[R@ntau-Net] Sumbahyang Barantai

[Syahril.Bakri]

Assalamualaikum Wr. Wb.,   Barusan ambo sumbahyang ashar jam 16.00, waktu sholat mungkin jam 15.30, jadi kebiasaan di Jakarta mungkin yo, yang tadinyo makmum (mungkin bagabuang pado rakaat ka 2) ambo jadikan imam dengan manapuak pundaknyo (imam partamo alah salasai), bantuaknyo maagiah aba2 ka imam bahaso ado makmum dibalakang. Begitu imam ambo salasai, bagabuang juo surang lai kawan dg manapuak pungguang ambo, jadi ambo otomatis dijadikan imam.   Kami sadang lamak2 duduak salasai badoa, nyo panggia dek kawan urang Lebanon, awak lah sanang se kadiagiah pujian barangkali dek hebat bana dan khusuak bana bantuaknyo sholat tu. Ruponyo iyo kanai berang, itu sholat yang salah katonyo, alasannyo angku indak tahu sadang sholat apo yang angku jadikan imam tu katonyo, niatnyo juo alah babeda, waktu sholat inyo baniat jadi makmum, tahu2 angku jadikan imam katonyo, ondeh indak ado yang kadijawek lai doh. Ambo jawek itu biaso di siko, jadi ortu angku manyembah batu angku ikuik juo katonyo, ondeh sakik kapalo dek nyo.   Kalau baitu buliah lah mintak penjelasan dari bapak2 ibuk2 kasadonyo, tarimo kasih talabiah dahulu.   Wass, syb. --~--~---------~--~----~------------~-------~--~----~ *** Palanta RantauNet *** (cadangan) Berhenti (unsubscribe), kirim email: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---