Assalamualaikum w.w. Angku Azmi Dt Bagindo dan para dunsanak sa palanta, Angku Azmi Dt Bagindo alah bamurah hati mamuek langkok jawaban ambo sabalun iko, namun karano macam-macam masalah dimuek sakaligus, taraso agak 'basalingkik' bana paparannyo, mako supayo dapek dibaco sacaro tanang, mungkin baiak kalau ambo jawab ciek-ciek. Ciek masalah ciek pulo jawabannya, dan kito muek tiok hari.
Baituah kini ambo muek seri kaduo, dan ambo sabuik KE ARAH PANUNTASAN WACANA ABS SBK 2, disambuang sasudah ko jo KE ARAH PANUNTASAN WACANA ABS SBK 3 dan salanjuiknyo. Ado rancaknyo tanggapan para dunsanak taradok tanyo jawab ambo jo Angku Azmi Dt Bagindo ko disalasaikan dahulu sabalun ditanggapi, supayo nampak kasaluruhan jalan pikirannyo. Angko pado partanyaan adolah dari Angku Azmi Dt Bagindo, jawaban nan bahuruf gadang dari ambo. Wassalam, Saafroedin Bahar 3. Apakah manuruik Bapak Sistem Kekarabatan Matrilineal itu, apa bertentangan dengan ajaran Agamo Islam ?. JAWAB: IYO. 4. Dima latak pertentangannyo ?. mohon penjelasan bapak. JAWAB: PARATAMO AMBO MANUNJUAK ALASAN NAN ALAH LAMO DIAJUKAN DEK SYEKH AKHMAD KHATIB AL MINANGKABAUWI, BUYA HAMKA, DAN BAITU BANYAK PANGARANG MINANGKABAU DARI ALIRAN PUJANGGA BARU SAISUAK. INDAK KA AMBO ULANG DI SIKO. ADUO, DALAM MANYUSUN RANJI NAN MANCATAT NAMO-NAMO URANG NAN BATALI DARAH, RANJI SISTEM KEKERABATAN MATRILINEAL INDAK MAMASUAKKAN NAMO-NAMO DARI KATURUNAN ANAK LAKI-LAKI, SASUAI JO AJARAN ISLAM TANTANG NASAB. SAKADAR CATATAN, KOK DIPAIYOBANAKAN BANA, IKO BISA MANJADI MASALAH HUKUM PIDANA ANGKU BACOLAH PASAL 277 AYAT 1 KITAB UNDANG-UNDANG HUKUM PIDANA. Tanggapan atas jawaban Angku Saaf; Aalasan Bapak kurang akurat untuak di tarimo akal, kalau surang jo baduo nan indak satuju ateh satu aturan nanlah hidup baratus tahun dalam satu masyarakat, itu kan hal nan wajar. Tapi itu kan tidak bisa dijadikan sebagai alansan untuak merobah aturan itu. Kemudian tentang Raji nan bapak kamukokan itu juo kurang baralasan, karano indak ado satu aturan atau paksaan untuak urang mambuek atau tidak mambuek Ranji. JAWAB: BATANYO AMBO SAKETEK ANGKU AZMI DT BAGINDO, APO HUKUM KAKARABATAN MATRILINEAL MANURUIK VERSI ANGKU KO TAMASUAK DALAM ADAT NAN SABANA ADAT [ NAN INDAK BISA DAN INDAK BULIAH DIUBAH, SARUPO HUKUM ALAM], ATAU DALAM ADAT NAN TERADAT [ NAN MEMANG BULIAH DIUBAH]. SAIRIANG JO ITU, APO ADAT MINANGKABAU KO MEMANG INDAK MAMBUKA PALUANG TARADOK KABUTUHAN PARUBAHAN UNTUAK MANJAWAB TANTANGAN ZAMAN. KALAU BAITU APO ARATINYO: 'SAKALI AIA GADANG SAKALI TAPIAN BARANJAK'? AMBO AGAK HERAN JUO TARADOK KATARANGAN ANGKU MANGANAI SOAL RANJI ITU. KALAU INDAK ADO RANJI, ATAU KALAU PAMBUATAN RANJI TU INDAK MARUPOKAN KAHARUSAN, DARI MA KITO TAHU HUBUNGAN KAKARABATAN NAN KA MANJADI RUJUKAN DALAM MALAKSANAKAN KAIDAH SAKO DAN PUSAKO ? APO LANGSUANG DARI INGATAN SURANG-SURANG ? KAN RANJI KO NAN MANJADI BUKTI DALAM SILANG SANGKETO SOAL SAKO DAN PUSAKO? Jawab : Manuruik beberapo pandapek para ahli adat, ado nan mangatokan bahwa hukum Kekerabatan Matrilinal itu adolah termasuk Adat Nan di Adatkan, dan ado pulo nan mangatokan Adat Nan Sabana. Ambo lebih condong kepado pandapek nan kaduo, yaitu Adat Nan Sabana Adat. Dengan alasan bahwa ado 3 ( tigo ) tiang panyanggah berdiri dan tegaknyo adat Minangkabau itu, jiko salah satu dari nan tigo itu dihilangkan mako Lenyaplah Adat Minangkabau itu, dan adat Minangkabau akan tinggal namo sajo, hal tersebut adolah :1. Hukum Kekerabatan Matrilinial. 2. Sestim Sako jo Pusako dan 3. Perpaduan Adat dengan Agama Islam atau di sebut (ABS-SBK) Kalau dihiliangkan Hukum Matrilinial mako hal tersebut akan mempangaruhi kepada system sako jo pusako. Dan jika kaduo-duonyo dihilangkan, mako tidak ado lai (ABS-SBK) nan tingga adolah (S) atau Syarak sajo. Jikok itu nan tajadi bapisah adat jo agamo Islam, mako kekuatan Minangkabau itu akan hilang. Memang ado usaha-usaha dari pihak agamo lain untuak mamisahkan antaro adat jo agamo di Minangkabau. Barkata Hamka dalam bukunya Islam Dan Adat Minangkabau; Ada kemungkinan bahwa di zaman sekarangpun mulai pula ada usaha-usaha untuk memisahkan adat Minangkabau dengan agama Islam, supaya Minangkabau ini bisa menerima agama keristen sebagai sebagian dari Adat. ( Hl.106 ) Manuruik pandapek ambo papatah nan angku sabuiktu kurang langkok harus ditambah dengan, usang-usang dibarui, lapua-lapuak dikajangi, adat dipakai baru baju dipakai usang. Silahkan aia gadang tibo, dan silahkan pulo tapian barubah, tapi nan aia tetap aia. Prinsip aia tidakkan pernah berobah, aia apabilo dipanaskan suhunyo dia akan berobah menjadi uap, dan uap akan berobah menjadi awan, dan awan kemudian akan berobah menjadi aia atau hujan. Dan aia apabilo didinginkan suhunyo akan membeku, dan kemudian berobah menjadi es, dan es akan kembali menjadi aia, jadi nan aia tetap aia. (Yus Dt.Parpatiah Balerong Group). Jadi prinsip dasar indak buliah barubah, halko dapek kito contohkan kepado medel pakaian, silahkan model baganti-ganti, tapi perinsip dasar pakaian adolah untuk manutup tubuh. Silahkan roda baputa tapi sumbu indak buliak barasak dari tampeknyo. JAWAB: JAWABAN ANGKU PENTING DAN PARALU DIKRITISI, APOLAGI KARANO ADO DUO MACAM FAHAM DI KALANGAN AHLI ADAT SANDIRI. KALAU ADAT NAN SABANA ADAT DIMAKSUDKAN ADOLAH HUKUM ALAM NAN INDAK BISA DIUBAH LAI, MAKO KONSEKUENSINYO ADOLAH SISTEM KAKARABATAN MATRILINEAL SABAGAI ADAT NAN SABANA ADAT AKAN TADAPEK DI SALURUH MUKO BUMI KO TANPO ADO KACUALINYO, MISALNYO URANG BATAK, URANG JAWA, ATAU URANG DAYAK AKAN MAMAKAI SISTEM KEKARABATAN MATRILINEAL. KAADAANNYO KAN INDAK BAITU: URANG BATAK, URANG JAWA, ATAU URANG DAYAK PUNYO SISTEM KAKARABATANNYO SURANG-SURANG.. JADI MUNGKIN NAN LABIAH TAPEK ADOLAH PANDAPEK PARA AHLI ADAT NAN MANGATOKAN BAHASO SISTEM KEKERABATAN MATRILINEAL ITU SABANANYO ADOLAH ADAT NAN DIADATKAN [JADI BISA DISAMPARONOKAN KALAU MEMANG PARALU]. RASONYO AGAK TABALIAK-TABALIAK ARGUMEN ANGKU NAN MANYATOKAN KARANO ADAT MINANGKABAU PUNYO TIGO TIANG PANYANGGAH, MAKO MANURUIK PANDAPEK ANGKU TIGO TIANG PANYANGGAH TU MANINGKEK MANJADI ADAT NAN SABANA ADAT. MESTINYO KAN PARALU BATUMPU JO HUKUM ALAM NAN ABADI NAN TADAPEK DI SALURUAH DUNIA, LALU DIADOKAN PANJABARAN KA TIGO TIANG PANYANGGAH NAN KHAS UNTUK MINANGKABAU TASABUIK. ADAT MINANGKABAU KAN DIRUMUSKAN DEK DT PARPATIAH NAN SABATANG DAN DATUK KATUMANGGUNGAN KHUSUS UNTUAK MINANGKABAU, BUKAN UNTUAK SALURUAH DUNIA. JADI ADAT MINANGKABAU MEMANG LABIAH MARUPOKAN ADAT NAN TERADAT ATAU ADAT NAN DIADATKAN. ____________________________________________________________________________________ It's here! Your new message! Get new email alerts with the free Yahoo! Toolbar. http://tools.search.yahoo.com/toolbar/features/mail/ --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---