Alam benda nan biaso kito ketahui adolah babantuak benda padat, cair dan gas.
Gas masih juo disabuik benda, itu sababnyo urang nan mengkonsumsi gas, bata
puasonyo. Matoari, bulan bintang, kasadonyo alam benda. Bisa diliek, diraso,
didanga dlsb.
ko indak buliah dibincangkan. Tapi perjalanan roh tu buliah, dan alah dibincangkan
pulo dek ahli-ahli falsafah sajak zaman dahulu. Sasudah datang Islam disabuik dalam
Qur’an bahaso Ilmu tentang roh itu amat sedikit.
“Wa maa uutiitum minal ‘ilmi illa qaliila”.
Alam benda bamacam ragam jo coraknyo, bamacam sifat jo tabiaiknyo, baitu juo
alam roh ko, ado nan disabuik malaikat, jin, iblis, setan. Itu sababnyo Iblis disabuik
“Al arwah as saiyiah” atau roh-roh nan jaek.
Urang-urang dulu manyabuik dewa-dewa, dewi-dewi, hantu-hantu.
Katiko Islam datang ka tanah Melayu, kato ilah atau rabb itu diterjemahkan manjadi
Tuhan, dibaliakkannyo dari hantu, maknanyo tamasuak nan indak bisa diliek juo.
Sabananyo ilah tu yo ilah, rabb tu rabb, indak ado pulo padanan katonyo do.
Kadang dalam bahaso Inggeris pun indak bisa dibedakan antaro ilah jo rabb do, kaduo-
duonyo God.
Urang-urang hindu manyabuik Brahma, Wisnu, Syiwa. Urang Greek (Yunani) manyabuik
Appolo.
Tapi ado juo urang-urang nan mengingkari alam roh ko, yakni urang-urang nan
bapaham materialis, atheis dan lain-lain. Tapi pandapek-pandapek mereka ko ditantang
urang jo fakta-fakta. Islam maajakan ado alam nan sarupo itu, nan disabuik alam ghaib.
Buktinyo Jibril turun manyampaikan wahyu. Di zaman Nabi Sulaiman as.
mambantu baliau.
Kito baliak baliak, alam benda ko ka musnah, ka abih, indak akan kaka.
Jasad awak ko benda, akan dimakan dek zaman. Basi lamo-lamo aus, bakarek.
Batu-batu rapuah, sagalo nan benda akan rusak. Tapi roh indak. Roh, tamasuak
didalamnyo, nafs, ‘aqal, hati(yang ruhani), indak musnah. Kalau roh itu musnah,
mako baruntuanglah urang-urang jaek. Urang-urang jaek nyo manipu, korupsi,
mambunuah, mamfitnah urang,....kok mati nyo…. sudah, indak ado apo-apo…
yo lamak bana. Tapi inyo indak baruntuang doh dek karano roh indak hancua.
Roh tu beko ka ditanyo sasudah dibao ka alam barzah. Kalau sakironyo roh tu
hancua basamo jo jasad ko, indak paralu awak sumbayang, bazakat, puaso dlsb.
Apa nan katuju buek lah, indak ado balasan. Tapi sayang, Allah swt. bersifat Maha
adil. Akan ado alam cieklai nanti untuak manimbang dan mambuek keputusan sasuai
jo amal perbuatan awak, aa nan awak amalkan di dunia ko. Baa juo, balasan tu tatap
ado.
Allah bafirman : “Minhaa khalaqnaakum”
Dari tanah kalian Kami jadikan
“Waminhaa nuiiidukum”
Dan kepada tanah kamu dikembalikan
“Waminhaa nukhrijukum taratan ukhra”
Dan dari tanah pula kamu akan dibangkitkan kembali.
..... Capek bana panjangnyo..... maaf nan bakompor kenek...
barisuak kito sambuang.....
Wassalam
St. Sinaro
Do you Yahoo!?
Free Pop-Up Blocker - Get it now
