Wa alaikum salam,w,w. Bundo Nismah Rumzy nan arief jo bijaksano, sungguah barisi pituah Bundo ka kami nan mudo matah ko, dek manuruikkan emosi, hijau mato mancaliek pitih nan kadipadapek ratusan juta tu, bahkan kawan senioren ambo hampia satangah milyar nan inyo dapek dari Program Padini ko. Apo kajadian sasudah itu, ado nan babini mudo kecek Bundo, ado nan dibali atau dimintak dek anak2 nyo nan baduo-batigo pambali oto untuak kuliah kecek inyo, dan bahkan ado nan tergiur ikuik menanamkan modal ka Qisar, usaho pertanian nan ado di Jabar baru2 ko, akhirnyo pitih tu tandeh, sudah tu beliau sakik2 dan seterusnyo di panggia dek Tuhan. Jadi nasehat Bundo tu, memang itulah kenyataannyo, makonyo ambo nan baru 46 taun ko indak maambiak program Padini tu. Masalah Kaletek (Caltex) ko, subananyo hampia ambo masuak ka sinan di tahun 1984 nan lalu, ambo nan alumni FT USU Medan tamaik ditahun itu, lansuang malamar ka tigo perusahaan nan sadang bonafide saat itu, yaitu PT.Arun Aceh, Caltex Riau dan PT.Pusri Palembang. Dengan wakatu nan hampia basamoan katigo perusahaan tsb maimbau ambo untuak testing. Agak kalimpasiangan ambo wakatu itu, ambo nan masih berdomilisi di dangau Pak Etek ambo di Komplek Auri Polonia Medan, tapaso mintak pandapek kasano kamari. Dengan pertimbangan matang, PT.Arun ambo tinggakan dek karano ambo bukan katurunan urang Aceh dan kok dicaliek namo, namo saroman urang Jawa pulo, etnis nan belakangan di benci dek urang Aceh. Jadi barangkeklah ambo ka Palembang, testing di Pusri hari sabtu, sedangkan sinayan nyo ambo harus testing di Arun dan selasa di Caltex. Setelah test di Pusri, ari akaid nyo lansuang ka Pakan Baru, untuak persiapan test di Caltex. Duo ari ambo di Pakan Baru, ado himbauan baliak dari Palembang, bahaso ambo luluih di testing nan partamo, dan seterusnyo ambo dinyatokan luluih jadi karyawan PT.Pusri pas awa tahun 1985. Dengan Caltex, setelah test nan partamo tu indak ado panggilan lai, nan aratinyo ambo dinyatokan indak luluih. Nah itulah sekelumit kenangan ambo ka Caltex ko. Kok jadi ambo di Caltex di taun 1985 tu, antah jadi apolah ambo kini, wallahu alam bis sawab. Kembali ketopik pembicaraan, ambo setuju jo nasehaik Bundo tu, agar jangan terburu-buru mengikuti program Padini ko, sabab Padini di Pusri ado duo kriteria, nan partamo, Padini APP (Atas Permintaan Perushaan) dan nan kaduo namonyo Padini APS (Atas Permintaan Sendiri). Nan baru bajalan Padini APP, seperti nan alah ambo caritokan kalamari, sedang Padini APS, belum dimulai dan mungkin kalau ado, pesangon nan ditarimo ketek dari APP. Sakian sajo tuka2 pikiran dan informasi demi kemaslahatan kito basamo. Ambo dari Palembang, mengucapkan salam ta'zim dan hormaik ka Bundo dan tak lupo salam pulo ka Ayahanda nan bundo cintoi.
Wass, M.St.Bangsawan Pusri Palembang > > Assalamu Alaikum W. W. > > Program VRP iyolah lah lamo ado. Saisuak namonyo MAR (Mutual Agreement > Resignation), biasonyo labiah manguntuangkan dari early retirement. Bundo > indak tahu barapo perkalian nan sadang digodog tu, kok lai manguntuangkan > dari bakarajo taruih ambiak sajo. Kok untuak nan masa depannyo masih > panjang dan you have good future in the company do not take it. > > Sasudah itu untuak nan kabapiti banyak karano mandapek lumpsum harus > diingek karano bundo caliak baru urang Caltex tu pansiun satahun atau duo > tahun lah sakit-sakitan dan indak bisa bertahan lai. Ahamdulillah kami > meninggakan Rumbai 9 tahun nan lalu dan sampai kini Allah SWT masih > memberikan nikmat dan karunianya bisa bertemu dengan nanda semua. > > Jan lupo mambayia zakat. > Sekarang kesempatan menjalankan perintah Allah SWT dengan benar. > Jangan ngoyo kalau nggak bisa dapat pekerjaan baru cari aja kerja > sosial, jangan dipaksakan diri. > Pitih tu bukan pancarian sabulan atau satahun jadi kok dapek jadikan > pitih tu pitih batu indak bisa ditakiak > Jan cubo-cubo bakongsi badagang banyak nan datang nio bakongsi modal > dari awak dari inyo iyo tanago. Jan sakali sakali picayo. Ado urang > Malaysia nio penanaman modal basamo dan inyo punyo masin awak punyo > modal. Ruponyo masinnyo tu masin tuo basi rongsokan. Lah abih pitih > urang Malaysia tu pai maninggakan awak. > Jan pulo dipinjam untuak modal dek dunsanak, anak, adiak, dst. Ado > sahabat bundo mungkin nanda Elthaf tau urangnyo nan sampai maningga dek > karano lumpsumnyo abih dek adiaknyo. Agiah se lah pitih kalau nio > mambantu.Jan dijadikan pitih itu untuak nan babau kemewahan mobil built > up, rumah, dll.nya. Banyak godaan untuak bapunyo mobil bagus dan kita > mengatakan kapan lagi dinikmati hidup ini. Sadang indak baroda lai > capek pitih tu painyo apolagi lah baagiah roda tantu inyo samakin capek > ciginnyo. > Kok badagang awak sandiri nan mangalola dan jan diabihkan sadonyo > untuak modal (contohnya nanda Elthaf). Kok bisa ditambah goreng ayam tu > jo warnet kan enak juo tu. > Cari hobby supayo jan kanai post power syndrom. > Jan dikana juo maso dahulu tu - maso bapitih banyak saisuak. Sasuaikan > keadaan kok dapek cari kawan kawan baru dan kok basuo jo urang urang > nan aktif karajo kok inyo indak acuah jan mandakek dakek juo awak. > Umumnyo saisuak urang tu manjilek kini kalau awak indak bakarajo leh > indak acuah. > Last but not least jan babini mudo - banyak se anak gadih nan nio jo > awak - sabatuanyo jo isi saku awak tu. > Masuaklah asuransi kesehatan. Kok tingga di Jabotabek hubungi bundo > untuak nan pensiunan Caltex > > Mungkin banyak leh tolong tambahnyo tapi itu nan takana dek bundo. > Wassalam, Bundo Nismah Rumzy > > > > --------------------------------- > Do you Yahoo!? > SBC Yahoo! DSL - Now only $29.95 per month! RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================