Assalamualaikum kasadonyo
Agak
tasuduik ambo dek banyaknyo nan mamintak ambo untuk manjalehan mengenai ubek
tradisional minang iko (padohal alun sabara lai). Taruih tarang back ground ambo
bukan eastern medicine jadi sulik bagi ambo manjalehannyo sacaro ilmiah. Ambo
akan manjawek sabisa ambo kalau adoh nan salah tolong langsung se dikoreksi
karano pasti sangaik baguno untuk sakurang2nyo diri ambo.
mengenai luko subananyo ilmu kedokteran manggolongkan inyo ka dalam
panyakik nan bisa cegak surang (self limited disease) artinyo kalau di pabiaan
sajo inyo pasti cegak surang tantu dengan catatan luko tu barasiah dari kuman,
badan urang itu dalam batas normal indak adoh kelainan pembekuan darah, diabetes
dll. Sahinggo kalau luko tadi itu barasih dan awak bisa marawat inyo supayo
tatap barasih mako luko tu akan cegak se surang cukuik dari mekanisme
penyembuhan dari dalam badan nan alah adoh. Intervensi kedokteran terhadap luko
tadi subananyo hanyolah dalam rangka mempertahankan luko tadi tatap barasih dan
manjago supayo proses penyembuhan dari dalam badan tadi itu tatap berlangsung
optimal. Itu se subana e ilmu kedokteran tu nyoh. Jadi kiniko ninik moyang awak
mancubo maubek luko jo daun parancih nan di remek2. Taruih tarang daun pucuak
parancih mudo nan dipakai untuk penyembuhan luko barangkali ditujukan untuk
mencegah / mambunuah kuman sampai kini ambo alun menemukan alasan medisnyo.
Kalau zaman saisuak ambo raso pucuak parancih mudo iko tantu digunoan untuk
luko2 ketek nan sarupo ambo katoan diateh kalau indak diagih pucuk parancih tu
pasti cegak juo.
Mengenai demam. Demam merupakan perubahan suhu tubuh diateh suhu normal
(>37,2' C). Penyebab damam ko banyak antara lain kurang minum, kurang makan
(misalnyo sadang puaso), infeksi (oleh bakteri, virus, jamur dan mikroorganisme
lain), trauma ( kapalo taantuk dindiang), peradangan lain dan adoh pulo damam
nan indak tau sababnyo (fever of unknown origin). Kalau awak ingin cegak
dari damam ko tantu penyebabnyo nan disingkirkan. Sahinggo kalau awak damam
pai ka dotor nan nyo pikian partamo kali adolah apo panyabab urang ka damam. Nyo
cek lah darah, kajamban, nyo foto rontgen dadonyo dan lain2
sabagainyo. Samantaro mandapek hasil pemeriksaan tasabuik pasien damam
ko nyo agiah ubek panurun angek kemudian nyo rawat atau pulang untuk
kontrol.
Damam
tadi hubungannyo jo sebatang tebu hitam, secomot beras, sepotong kunyit dan
bunga labu parang taruih tarang ambo alun paham. Nan pasti ubek tradisional
untuk damam ko tembak rawak se nyoh. Apo se panyabab damam ko nan
penting minum dulu satu paket di ateh. Mungkin perannyo adolah sebatas penurun
angek se. Masih banyak misteri nan ambo sendiri indak tau tantang
iko.
jawaban pertanyaan lain menyusul...
Rahyussalim (Laki2, 33 th)
|
Title: Message
- [RantauNet.Com] alam nan beruba... SBN
- [RantauNet.Com] Iyo ibo awak ma... indra junaidi
- RE: [RantauNet.Com] pengobatan trad... Rahyussalim
- Re: [RantauNet.Com] pengobatan ... -- (*o*) --
- [RantauNet.Com] pengobatan trad... Darul Makmur
- Re: [RantauNet.Com] pengobatan ... mak tachi
- [RantauNet.Com] pengobatan trad... Darul Makmur
- RE: [RantauNet.Com] pengobatan ... Rahyussalim
- RE: [RantauNet.Com] pengobatan ... Rahyussalim
- Re: [RantauNet.Com] pengobatan ... dino . shm
- Re: [RantauNet.Com] Namo nan Ra... Rahyussalim
- Re: [RantauNet.Com] Namo nan Rancak hendrif hendrif
- Re: [RantauNet.Com] Namo nan Rancak mhelham
- Re: [RantauNet.Com] Namo nan Rancak hendrif hendrif
- RE: [RantauNet.Com] Namo nan Rancak erwin . moechtar