Ass, wr, wb. Uda Zul di Pulau Dewata Bali nan ambo hormati, dunsanak sidang RN kasadoalahe nan tercinta, memang apo nan Uda sampaikan tentang istilah Kalibrasi tu memang sangaik tidak cocok (istilah kalibrasi di dunia teknologi memang seperti nan uda katokan tu, biasonyo memakai alat2 canggih sebagai kalibrator nyo, biasonyo kalibrator tu sudah merupakan Standard / Acuan nan dipakai secaro internasional, diakui dek urang basamo, seperti : meteran, anak timbangan dll, mungkin tamasuak cupak dinagari kito). Jadi nan tapek untuak topik tersebut adolah istilah "Mencocokkan arah Kiblat kito". Istilah Kalibrasi ko ambo pakai karano ambo manaruihkan dari pendahulunyo (sumbernyo). Caro mancocokkan arah nan disampaikan ko, memang caronyo masih konvensional, tapi secaro ilmiah bisa dibuktikan / dipraktekkan dengan gamblang di rumah kito masiang2. Caronyo : Latakkan sabuah lampu satinggi satu meter atau labiah tapek diateh lantai nan dibawahnyo kito bari titik nan kito sabuik kota Mekah dan lampu ko berfungsi sebagai matoari, dijarak labiah kurang 2~3 meter dari lampu tadi kito tagakkan sebuah pinsil tegak lurus dengan lantai, maka pensil tadi akan mambuek bayangan nan menjauhi arah lampu tapi arahnyo segaris lurus dengan titik dibawah lampu nan kita sabuik kota Mekah tadi. Dimaa sajo pensil tadi kito tagakkan tegak lurus lantai, bayangan nan akan terjadi tetap segaris lurus menuju titik dibawah lampu tadi. Jadi baitulah perumpamaan kito berado dimaa sajo, pado saat matoari tapek diateh Ka'bah (Kota Mekah) mako tiang nan kito tagakkan tegak lurus bumi akan mambuek bayangan nan segaris lurus arah manjauhi matoari tadi. Jadi kalau ado musajik atau apolah namonyo tampek kito menyembah Tuhan dengan kegiatan Sholat nyo, mako sudah sewajarnyo kito seragamkan arahnyo yaitu menuju satu titik Ka'bah di Kota Mekah dengan caro tadi. Caro ko indak bisa kito lakukan setiap saat, manuruik para ahli, di tahun 2003 ko hanyo 2 kali tajadi yaitu di tgl. 28 Mei 2003 nan lalu dan tgl.16 Juli 2003 kapatang, karano disaat itu matoari tapek di ateh Ka'bah. Kalau mancocokan manggunokan GPS via Satelit, sabananyo itu labiah akurat, tapi indak semua kito nan bisa mandapek access ka Satelit tu, apolagi urang didaerah / dikampuang nan jauh dari jangkauan teknologi. Tapi kok caro konvensional tadi bisa langsuang kito mandapek arah dari tampek kito masiang2, tapi ado kendalanyo iyolah factor cuaca seperti kami di Palembang kapatang, cuaca kurang bersahabat, matoari tertutup awan tebal sahinggo bayangan tiang nan kito tagakkan tidak jelas nyata. Caro lainnyo adolah jo kompas nan memang ado di jua dipasaran nan memang bisa menunjukkan kamaa arah Kiblat sebenarnyo, untuak kito Indonesia jarum kompas tu harus menujuk ka angko 65 ~ 75 dan untuak negara lain angkonyo sudah ditentukan sesuai daftar nan sudah diuji coba oleh nan mambueknyo. Masalah, apokah sah atau sabarapo jauh kebsahan salat kito, kalau kito salah / malenceng dari arah kiblat, itu sabananyo indak perlu kito persoalkan disiko, di ateh pesawat urang ka naiak haji sajo arah Sholat nyo hanyo mengarah ka muko. Intinyo masalah arah ko tagantuang di hati kito masiang2, Tuhan tahu apo nan ado di hati kito. Sakian se, jawaban ambo untuak Uda Zul Bali dan dunsanak sakalian, kok bana itu dari Tuhan datangnyo dan kok ado nan salah tolong diparelok'i, maaf ambo kok talantuang dek kanaiak talendo dek katurun, ka Tuhan ambo mintak ampun.
Wassalam, Mulyadi Sutan Bangsawan (alun haji lai) Rang Suliek Ayie di Bumi Sriwijaya. ----- Original Message ----- From: "zul amry" <[EMAIL PROTECTED]> To: <[EMAIL PROTECTED]>; <[EMAIL PROTECTED]> Sent: Thursday, July 17, 2003 7:51 AM Subject: Re: [RantauNet.Com] Fw: [Sulit-Air] KALIBRASI ARAH KIBLAT =====>Hari Rabu tgl 16 Juli 2003 jam 16:26:40 > Sanak Mulyadi Yth : > > Assalamualikum Wr.Wb > > Ambo kiro tadinyo kalibrasi arah kiblat manggunokan > peralatan canggih > sarupo nan dilakukan kalau malakukan kalibrasi paralatan > navigasi > penerbangan , eh .. tahunyo masih manggunokan alat > tradisional dengan > bapadoman kapado posisi matohari , kalau baitu baa indak > kito gunokan > sajo istilah mancocokkan arah kiblat . Dan tantunyo nan > bisa dicocokkan > ko adolah arah kiblat dari tampek awak surang - surang . > Tapi baa caronyo > mancocokkan arah kiblat kalau tampekno alah permanen , > sarupo musajik > nan lah badiri sakian ratus tahun , dan ambo yakin dulu > wakatu mambangun > musajik tu alun ado alat nan cangkih sarupo kini ( > manggunokan GPS via Satelit) > Ciek lai partanyaan ambo sabarapo jauh kebsahan salat kito > , kalau kito > salah / malenceng dari arah kiblat > > > Wassalam : Zul Amry di bali RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
