Assalamualaikum Wr.Wb.
Manolah Mak Buyuang nan nyu ambo, urang gadang basa batuah, urang cadiak nan elok budi, nan tantu di piriang karatak, nan tantu labuah nan lah baraliah, nan jaleh panjang jo singkek. Sabalun ambo taruihan bari maaf nan paja kaciak ko, urang nan sadang tagak bapacik, iyo alun boneh dalam bakato, alun tantu dirundiang jo kato salasai, ampun ambo kapado mamak. Basuo juo bak kato urang malu batanyo sasek dilabuah, sasek ka adaik minang malu pulo batanyo kampuang jo nagari. Dek ambo nan paja kaciak darah nan alun satampuak pinang, umua alun satampuak jaguang, pangana sambuah tapi sagalo cewang, maklumlah ambo urang nan indak dianjuang tinggi nan indak diambak gadang, nan didahulukan salangkah ditinggikan sarantiang, tapi paja kaciak nan sadang baraja ko iyo tungkek estafet tibo pulo diambo isuak nan kamanjadi mamak sakurang no dalam keluarga kaum.
Mak Buyuang....................... satantan nan baitu ambo parnah mambaco buku tambo minang cetakan tahun 1935 karangan Dt. Mangkuto Rajo Ameh nan batulih jo huruf Arab gundul ditambuah jo malayu, dima buku tu ado dikakak ambo nan batugeh di Kaletek mako no ambo barani mauraikan, dan kamudian banyak tambo minang nan tabik sudah tun nan babeda beda isi jo uraian no. Dt. Ketemanggungan badunsanak samandeh jo Dt. Parpatiah Nan Sabatang sarato Dt. Sidirajo nan jarang tasabuik namo no, sadangkan nan padusi no Puti Cati Bilang kanai sarato Puti Bilang Perak. Tapi samantang pun baitu sagalo bukti nan basuo dio ambo iyo batubasurek jo batu batikam di daerah tanah data. Sasudah tun niaik Dt. Ketemanggungan maninggakan kampuang iyolah ditarimo no Adityawarman jadi rajo di Minangkabau (kekecewaan) memang sabalun barangkek baliau ntun bakato bahaso pai maninggakan kampuang guno no mambangkikan batang tarandam, mudah-mudahan sapaningga baliau ranah minangkabau jaya dan diranrau baliau pun dapek mambangkik batang tarandam (mengobati kek ecewaan) dari ranah minangkabau.Manganai surau nan mirip anjuangan urang Tibet adolah oleh-oleh nan dibao dek Dt. Ketemanggungan kutiko malancong kanagari Tiongkok.
Mak Buyung .................. sakitu paham nan dari ambo kok raso no kurang nan barikan bari maaf ambo, isuak ambo cari-cari juolah baliak tambo Minangkabau ko, ambo sandiri tamotipasi dek kebudayaan Indian, Mexico, Mesir nan digali/dicari urang baliak, jan tasuo pulo diawak isuak nan bantuak itu. Sadangkan urang nan dari lua nagari Minangkabau baa aka mancari keunikan Adat dan Budaya Minangkabau tersebut. Baitu juo Inggeris nan alah maju pun sampai kini masih mempertahankan nilai-nilai budaya no saperti mempertahankan/memberikan gelar dan itu dipakai sampai kini yaitu Lord, Sir, dsb. diawak malah maleh mamakai. Baru-baru ko tapek no bulan Juli 2002 oleh masyarakat Banuhampu Sei. Pua memberikan gelar adat kepada Amin Rais Ketua MPR dengan gelar Dt. Tuanku Rajo Nan Sati dasar no apo sadangkan Adityawarman nan jadi Rajo diminangkabau sampai kini alun paranah di agiah gelar, kiro-kiro baa pandapek Mak Buyuang.
Ndak mangapik daun kunyik atau mambusuangkan dado sasudah di agiah gala kutiko jadi marapulai langsuang pulo ambo pakai dikantua secara dokumentasi permanen tatap namo sabana no seperti SK naiak pangkek sadangkan panghargaan atau masalaha ndak permanen ambo pakai galam dari niniak muyang ambo yaitu Dhila Enha St. Sarialam baa pandapek dari Mak Buyuang.
Sakitu sen dari ambo isuak buliah disambuang pulo baliak panek lo mak buyuang mambaco beko.
Wassalamu Wr.Wb.
Aciak St. Sarialam
_________________________________________________________________
MSN 8 with e-mail virus protection service: 2 months FREE*
http://join.msn.com/?page=features/virus
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di: http://www.rantaunet.com/subscribe.php3
===============================================
With Yahoo! Mail you can get a bigger mailbox -- choose a size that fits your needs
