Assalamualaikum w.w. para dunsanak sapalanta, Partanyaan ambo di bawah ko tamasuak partanyoan nan agak nakal tapi paralu ditanyokan sahubungan jo partanyaan dalam wacana nomor 6 sabalun ko. Sadangkan presiden, bupati, jo walikota nan indak malaksanakan kawajiban baliaun sacaro baiak lai bisa dilengser, baa mako panghulu nan malalaikan kawajiban baliau indak, kan heran. Dalam hal iko jawaban Angku Azmi Dt Bagindo ado nan rancak dan karano itu dapek ambo satujui.
6. Lai satuju Angku kalau para panghulu nan indak malaksanakan tugasnyo itu di-'lengser' sajo? Jawab: Tantang Lenser malenser, tunggu dulu angku, Setiap orang boleh sajo bapandapeh tamasuak angku, dan itu adolah hak asasi, tapi apo pandapek itu telah melalui analisan nan mandasar dan objektif, apo alah dikaruak saabih saung dan diawai saabih raso, . Ambo agak kuatir dan ragu tantang nantun. JAWAB 6/1: AMBO BISA MANGARATI TANTANG KAKAWATIRAN ANGKU TARADOK MASALAH LENGSER MALENGSER KO. TAPI KAN RANCAK JUO DIPIKIAKAN GAGASAN KO SUPAYO ADO PARTANGGUNGAN JAWAB PANGHULU NAN LABIAH JALEH DAN SUPAYO MUTU PARA PANGHULU KITO SAMAKIN LAMO SAMAKIN TINGGI. PARALU DIPISAHKAN ATAH DARI BAREH. HANYO AMBO AGAK HERAN JUO TARADOK KEBERATAN ANGKU UNTUAK MALENGSERKAN PANGULU NAN INDAK MALAKSANAKAN TUGAS BALIAU DAN MAMINTA SUPAYO DIADOKAN ANALISA NAN MANDASAR DAN OBYEKTIF. JADI APO DIPABIAKAN SAJO DULU SABALUN ANALISA NAN MANDASAR JO OBYEKTIF TU SALASAI ? APO INDAK ADO KAHARUSAN UNTUAK MAMPARINGEKKAN BALIAU-BALIAU NAN MALALAIKAN TUGAS TU ? Jawab : Kalau tujuanyo untuak mamparbaiki, ya boleh-boleh sajo. Tapi harus hati-hati dan bijaksana dalm mamasuakinyo, karano alang tukang binaso kayu, alang alim binaso kitab, alang cadiak binaso buek. Salah cotok bisa malantingkan, salah awai bisa ma-ampehkan, salah makan bisa mamuntahkan. Namun kalau buliah ambo sarankan, dimulailah dulu dari suku atau kaum kito masing-masing. Kok ado nan lamah ya dibilai, kok ado nan senteng yo, diuleh, kok nan umpang ya disisik. Kalu indak awak sia lai, kalau indak kini kapan lagi. Tapi kalau kito antam taruik dari lua, sadangkan kito urang dalam baa jadinyo. Kalau jaleh-jalehlo urang lua nan maantam, basamo-samo malah kito maadikinyo. Dalam adat dikatokan, tagak suku paliahro suku, tagak kampung kampung, tagak nagari pliharo nagari. Sabaliaknyo salisiah basuku salasaikan bakampung, salisiah bakampung salasaikan banagari, begitu sataruihnyo. Memang tanah sabingkahlah bapunyo, rumpuik saalailah bamiliak, tapi malu alun babagi, malu indak bisa dibagi, suku indak bisa dianjak. Baalah bunyinyo kukuak badarai di galanggang, tapi indak tahu jo pintu kandang. JAWAB 6/2 : TANTU SAJO ANGKU DATUAK, DALAM HAL IKO AMBO SATUJU JO PANDAPEK ANGKU KO MAH. Wassalam, Saafroedin Bahar ____________________________________________________________________________________ Looking for earth-friendly autos? Browse Top Cars by "Green Rating" at Yahoo! Autos' Green Center. http://autos.yahoo.com/green_center/ --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
