Kito diciptakan dari tanah, dibaliakkan ka dalam tanah, dan dari tanah tu juo dibangkik
jasad. Roh manompang jasad. Maliek, mangecek, mandanga, tapi nan maliek mangecek
dan sabagainyo tu adolah roh tu.
Kalau mati, …..ndeeh, kapatang maliek juo baru....., kini indak lai....,
tadi inyo mandanga..., kini indak mandanga lai doh, (dalam artian jasad), .........
tadi mangecek-ngecek juo baru...., kinilah indak lai........,
tadinyo galak sengeang....., kini indak bisa lai doh....,
tadi nyo senyum manis....., kini indak lai doh....,
tadi nyo bapikia........., kini indak lai.................
Sabananyo sia nan bapikia ?, nan bapikia iyolah roh.
roh tu. Kalau lah mati, jasad manjadi kareh, kaku, tagang, lamo-lamo busuak nyo. Cubo
bayangkan, jasad tu kalau lah ilang roh, kareh nyo, kaku, tangan kareh, lambek
saketek memelokkan lataknyo nyo kareh. Mato, talambek mamajamkannyo nyo
tabukak taruih. Aratinyo, n
roh tu bakasadaran, berpengertian. Bilo bapisah inyo masih bapengertian. Tapi alun
tapahami dek awak lai, sia awak sabananyo. Kalau kito lah paham, mako kito
bergembira bilo mati. Sabab kalau mati, roh itu akan menempati tampek nan panuah jo
kenikmatan nan alah disadiokan dek Allah swt. Kenikmatan nan labiah dari nikmat nan
ado di dunia ko. Tapi kalau roh tu jaek, akan tajadi nan sabaliaknyo, azab nan
kadapek. Ikolah nan kito takuikkan.
Masalahnyo kini selalu nan dipikiakan urang nan lahir. Baa nyo kadapek makan,
minum, basanang-sanang. Tapi inyo lupo bahaso nan sanang, nan susah tu iyolah roh
tu. Bukan ndak buliah, …. Buliah sajo, tapi jan sampai indak tapikiakan di nyo masuak
golongan ma roh nyo ko bilo lah mati nantik . Iko nan paralu kito kaji snek. Baa
kedudukan roh tu sasudah inyo mati, iko nan paralu kito ranuangkan. Banyak urang
bapikia baa iduik sajo tanpa mamikiakan mati.
negara, baa maju, baa negara kamodern tanpa maikiakan mati, sahinggo
indak ado kontrol dari perbuatannyo lai, salah atau bana. Indak tapikiakan dek nyo baa
rohnyo nantik.
Dulu ado lagu, “bila Izrail datang memanggil” atau panggilan maut.
Sempat pulo lagu ko dilarang dek pemerintah
mamikikan mati sajo. Sahinggo nan disibukkan urang hanyolah kebendaan, materi,…
uang…pitih… kepeang… hepeng dlsb, Akhlak ndak ado.
Dan mereka lupo kalau urang indak mamikiakan mati inyo jadi jaek. Memang banyak
urang jaek dek karano lupo bahaso inyo ka mati.
“Kul lu nafsin dzaa ikatul maut”,
tiok-tiok nan banyao pasti mati. (Qur'an).
Kalu kito caliak sejarah Greek (Yunani) tuo dulu, kebudayan mereka ko lah sangaik
tinggi untuak ukuran zaman itu, modern, gedung-gedung nan mereka buek, salain tinggi-
tinggi juo penuh tata artistik nan urang kini kadang maniru ka buatan mereka tu. Mereka
modern, tapi akhlak indak adoh. Tentara-tentara dikumpuakan dalam satu kawasan dan
diajakan mengenai kemiliteran sajo, akhlak indak. Bilo lah parang nan jaleh dek
nyo mambunuah, bahkan kalau parang lah rado, raso deknyo masih
baparang. Indak jaleh dinyo urang ko layak dibunuah atau indak. Tentara awak kini
kebanyakan bantuak itu pulo…. (Maaf kok ado nan militer, tolong pelokkan kok salah).
Akhlak ndak ado. Waktu itu juo, bayi-bayi nan baru laia dicampakkan ka
atau dirandam dalam cuko, kalau iduik memang hebatlah bayi tu, kalau indak yo
matilah. Indak ado akhlak nan mambimbiang. Iko urang kalau indak pernah mamikian
mati.
Kito baliak baliak, sabalun nabi Isa as. lahir, ahli falsafah nan mambahas tantang roh
ko ado babarapo urang diantaronyo, Sukhraat (Socrates), Aristutils( Aristoteles),
Aflaatun (Plato).
mangatokan, manusia banyak nan talupo tantang roh ko sahinggo mereka bagalimang
doso. Dek karano lupo pembalasan, lupo membahas roh, atau indak peduli jo roh nyo
sorang.
.....lah panjang pulo,.... kito sambuang barisuak....
Wabillahil hidayah wat taufiq.
Wassalam
St. Sinaro.
Do you Yahoo!?
Free Pop-Up Blocker - Get it now