Waalaikum salam,wr,wb. Dunsanak Palindih di tanah subarang basarato Ajo Sidi Arsyad di Gombak KL Malaysia, apo alah sihaik bana Palindih kini tu .....???
Sangkek kito ba oto2 dari dangau Ajo Sidi Arsyad ka hotel kami di Petaling Jaya di hari Rayo Haji nan lalu, agak ragu ambo mancaliak kesehatan Palindih katiko itu. Salemo taruih mahilie samantaro jalan masih jauah. Kalau alah sihaik kini, syukurlah. Ambo baco di email Palindih ko katonyo alah pindah karajo pulo, apo mudah bana pindah2 karajo di Malaysia ko, apo banyak lowongan sahinggo Palindih tiok sabanta pindah karajo ???? Atau hanyo kantua nyo sajo nan baru, ditampek nan baru, mungkin di Putera Jaya barangkali ..... he ...... he .... he .... Untuak Ajo Arsyad, baa lagu e kini, lai indak lagu2 doh jo. Masih taraso kamek nyo gulai cik uniang sewaktu kami makan malam di Gombak dek sari. Bilo2 ambo ka Malaysia baliak, akan ambo cari kaduo dunsanak ambo ko. Salam untuak cik uniang basarato adiak2 di Gombak. Tak lupo pulo salam untuak rang Rumah Palindih jo anak2 nan alun sempat basuo jo ambo. Wassalamu'alaikum,wr,wb. HM Dt.MB (50+) > > Assalamu alaikum ww. > Kapado sidang Pambaco kasadonyo, disusun jari sapuluah 11 jo kapalo, lah > lamolo tinaman indak basigo dek dek pangkua lamo tasangkuik. > Ambo pindah kantua katampek baru,jadi ditampek baru alun ado talian > talipon, jadi indak kama kadisambuang, baru kapatangko dapek talian, > mangkonyo baru mancogok. > Doa dari subarang, moga2 sadonyo dalam lindungan sehat dan bahagia > selalu. > > Kapado Ajo Arshad, tarimo kasi diateh ingatan malalui sms tadi, indak > ambo baleh malalui hp, dek karano di hp carito indak bisa panjang, lai > masih tingga di bungalow lamo juo? > Salapeh kito basamo jo Angku Datuak Marah Bangso di Rayo Haji nan > talapeh alun panah basobok awak lai, walaupun ado ambo malilau ka > Gombak, namun sambia karajo, indak bisa singgah doh, bisuak2 kok > mancogoklo ka Gombak ambo basorak. > Hp nan tacatat hp Ajo lah kanai maliang,jadi ilanglah nomor Ajo. > > Lai lamak juo makan di Sri Bundo? tapi ... makan basamo jo Angku Datuak > Marah Bangso dirumah Ajo tempoari labiah badaso rasonyo, antah dek perai > mungkin.... > Kapado Angku Datuak Marah Bangso, bilo lai kamanapak katanah Ringgik? > Jan lupo basorah. > > Wassalam > Palindih 37 nan panuah. --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
