videomail/ RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================