Alhamdulillah lai indak baa do inyiak Sunguik,
Tanggal 20 Agustus kapatang ambo sempatkan ka Pakanbaru jo pak Afrijon, dek alah hampia satahun indak batamu, sambia maota di sapanjang perjalanan sarato badiskusi apo sajo nan alah dilakukan sajak awal tahun hinggo kini. Mungkin dek masuak kota Pakanbaru ko lo jimek ambo indak mampan lai, sahinggo badan agak rangkik-rangkik saketek. Malam kapatang jo malam kini dibao badan nan sakarek ko pai bauruik ka Kampuang Teleng, alhamdulillah lai banyak baransuanyo. Setelah mangirim email nan terakhir, ambo sempatkan pulo mancaliak urang rapek di Taratak Tangah, baru sajo pulang. Biasonyo badan nan sakarek ko mudah baansuanyo kok tingga di nagari-nagari. Tahun kapatang kutiko ambo akan ka Tanjuang Sungayang pado bulan Mei iyo sadang sakik pulo di Padang. Bapasoan juo ka nagari-nagari, alhamdulillah indak sampai 5 hari alah baransua pulo. Mungkin dek udaro nan labiah barasiah sarato kurenah urang di kampuang ko nan labiah rancak pado urang di kota nan mambuek badan mudah sehat, atau dek karano faktor lain nan indak pulo kito ketahui. Kok maso sisuak, gatah nan alah batakiak ko dibao ka Padang Laweh malalui batang Sumpu salamo 2 hari perjalanan via Sisawah. Nan kini toke gatah indak namuah lai balelang di Padang Laweh. Gatah nan alah bacetak pado bak lansuang dibao ka Padang jo truck via bukik Lontiak. wasalam AZ/lk/34th/caniago Sumpur Kudus, Sijunjuang asa nagari Kubang, 50 Koto babako ka Canduang Koto Laweh, Agam ----- Pesan Asli ----- Dari: sjamsir_sjarif <hamboc...@yahoo.com> Kepada: rantaunet@googlegroups.com Cc: Dikirim: Selasa, 28 Agustus 2012 22:08 Judul: Re: Bls: [R@ntau-Net] LPM Marapalam : Update Kegiatan Agustus 2012 Itulah nan kami khawatirkan, kesehatan Angku Armin sangat paralu diperhatikan. Awak jauah bajalan kinkin kumai, indak tantu siang jo malam hujan jo paneh sadangkan daya tahan badan tantu ado bateh. Tabayang di MakNgah urang manakiak katah di polaak gotah sekitar Calau, MakNgah pun panah ikuik manakiak di maso dulu... Salam, -- MakNgah sjamsir Sjarif -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
