Re: [RantauNet.Com] Urang Kubu (Suku Anak Dalam)

[Zubir Amin]

Wa'laikumsalam wr.wb! Selamat pagi waktu Marseile(baru sajo mamak
salasai subuah,atau selamat siang waktu wib.13.30) dan salam dan
peghargaan mamak atas respon kanakan Aciak St.Sarialam atas subjek
nan diateh,sekalian selamat berhari Minggu bersama keluarga.Amin.

Kecek rang tuo-tuo saisuak,kurang tahu maka tak kenal dan ndak ke-
nal maka tak akrab(sayang).Kok sajamang ka diri mamak,io baasa dari Kam
puang Gadang,Padusunan(kenegarian IV Angkek Padusunan)dakek tapian pan-
tai Piaman.Mancogok kadunuia ko,63thn nan lalu,lalah hampia masuak tuo
bangko,kecek urang inggirih"golongan feeddingaway"nan matoarino lah con
dong kabarat kok dari Ina dan ka Timur kok dari¨Marseille.Basikola sajak
dari SR sampai SMUN di Piaman dan sudah tu mambuang diri ka Batavia,syu
kur almhamdulilah lai salasai lo senek dari UI cq FISIP thn.1969,juru-
san Ilmu Politik.Basawah di Deplu sajak thn 1973 sampai kini(ditunjuak
jadi walinegeri di Marseille oleh Pem.RI sejak thn 2000 nan lalu.)Kok ka
nakan Aciak St.Sarialam ado wakatu tolong juolah silau mamak kasinan.Sa
tu kegembiraan bagi mamak sekeluarga kalau ini menjadi kenyataan.Semoga.
Itulah senek,perkenalan dari mamak sehingga kanakan Aciak indak ragu-ra
gu dalam basilturrahim dengan mamak untuk selanjutnyo.

Mancaliak paparan nan kanakan Aciak sampaikan,itulah kato nan sabana
nyo sebagai rang mudo Minang.Kebanggaan tersendiri bagi mamak masih ado
generasi mudo Minang kini nan menggeluti dan menggali khazanah dan keka
yaan Budaya Minang.Kalaulah ado surang,baduo atau labiah seperti kanakan
Aciak nan menyenangi seluk beluk Budaya Minang ini,baralah kasanangnyo
hati alm2 Datuak Ketemanggungan,Datuak Perpatih Nan Sabatang sarato Da-
tuak Sidirajo,ketiga mereka dan para Datuak2 nan milik masyarakat lain-
nyo,masih ado kesinambungan Budaya Minang ini,dan tidak kurang kami-kami
nan lah tuo ini juo ikuik bangga dan sanang.Taruihlah gali budaya itu.

Sebagai generasi nan hiduik maso kini,mamak hanyo berharap kepada ma-
sayarakat sejarah Minang kiranya dapat memberikan fakta sejarah yang ti
dak melulu didasarkan kepada carito tutur atau kaba ataupun tambo,karena
"fakta nan dijadikan rujukan ini"sudah semakin jiruih malah hilang dite
lan bumi karena sudah uzur dan meninggal.Jaan dilupokan,hal2 semacam ini
tidak akan terlapeh dari penyakik keegoan sinan bakaba atau pembuat tam
bo.Namun hal ini sebahai bahan acuan kasa,masih buliah dijadikan pijakan
untuk menggali labiah dalam lagi sejarah dan asa usua Budaya Minang tu.

Soal,bari mambari gala nan babau Minang ka urang nan ndak ado sang-
kuik paruiknyo dengan adat dan Budaya Minang,mamak io kurang sapandapek.
Lah rusuah hati komah kanakan,ruponyo sebagian petinggi Minang tamasuak
dan tagabung dalam LKAAM,lah ikut latah,maagiah gala urang Surakarta,sa
tolo "awak" magiah gala ka urang Jawa.Dimaa serasinyo tu.Nan lucunyo,sam
pai kini alun ado juo tindakan resiprositas dari pihak keraton Jogja,mam
barikan gala ka keturunan Pagaruyuang.Padohal pihak"keturunan"Pagaruyu-
ang sudah memberikan gala kepada Sultan Hamengkubuono ke X beberapa wak
tu nan lalu.Jadi nampaknyo kini,maagiah gala nan babau Minang lah samo
jo kacang goreang,lah dirandahkan,lah ndak paralu lai nan bersangkutan
"asli"Minang atau indak.Ikolah zaman kemajuan.Semoga Datuak2 nan disebut
diateh tu indak ta onjak-onjak di kubuanyo.

Berkaitan dengan kasanangan kanakan Aciak mamakai gala nan diberikan sesudah menikah atau nan dari pusako kaum,indak salah bagai tudoh,sila-
kan pakai.Kok jatuah kadiri mamak,karano mamak sumando rang Koto Gadang,
dapek pulo gala "Datuk Bungsu Sutan Piaman" sadangkan gala nan turun ta
murun dari "niniak muyang kecek Aciak" ka mamak lai pulo ado tapi indak
bapakai karena alun di ditagak panghulukan."Datuak Radjo Djambi" adolah
galar kaum mamak di Piaman,ia bukan gala nan diberikan oleh pihak mertu
kito seperti nan di Koto Gadang.Tapi apolah gala,kanakan,nan penting baa
caro supayo pariuk nasi awak sekeluarga dan keimanan kita tetap tajago
dibawah linndungan Allah swt.Salam mamak ke keluarga Aciak.M.Buyuang!








_________________________________________________________________
Tired of spam? Get advanced junk mail protection with MSN 8. http://join.msn.com/?page=features/junkmail


RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.

Mendaftar atau berhenti menerima RantauNet Mailing List di: http://www.rantaunet.com/subscribe.php3
===============================================