Waalaikumsalam w.w. pak Sutan Lembang Alam, Tarimo kasih nan sagadang-gadangnyo ambo ucapkan taradok panjalasan pak Sutan nan sabana sajuak dan bana tu tantang masalah nan sungguah sulik ko. Intinyo duo, patagok iman kito dan dakwahi baliak dunsanak kito nan sasek tu. Kok indak amuah juo, bararti inyo indak dunsanak kito lai.
Buliah ambo usul pak Sutan? Pandapek pak Sutan ko paralu ditulih dalam bahaso Indonesia dan dikirimkan ka media massa, supayo dapek jadi masukan pulo dek kaum muslimin sa Indonesia. Wassalam, Saafroedin Bahar --- Muhammad Dafiq Saib <[EMAIL PROTECTED]> wrote: > Assalaamu'alaikum wa rahmatullaahi wa barakaatuhu > > Baru kini agak taleso hari saketek. > > Manolah pak Saaf sarato dunsanak salingka Palanta > di sabalik bumi Allah. > > Mangaji pulolah kito saketek, walau dilua kaji > Buya Abidin di musajik Gurun nan sakali ko. Allah > Ta'ala mangecek-an bahaso sia sajo nan ditunjuk-i > Allah hatino mako indak ado sia juo nan ka talok > manyasek-an no doh. Sabaliakno sia sajo nan > dipabiaan sasek dek Allah indak sia nan ka dapek > manunjuk-ino doh. Man yahdiLlahi falaa mudhillalahu, > wa man yudhlilhu fa laa haadiyalahu. Kalau baitu baa > jano awak? Pasif sajo awak lai? Bialah nak di > pamasuak-masuak-an Allah sajo awak ko isuak kamaa > nan katuju dek Tuhan Allah? Indak pulo baitu. Awak > di agiah baka, diagiah utak, diagiah hati jo > parasaan. Contoh-contoh dari Allah untuk mayakini > kabanaran nan datang dari Allah sabana banyak. Musti > awak bausaho untuak mancari sarato mamahami > ayat-ayat Allah itu jo mampagunoan aka budi awak. > Allah itu Maha Tungga. Urang mangecek-an Allah itu > banyak. Cubolah pikia jo aka awak. Lai kamungkin > masuak diaka awak bahaso Allah tu basarikat? Alam > rayoko diciptaan Allah sajak maso alun baralun, > antah bara milyar tahun nan lapeh manuruik ukuran > jo etongan manusia. Allah sandiri, indak basarikat > jo sia-sia dalam manciptaan alam rayo salaweh langik > balapih-lapihtu, lalu ado urang mangecek-an > kudian-kudianko, sajak sakian ribu tahun nan lapeh > Allah alah basarikaik. Allah baranak. Cubolah pikia > jo aka awak lai ka amuah masuak nan sarupo itu di > aka? > > Tapi baliak pulo baliak. Memang iyo ado urang nan > dijadian Allah tatutuik pintu hatino kapado > kabanaran Allah. Memang Allah mawahyukan ka sabagian > manusia sainggo manusia itu dakek ka katakwaan. > Sabaliakno ado nan Allah mambiaanno dakek kapado ka > kafiran, kabodohan, kafasikan. Fa alHamaHa fujuuraHa > wa taqwaaHa (Maka Dia mengilhamkan jiwa itu > kefasikan dan ketakwaannya). (Asy Syams (91) ayat > 8). Ado sajo manggaribiak dihati manusia itu nak > babuek baiak atau babuek jahek. Ado sajo taruih > sarupo itu. Tapi ado manusia nan bisa manguasoi > garak hati cakotu. Ado nan mampu mangalahkan garak > hati kapado kafasikan sainggo indak jadi babuek > fasik. Tapi ado pulo nan indak mampu mangarajoan > sasuai jo garak hati untuk babuek kabaiak-an. Itulah > manusia. > > Dan dilua pado itu, indak bisa awak mangalompok-an > manusiako sasuai jo suku jo bangsono kadalam ciek > kategori sajo. Indak bisa awak mangecek-an kasadoan > urang Arab adolah urang-urang bariman. Kasadoan > urang Minang adolah urang-urang Islam nan elok. > Indak bisa. Baitu pulo sabaliakno kasadoan urang > asli Eropah adolah urang kapia sansai sajo. Kasadoan > urang Batak Toba urang Kristen sansai sajo. Indak > bisa. > > Indak bisa juo awak mangecek-an urang > dipasakitaran urang alim pasti alim kasadoanno. Anak > Buya pasti urang siak kasadoanno. Indak bisa, alah > diagiah contoh dek Tuhan Allah. Alah kajadi anak > dari Nabi Nuh, nan banamo Kan'an. Tanyato ingkarno. > Tanyato kafir, manulakno kapado kabanaran nan datang > dari Allah malalui ayahno sandiri nan adolah Nabi > Allah. Baitu pulo istri baliau Nabi Nuh, baitu pulo > istri nabi Luth. Kalau Allah ka mampabiyaan > urang-urang tu jatuah ka dalam kafasikan, indak > surang juo urang nan dapek manunjuaki- mareka doh. > > Tarakhir, baa awak manyikapi kalau alah ado urang > awak nan tanyato dipabiyaan sasek dek Tuhan Allah. > Alah manjadi kapiano, pindah kaagamo lain. Atau > bahkan dulu manjadi atheis no indak picayao jo > kabaradoan Allah. Atau kini manjadi fasiak no, > manjadi urang jaekno. > > Manyikapi kalau tajadi nan sarupo itu adolah jo > dakwah baliak. Sampaian dakwah, kanaan baliak > urang-urang tu jo kamampuan nan ado di awak. Katiko > awak mancaliak kamungkaran, antah itu barupo > kamurtadan, kafasikan, atau nan lain-lainno, nan > paliang elok di cegah jo tangan. Kalau indak talok > jo tangan sampaian jo lisan. Kalau indak juo talok > diawak mangarajoan jo lisan, tolong jo doa dalam > hati, walaupun iko adolah nan salamah-lamah iman, > kecek Nabi Muhammad. > > Dan nan labiah utamu bana, bausaho taruih manaruih > mamaliaro iman awak masiang-masiang saelok-elokno. > Sudah itu iman kaluarga wak. Sudahtu iman kaum > famili awak, urang sakampuang awak. > > Kudian sakali, alah barusaho awak, tatap juo no > ingkar. Tatap juo no kapia, tatap juono pasiak. > Buliah awak manjago jarak jo bateh nan tageh jo > urang-urang sarupo itu lai. Indak jadi dunsanak awak > no lai. Indak jadi karik awak no lai. Iko sasuai > pulo jo firman Allah. Katiko Nabi Nuh mangaluah ka > Allah, 'Itu nan sadang hanyuik di londong ayia bah > itu adolah anak ambo ya Allah. Kecek Allah, indak, > awakno bukanlah anggota kaluarga angkau (lai). > Bacolah di surek Huud, surek 11 ayat 45 - 46. > > Mudah-mudahan bamanfaat. > > Wassalamu'alaikum > > Saafroedin BAHAR <[EMAIL PROTECTED]> wrote: > > Assalamualaikum w.w. Adinda Ajoduta jo para dunsanak > sapalanta, > > Tarimo kasih ateh posting Adinda Ajoduta tantang > pendeta Willy Amrullah, saudara tiri Buya Hamka tu. > > Nan jadi masalah adolah kadipangakan dunsanak kito > nan > murtad tu. Ambo baco ado gagasan sabagian dunsanak > kito untuak manjatuahkan sanksi adat kapado nan > barsangkutan barupo dibuang sapanjang adat, indak > diagiah kesempatan tingga di rumah gadang, atau > indak > buliah manikmati harato pusako tinggi. > > > > St. Lembang Alam > http://lembangalam.multiply.com > http://360.yahoo.com/stlembang_alam > > > > --------------------------------- > Luggage? GPS? Comic books? > Check out fitting gifts for grads at Yahoo! Search. > > > ____________________________________________________________________________________ Bored stiff? Loosen up... Download and play hundreds of games for free on Yahoo! Games. http://games.yahoo.com/games/front --~--~---------~--~----~------------~-------~--~----~ Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Tapi harus mendaftar dulu di: https://www.google.com/accounts/NewAccount dengan email yang terdaftar di mailing list ini. -~----------~----~----~----~------~----~------~--~---
