Nanda Nofrins nan salalu basumangaik, Tantang pertanyaan Nanda manganai sifat urang awak nan suko mencemeeh, takana dek ambo garah kawan ambo, Prof Drs Hendra Esmara dari Fakultas Ekonomi Unand, sawakatu mamparsiapkan Rencana Pembangunan Daerah Sumatera Barat dalam tahun 1968. Dari baliau paratamo kali ambo danga istilah 'tukang tubo', yaitu urang awak nan kegemarannyo bukan mandukuang gagasan baru, tapi justru untuak marusak dan kalau bisa manghancurkannyo. Supayo jan kanai tubo sasudah rencana disusun, baliau undang bana mereka nan jadi 'tukang tubo' tu untuak manyampaikan pandapeknyo. Biasonyo pandapeknyo tu indak pulo ado doh, Hanyo galetek sajo.
Saparati Nanda ketahui, ambo sandiri kan mangalaminyo juo di RN ko, ado duo tigo 'tukang tubo' tu nan 'menggerilya' apo nan sadang ambo karajokan di MAPPAS. Ampia tabik suga pulo ambo ka baliau-baliau ko, namun ambo tahan diri supayo indak kanai jarek galetek mereka-mereka. Kini pun, katiko ambo sadang sibuk mampasiapkan diskusi Perang Paderi tanggal 22 Januari nan ka datang, para tukang tubo ko masih tetap aktif. Namun, ambo jalan taruih, mamakai resep nan ampuh untuk mahadoki aksi para 'tukang tubo' ko, yaitu EGP, emangnye gue pikirin? Alah lamo ambo mamikiakan apo nan manyababkan timbuanyo sifat-sifat buruak [sabagian] urang awak ko. Dalam buku Ilmu Bumi Militer karangan Kolonel KNIL Soegondo -- nan paranah diposting dek Angku Datuk Endang dalam RN -- urang Ulando saisuak alah mancatat sifaik-sifaik buruak dari [sabagian] urang awak ko. Lambek laun ambo sadar bahaso watak urang surang dan budaya suatu suku bangso sasungguahno adolah wujud dari sistem nilai -- yaitu ukuran moral tantang baiak buruak -- nan dianutnyo, nan dalam masyarakat Minang nampak dalam pepatah jo petitih. Sukar dibantah bahaso disampiang ado 'pepatah petitih putih' nan jaleh elok, ado pulo 'pepatah petitih kelabu' saparati 'kalau utang ka bayia, dima pulo cadiak ka pagumo', 'angguak anggak,geleang amuah, dalam duo tangah tigo, unjuak nan tidak babarikan'. Mustinyo pepatah petitih kelabu iko alah dibarasiahkan dek agamo Islam nan sangat mementingkan akhlak, tapi kito sadonyo tahu bahaso kaduonya bajalan basisian, sampai kini. Ambo alah baminang-minang ko sajak tahun 1966, jadi sampai kini iyo alah 41 tahun. Pangalaman ambo manunjuakkan bahaso iyo sabana susah mamacik kecek jo janji [sabagian] urang awak ko. Lain di muluik, lain pulo di hati, dan lain pulo nan dikarajokan. Ciluah. Pambingik. Indak suko mancaliak urang lain sukses.Sanang mancaliak urang lain jatuah badabok. Salah satu caro nan ambo kambangkan untuak mahadoki [sabagian] urang awak nan sabana 'galia' ko adolah manyiapkan apo nan dalam karajo ambo nan lamo disabuik sabagai CB 2, singkatan dari 'Cara Bertindak nomor 2". Nan CB 1 adolah nan disapakati basamo sacaro resmi, nan biasonyo indak kaditapati bagai doh.. Jadi baa mamelokinyo? Nampak jaleh dek ambo, bahaso kalau kito hiduik di Rantau, salain kito bisa dan harus menyerap sifat-sifat baiak dari suku-suku bangso lain, kito juo harus patuah kapado hukum.Jadi memang ado kamungkinan untuak ka arah nan elok. Kesadaran itulah antaro lain nan mandorong ambo mamperjuangkan supayo ado Kompilasi ABS SBK, nan pado suatu sisi mamuek sacaro jaleh nilai-nilai nan nan rancak dari adat nan sasuai jo syarak, pado sisi nan lain sacaro tegas mambuang sagalo nan buruak dari 'pepatah petitih kelabu' tu. Jalehnyo, KINI KO ALUN ADO LAI ABS SBK TU. ADAIK BAK KATO ADAIK, SYARAK BAK KATO SYARAK. Hasilnyo itulah, masyarakat Minangkabau barado dalam suasana kerancuan nilai -- anomie kato urang -- nan langsuang atau indak langsuang manyababkan sabagian ketek [mudah-mudahan jan sampai sabagian gadang] urang awak manjadi sabana galia, pancameeh, tukang tubo, suko dengki, chizid, dan khianat. Mungkin itu nan manyababkan susah bana kito bakarajo samo satu samo lain, karano saling indak bisa picayo mampicayoi. Tantu ado sabagian ketek urang awak nan batua-batua alah cegak dari 'pinyakik Minang' ko dan mampu mangambangkan watak pribadi nan mampunyoi integritas tinggi dan bisa jadi contoh, antaro lain -- nan tacelak tampak jauah --: Mohammad Hatta, Mohammad Natsir, Buya Hamka, KH Isa Anshari di tingkek nasional; Buya MD Dt Palimo Kayo, dan Kaharuddin Datuk Rangkayo Basa di tingkek daerah. Jadi, Nanda Nofrins, jan diacuahkan bana galetek para 'tukang tubo' nan sadang 'damam pinyakik Minang' tu. Jalan taruih sajo, sebabnyo kalau kito berhasil, mereka-mereka tu akan antok surang. Kambangkan salalu CB 2 untuak satiok garak kito. Wassalam, Saafroedin Bahar Yulnofrins Napilus <[EMAIL PROTECTED]> wrote:Ambo yakin masih banyak yang belum mau menampakkan diri atau bersedia "sato sakaki". Krn pada takut...! Takut krn belum apa2 sudah kena cimeeh, kena tubo, kena sindir, kena sikat, kurang ini lah, kurang itu lah, baa kok itu, baa kok ndak iko, bantuak nan alah santiang bana waang, apo alah kayo bana angku, kok sakadar panambah cik gigi sajo indak usah lo lah angku manyumbang, baru sagitu seh alah malagak pulo, kok ka manggaleh angku indak disiko tampeknyo do, jaleh di aden isi paruik angku tu mah, kok hebat bana waang kami indak kabatanyo gai do, kok alah kayo pulo waang kami indak kamaminta do, indak sato gai angku indak ka mati kalaparan bagai kami do, sawah pusako suku kami masih banyak, jaleh dek aden dimaa rumah rang gaek waang itu di kampuang, jadi jan lah malagak lo lai, dstnya... Onde mandeee...kok banyak bana attitude kito nan negative yo? Apo mungkin Sumbar bisa maju kalau sarupo iko taruih gaya awak? Apakah ini bukannya salah satu penghambat kita selama ini, bumerang menjadi motivasi & energi negatif...? Baa tu Pak Saaf...? Apa ini juga bagian dari ABSBSK...? Baa mangko coiko bana sejarah hiduik kito di Minang iko...?? Celakanya, bagi orang yang puluhan tahun hidup dalam lingkaran seperti itu di Sumbar sendiri, bukan masalah buat mereka. Sudah melekat dan merupakan bagian dari hidup keseharian mereka. "Indak saburuak itu bana kami do, masih banyak nan baiak-baiak. Jan lah coitu bana..". Ampuunn dah... Mohon maaf sebelumnya. Terima kasih. Salam, Nofrins --------------------------------- Never miss a thing. Make Yahoo your homepage. --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email besar dari >200KB akan di banned, sampai yang bersangkutan menyampaikan komitmen akan mematuhi Tata Tertib yang berlaku. - Email attachment, DILARANG! Tawarkan kepada yang berminat dan kirim melalui jalur pribadi. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahulu mendaftarkan email anda pada Google Account di https://www.google.com/accounts/NewAccount =============================================================== -~----------~----~----~----~------~----~------~--~---