Re: [RantauNet.Com] Gala si ucok

[mulyadi]

Ass, wr, wb.   Dunsanak sidang RN sakalian nan ambo hormati,   Kok dusanak lain alah berkomentar tentang gala manggala ko, ambo cubo pulo sato sakaki, untuak manjalehkan apo nan tajadi di nagari ambo Suliek Ayie - Solok, Kecamatan X Koto Diateh. Kisah ko memang tajadi di kaluarga ambo, Uni ambo nan urang Suliek Ayie mampunyoi suku Limo Singkek (tantu samo jo suku ambo), kawin jo urang Piaman, Ajo Zairi namonyo, dek dinagari kami balaku, ketek banamo gadang bagala, mako urang sumando ambo tadi, inyo mangaku induak dahulu ka bako ambo nan mampunyoi suku Limo Panjang (sekedar tahu sajo, suku nan ado di Suliek Ayie tu ado ampek, yaitu : Limo Panjang, Limo Singkek, Simabur dan Piliang). Jadi sasudah urang sumando ambo nan dari Piaman tadi mangaku induak ka suku Limo Panjang, mako dek niniak mamak urang Limo Panjang mambari gala sumando ambo tadi jo gala Gindo, mako lakeklah namo nyo manjadi Gindo Zairi. Dan ciek lai, urang sumando ambo, laki dari adik ambo, nan barasa dari Guguak Randah Bukik Tinggi, saroman itu pulo perlakuannyo, inyo mangaku induak dulu, baru diagih gala. Iko nan balaku di nagari ambo, mungkin lain pulo di tampek nan lain. Jadi kaduo Ipa ambo tadi di keluarga kami di himbau hanyo galanyo sajo seperti Gindo, Sutan. Itu sepenggal carito dari ambo untuak menambah wawasan kito sidang RN ko.   Wassalam, Mulyadi St.Bangsawan  ( Suku Limo Singkek di bawah Payuang Datuak Marah Bangso ) Rang Suliek Ayie di Bumi Sriwijaya. ----- Original Message ----- From: [EMAIL PROTECTED] To: [EMAIL PROTECTED] Sent: Friday, July 18, 2003 2:10 PM Subject: Re: [RantauNet.Com] Gala si ucok kalo di piaman, kalau rang sumando bukan rang piaman, diagiah gala sesuai jo gala rang gaek laki-laki nan padusi.  seperti ipar ambo nan bukan rang minang - dapek pulo gala 'sutan'.  kan yo baitu mak buyuang? ndak tau di daerah lain ... Bacarito  soal gala, kawan ambo si upiak kawin jo si ucok (batak). Nan Tulang-Tulang si ucok ko  malatakkan marga ka si upiak, manjadi siupiak punyo marga Harahap. Batanyo ambo ka si upiak, "nan Niniak Mamak si upiak maagiah gala apo ka si ucok?" Jawek si upiak "si ucok indak baagiah gala dek Niniak Mamak doh" Jadi, kalo dek kito si buyuang nan alah manikah di panggia galanyo, samisal Sutan Mudo, Sidi, Ajo, dsb. Baa nasibnyo si ucok nan jadi laki si upiak, dipanggia namo sajokah dek dunsanak si upiak? Kalau si upiak dek dunsanak si ucok lah jaleh di panggia Br. Harahap. Baa gaati manuruik dunsanak kasadonyo....