Re: [RantauNet.Com] sato sakaki

[rul_djamal]

Ass. wr. wb.   rancak bana tu mah sanak darul, panggilan tu ka membuek labiah akrab itu labih elok, ijan panggilan tu mambaok silang sangketo.  Tapek bana takok sanak tu mah, kiniko kantuanyo lah pindah ka gajahmada, nan di patrice lumumba kiniko jalan angkasa dipakai untuak bajua tikeik. Nan ambo ko daulunyo ka masuk navy, tapi sampai di malang lah malang pulo nasibtu, dipulangkan nyo awak balik, dari pado pulang kampung ambo cubo pulo di AMI jkt, dan satamaik dari situ lah pulang ka taluak bayua dan mulailah kaliliang dari palabuhan ka palabuhan muliai dari taluak bayua sampai ka papua, sampai kiniko iyo lah 30 tahun ambo bakuliling tu. Di semarang di p3b atau akpelni, dan sia saangkatan jo sanak darul nan ado di pelni? Kiniko ikan basi sia nan sanak uruih tu?   Kalau urang mudiak lebaran kiniko di tg.perak baru nan turun se nan banyak, nan barangkek alun banyak lai doh, biasonya sasudah lebaran baru banyak, arus baliak nan ditunggu, jadi satiok lebaran iyo indak bisa dikampuang doh, urang nan diuruih dek awak supayo lanca jalannyo, kalau macet lo urang pulang mudieak, nyo baga awak dek urang beko, bapatai-patai lo sarawa deknyo.  Tapaso batungguan jo tiang dermaga tu satiok lebaran.   mantun lague sanak. allahu akbar 3x   la ilaha ilallahu wallahu akbar   allahu akbar walillahilhamd  7x   Takbir bergema sampai pagi hari ketupat rendang siap disaji hanya ucapan pengganti diri gembira bersama di idul fitri   fajar syawal menjelang tiba tamat sudah sebulan berpuasa jari kususun maaf dipinta makan dan minum halalkan jua   selamat hari idul fitri minal 'aidin wal faidzin maaf lahir dan bathin 1 syawal 1424 h   wass. wr. wb   cdr sampono (54+)     ----- Original Message ----- From: Darul M To: [EMAIL PROTECTED] Sent: Monday, November 24, 2003 6:41 PM Subject: [RantauNet.Com] sato sakaki Assalamualaikum WW   Untuak labiah akrabnyo izinkan ambo maimbau sanak, dek sanakko bisa kan nan mudo maupun tuo, kabatulan ambo labiah sanang mamakai kato sanaktu. Kalau dikalangan Muslim Amerika no di sabuik brother, dek muslim adolah bersaudara.   Jadi sanak dari PP nan bakantua di Patrice Lumumba, kalau buliah di bagian apo? Dan dulu baa mangko sampai disiko. Kalau ambo bamuloi karir jo sikola di Semarang nan dimuko persh. sanak ditambah AK, jurusan Nautica. 13 th mbo tarapuang-apung jo ikan basi. Kini maurus ikan basi urang salamo bakunjuang di Ina.   Jadi baari rayo dirantau baru Surabayalah yo. Ramilah urang manyubarang dari situ yo. Ado nan dari Jamrut Utara ado nan dari  Ujung ka Kamal. Alah kiro-kiro 3~4 tahun ambo indak ka Surabaya. Paliang kini ke Gresik, di Petrokimia.   Wassalamualaikum WW Darul St.Parapatiah Takabbalallahu minna waminkum Minal aidzin walfaidzin