Assalamualaikum w.w. Nanda Heri, Tarimo kasih ateh response Nanda. Insya Allah pak Chaidir jo ambo akan taruih mamikiakan dan mambantu kampuang halaman kito nan tacinto tu, sapanjang masih ado kamampuan kami baduo.
Kami tantu maarokkan sacapek mungkin muncullah nan mudo-mudo manggantikan kami nan alah tuo ko. Salamaik Hari Rayo Idul Fitrie. Sumago Allah swt manarimo amal ibadat kito sadonyo. Mohon maaf lahir jo bathin. Wassalam, Saafroedin Bahar (70+2+1) Tanjuang Heri <[EMAIL PROTECTED]> wrote: Pak Saaf, Pak Chaidir jo pecinta MAPPAS MPKAS sadonyo, Sadiah hati ambo mambaco apo nan ditulis Pak Saaf. Tapi ambo yakin, Pak Saaf jo Pencinta, Pendiri, penggagas MPKAS MAPPAS lainnyo ndak akan mundur dari milist ko demi pariwisata Minang jo kesejahteraan rakyat badarai nan kito harok an bisa mencicipi hasil pariwasata tu. tantunyo nan positif. Kehadiran Pak Saaf jo Pak Chaidir jo sanak, mamak lainnyo di milist ko di sampiang nan mudo mudo lainnyo, walaupun dapek hujatan gratis, ambo raso masih sangaik sangaik diparalukan. Walaupun masih ado nan bapandapek bahwa pariwisata = penghasil maksiat, kito bausaho maminimalisir sisi negatif ko jo sosialisasi ka tungku tigo sajarangan, ka anak mudo dll. Indak ado kegiatan apopun nan indak mempunyai resiko. Zero risk itu indak pernah ado, tapi minimisable. Sakitu se dulu dari ambo, tataplah pak Saaf jo Pak Chaidir di siko, jaan lah sampai suruik pulo. Salamik hari rayo, minal aidin wal faidzin, maaf lahir bathin ka sanak, apak apak, mamak ka sadonyo di palanta ko. Salam Heri,44, Paris "Dr.Saafroedin BAHAR" <[EMAIL PROTECTED]> a écrit : Assalamualaikum w.w. pak Chaidir jo para sanak sa palanta, Sabananyo ambo alah mamutuihkan untuak indak ka manjawab babarapo postings kudian-kudian ko, nan nampaknyo ditujukan ka ambo sacaro pribadi. Ambo mancubo untuak tetap basifat sabar, apolagi karano hujatan nan sabana kasa itu tu diluncuakan dalam bulan puaso dimano iman kito dicubo. Iyo agak susah juo ambo manahan diri, karano nan kanai iyo tulang kariang ambo bana. Namun, sasudah Nanda Nofrins dan Nanda Nuraini turun ka galanggang, ditambah dek pak Chaidir kini, ambo raso ambo indak patuik lai kalau ambo indak turun pulo. Kato haruih dijawab, gayuang haruih disambuik. Ambo memang sabana heran taradok apo motif pribadi duo urang sanak nan maluncuakan hujatan pribadi tu, HS dan AN, apolagi baliau-baliau tu raso-rasonyo ado bapandidikan tinggi. Sabagai urang Minang mestinyo tahu juo jo budi jo taratik. Surang terpelajar lazimnyo, satahu ambo, mangenal etika dalam mangecek, manulih, jo baperilaku. Ambo indak kabaratan dihujat sarupo tu --misalnyo -- kalau nan mambae ambo sarupo tu, maaf, adolah pareman balai. Saketek penjelasan. Ambo manyadiokan diri sato bagalimang dalam MPKAS dan MAPPAS ko karano mancaliak dedikasi nan bukan main dari senior ambo sajak di UGM sampai di LKAAM Sumbar, pak Chaidir Nien Latief SH MSI Datuk Bandaro, 79 tahun. Ambo ikuik maraso batangguang jawab sacaro moril mandukuang mimpi baliau untuak maiduikkan kereta api di Sumbar, karano baa juo ambo ko kan keluarga kereta api. Ayah jo anduang ambo kondektur, tukang rem dan kapalo dipo kereta api. Ambo sato mambantuak MAPPAS karano ambo dapek manarimo alasan Dinda Ajoduta dan Nanda Nofrions tantang pentingnyo pariwisata untuak mamajukan kesejahteraan masyarakat Sumatera Barat. Dalam bateh-bateh kewenangan ambo dahulu sabagai komisioner Komnas HAM, ambo fasilitasilah rangkaian pertemuan di ruang sidang pleno Komnas HAM tu. Rasonyo banyak saketeknyo ado juo manfaatnyo sumbangan ketek ambo tu, kalau ambo indak salah. Hanyo memang, salamo ambo 40 tahun ambo 'baminang-minang' bak kato pak Fasli Jalal, cukuik banyak ambo basuo jo sanak kito nan labiah banyak otanyo dari karajonyo. Labiah-labiah lai indak kurang banyaknyo nan labiah banyak kritiknyo daripado sumbangannyo, sahinggo dima inyo ado gata-gata urang sakaliliang dibueknyo. Kadipangaan lai. Sapanjang pak Chaidir masih amuah batahan di MPKAS dan MAPPAS, ambo usahokan batahan mambantu baliau nan ambo hormati ko. Saparati juo nan dibisiakkan pak Chaidir ka Nanda Nofrions, saluruah anak-anak ambo sabananyoj uo alah lamo maminta ambo labiah banyak baistirahat karano umua ambo kan alah kapalo tujuah. Hanyo kadipangaan juo hati ko nan indak 'mentolo' kato urang Jawa mampabiakan kaadaan kampuang kito saroman tu, pado hal ambo ado saketek pangatahuan, saketek pengalaman, jo saketek koneksi, nan bisa ambo abdikan untuak kamaslahatan urang awak di Ranah. Achirul kalam, tarimo kasih Nanda Nofrins, Nanda Nuraini, dan pak Chaidir. Taradok hujatan kasa dari sanak nan baduo tu ambo sarahkan sajo ka palanta RN jo kapado Allah swt untuak manilainyo. Taradok sagalo kakurangan diri ambo di MPKAS dan MAPPAS, ambo mintak dipabanyak maaf. Hanyo sampai disinan kamampuan ambo. Sakali lai, Selamat Hari Rayo Idul Fitrie. Mohon Maaf Lahir dan Bathin. Wassalam, Saafroedin Bahar (70+2+1). chaidir latief <[EMAIL PROTECTED]> wrote: Bu Nuraini dan para dunsanak Ambo kan lebih tuo dari ibu dalam arti baa ba organisasi menghadapi urang Minang. Ambo pun sering dipertanyakan istri ambo Ka Padang ongkos surang Manga juo lai. Ado nasehat alm pak Hugeng nan barangkali baik bagi para dunsanak Kok lah pensiun urang biaso kebingungan. Banyak nan tibo tibo takalapuak tibo tibo karano " post power syndrome " atau " indak tau a nan kadipabuek " Sebagai seniman beliau melihat masa tua lebih kepada " how to kill the time " dan " merasa hidup masih bermanfaat". Kalau how to kill the time dikaitkan dengan sesuatu yang bermanfaat, kita menjadi asyik Apo lagi dikaitkan pulo "ptitih atau harato indak akan dibao mati" Kan lebih baik digunokan untuk yang mengasyikkan dan bermanfaat. Iko nan paralu direnungkan nan mudo mudo dan membuat pandangan ini as a habit Sewaktu mendirikan MAPPAS kita semua YAKIN ( ambo kan pendiri juo bu ) memajukan pariwisata suatu yang SANGAT BERMANFAAT Untuak apolah kito persoalkan pangkat jabatan dll kalau prinsip kito lillahi ta'ala Alah ka sipaik di urang awak bu. Sadonya DIPERTANYAKAN dan DIPERMASALAHKAN Tapi tibo dikarajo dan turun DANA " mbek cah " Tapi kalau lah lancar lain pulo caritonyo Sudahlah bu Ambo yakin bana adiak adiak kito tu indak bermakasui buruak Kito kan alah membangun rumah ditepi laut Indak usah takuik jo ombak dan gelombang Indak usah dipapanjang Anggap sajo riak kecil palamak hidangan dimeja Masih banyak yang harus kito karajokan Chaidir N Latief Heri Tanjuang(44) Rang Tabiang Paris, Perancis HP : +33627532880 Fax :+33140598958 HP Indo : 0811885627 (hanyo utk SMS) --------------------------------- Ne gardez plus qu'une seule adresse mail ! Copiez vos mails vers Yahoo! Mail --------------------------------- Pinpoint customers who are looking for what you sell. --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti (unsubscribe), kirim email kosong ke: [EMAIL PROTECTED] Webmail Mailing List dan Konfigurasi keanggotaan lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di: https://www.google.com/accounts/NewAccount =============================================================== -~----------~----~----~----~------~----~------~--~---