Assalamualaikum Ww.
Sanak Andria, dek namo ambo baimbaukan, bialah tukang palalako sato lo jo nan pernah nampak atau nan pernah dirasokan.
1. Batangeh ko kalau dicanduang namonyo bagabun. Gunono adolah untuak urang nan bapanyakik aneh-aneh alias agak miriang saketek. Urang itu disuruah duduak diruangan nan agak sampik, atau ditutuik jo lapaik tu. Baru diasok jo uap dari ramuan bunga-bungaan, dan urang disuruah bakonsentrasi, atau paliang indak suruahnyo mangaji atau badoa. Tampakno iko iyo dapek mangurangi atau maubek panyakik stress kali.
Bagabunko, bisa juo digunokan untuak urang nan sakik sakik badan tapi indak jaleh a bana nan sakik. Mungkin sakiknoko juo bahubuangan jo stress tadi kali. Kalau urang bantuak iko, diasokkan didakek tompaik tiduanyo. Jadi penngobatan ko sabagai panambah ubek nan lain.
2. Kalau badan paneh dingin indak manantu, ado ubekno jo daun sidukuang anak diabuih, paikno alahurabbi. Tapi paneh dingin bisa sehat satalah minum babarapo kali.
3. Dulu wakatu ketek, kalau badan ambo paneh, mako rang gaek datang ka dukun, dan mambuek ubek dari aia bareh dicampua jo umbuik anak pisang abu (pisang batu) nan dipotong, potyong ditambahkan saketek jo dama nan ditumbuak dan saketek garam. Tapi dek keykinan penyakik bisa sehat. Apo kiro-kiro ilmiahnyoko.
Itu baru nan takana kini, nanti kalau adolo bialah ambo lewakan pulo.
Wassalamu
Darul
Andria Agusta <[EMAIL PROTECTED]> wrote:
Andria Agusta <[EMAIL PROTECTED]> wrote:
Sidang RN nan ambo hormati.......Assalamulaikum ww.
Dek panjang bana ka manulih pengobatan tradisional minangkabau di topik mail
ko, mangkonyo ambo pendekan sajo jadi PTM....mudah2an lai indak samo bana jo
oto NPM do...
Dulu wakatu ambo masih kalene nan masih manjulua juo angko sabaleh dari
iduang, pernah ambo maliek teknik pengobatan tradisional di kampuang awak
nan di sabuik "batangeh". Dalam teknik pengobatan sarupo iko, si sakik di
suruah duduak agak 1-2 jam di dalam lapiak pandan nan dibuek sedemikian rupo
sahinggo babantuak sarupo tenda suku Indian di amerika. Dan di dalam tenda
lapiak ko di latakkan pulo kompor nan di atehnyo talatak pariuak nan barisi
babagai macam ramuan dari tumbuh2an. Dek di panehan sarupo itu, ruangan
tenda lapiak ko panuah dek uap aia nan manganduang aroma dari bahan2 ramuan
tasabuik nan di picayo dapek maubek i si sakik.
Dalam 10 tahun balakangan iko, teknik pengobatan sarupo nan tun alah
berkembang dengan sangaik pesatnyo baik di eropa, amerika atupun jepang nan
di kenal dengan istilah kerennyo "Aromatherapy" atau terapi penyakit dengan
mengunakan wangi2an. Bahkan bisnis sarupo iko menjadi bisnis milyaran dollar
dalam waktu tidak terlalu lama.
Nan ingin ambo tanyokan ka sidang RN, apo bana jenis2 panyakik nan biaso di
ubeki dengan caro batangeh ko di kampuang awak. Dan apo bahan2 nan di pakai
dalam ramuannyo. Kalo ambo indak salah, nagari Canduang adolah gudang nyo
ramuan ubek2 sarupo iko....baa tu mak Darul...bukaklah puro tu snek.
wassalam
and
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================
Do you Yahoo!?
Yahoo! SiteBuilder - Free, easy-to-use web site design software
