Ajo Buyuang manulih:.......................................................
Kali ado para sanak nan pia-wai di palanta RN ini nan piawai dan tahu saluak baluak pemakaian "sutan" di Darek.
..........................................................................................................
..........................................................................................................
Assalmualaikum.
Ajo jo sanak dipalanta kasadoanno. Ambo indak piawai dalam gala bagalako doh. Tapi ambo ingin babagi saketek sajauah nan ambo liek dikampuang ambo, Canduang IV Angkek, Agam (Bkt).
Nan gala "Sutan"ko, tamsuak juo Pakiah, Malin, Angku disabuik gala nagari, kasadoan urang/suku dapek mamakai gala nangko, tapi iko jadi awal gala disuku atau suku bapakno. Misano ambo, bagala St. Parapatiah, parapatiah dapek dari gala suku apak (Selayan), sawaktu bako mbo malakekan datuak, jadi di imbaukan di medan nan bapaneh.
Contah nan lain, St. Bandaro adolah gala urang Sikumbang atau nan babako ka Sikumbang. Jadi "Sutan" nantun dapek diapakai sia sajo. Contoh-contoh gala nan mamakai gala nagariko adolah:
St. Marajo
St. Lembang
Pakiah Marajo
Pakiah Sinaro
Malin Basa
Malin Mangkudun
dan agak balain penetrapan "Angku", Angku ko adolah gala nagari juo, tapi dipakai untuak mamak dari Datuak nan diangkek, jadi nan dituokan atau sabagai panasehat Datuak.
Sakitu sajo nan ambo katahui ajo. Mungkin sanak nan lain dapek manambahkan.
Wass. Ww
DM St. Parapatiah.
Do you Yahoo!?
SBC Yahoo! DSL - Now only $29.95 per month!
