SAMBO LADO UWOK :
Bahan : -Lado sirah 10 biji (*) -Bawang merah limo siung -tomat 3 bauh , kalau bisa tomat mudo -ikan teri medan 1 ons -garam secukupnyo -Aiea nasi (aiea didih) 1/2 galeh
Caro mambueknyo :
Giliang lado sirah samapi haluih , potong bawang tipih tipih dan tomat mudo
dipotong manyerong masuakkan ikan teri medan nanlah dicuci barasiah
kamudian aduak didalam mangkuak , tambahkan garam sacukuiknyo .
Untuak kuahnyo ambiak aiea nasi nan sadang mandidiah masuakkan kadalam cangkie / mangkuak tu , sasudahtu uwokkan diateh nasi nan sadang tajarang / bisa juo dalam ricecooker dan jan lupo aleh snek jo
daun pisang bia nak lamak aromanyo.
Untuak kakawan uwok lado ko paliang lamak dimakan jo uwok daun
parancieh/daun singkong dan uwok rimbang .
Wassalam :udazul di bali
(*) kalau sanag padeh tamabhi cabe kutu. On Tue, 17 Jun 2003 20:38:13 -0700 (PDT) Muhammad Dafiq Saib <[EMAIL PROTECTED]> wrote:
Assalamu'alaikum wr.wb.,
Ado-ado sin Bandaro yo.....
Jadih lo lah.
Samba lado 'tomaik'
10 buah lado sirah karitiang digiliang aluih
3 siuang bawang merah, diirih tipih
2 buah tomaik ukuran manangah diirih, kulik arino nan rancak di buang
1/2 limau sundai (iko lai juo kolah kini) ukuran sadang, atau limau ketek-ketek (jeruk limau) 2bh (ketek)
2 halai daun limau
garam Pakalincoanlah kasadoanno di kuali (digoreng), muloi jo manggorengan bawang salincam (indak sampai kariang), masuakan daun limau, masuakan lado giliang (masakan goreng ladono), masuakan garam, masuakan tomaik, tarakhir ramehan limau. Lah jadi no duh.
Samba lado tulang cancang
tulang cancang (agak-an kiro-kiro sakauik), randang (digoreng indak baminyak) sampai masiak baminyak sainggo bisa digiliang. Bukak-an pintu dapua ma randangno kalau indak heboh baun jo asokno.
10 buah lado sirah, di uok-an (lai jaleh di uok-an ko goah?)
3 siuang bawah sirah diirih tipih-tipih. bawang putiah sasiuang, garam.
Tulang cancang nan alah di randang kariang, lado bauok, bawang merah jo bawang putiah sarato garam di giliang. Langsuang untuak dimakan.
Atau bisa juo lado indak diuok-an, tapi sasudah digiliang digorengan salincam. Tapi biasono kalau digoreang, raso tulang cancangno kurang.
Alah dulu duo ko, bia nak ditambahno di nan lain.
Wassalamu'alikum wr.wb.,
Lembang Alam
FST-IAMS-Elect <[EMAIL PROTECTED]> wrote:
Ado ba macam-macam versi "samba lado".
Kapado nan punyo resep khusus ambo minta tolong dipostingkan disiko.
Mungkin kito koleksi.
Tolong bari namo nan spesifik, dan daerah asa.
'mokasi. mak Ban Sadang tajejeh aia liua ~~~~~~~~~~~~~~~~~~~~~~~~~
=========================================================================================== "TELKOMNet Instan memberikan diskon 40% untuk akses malam hari dari pukul 23.00 sampai 06.00. Berlaku untuk wilayah Jawa Timur mulai 1 Mei 2003 sampai 30 Juni 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================
