Tarimo kasi banyak Dinda Armen. Sabana jaleh, tageh da laweh jawaban dari “salah satu anak mudo Minangkabau tasibuk saaik ko” bake ambo.
Karano apo nan ambo tanyokan --sasuai jo kaidah what, who, why, when, where & how? (5W+H)—alah tajawaok kasadonyo, iyo basabalah ambo dulu sampai hari rayo haji ko. Kalau musyawarah nantik lai mambuliahkah ambo ikuik dalam “kareta nan kaduo” bataranak jawi di Sumpurkudus, tantu ambo sanang hati bana. Untuak samantaro ko, alokasi dana (8,5jt – 12,5jt) iyo ambo suruak-an dulu di buku tabuangan ambo. Baitu “lampu ijau” ambo tarimo dari LPM Marapalam (satalah mangkomunikasikan jo nan ka mauruih jawi di Sumpurkudus) mako ambo –insyaAllah—lansuang mantransfer pitihnyo ka rekening LPM Marapalam). Semoga Allah SWT taruih malimpahkan Hidayah & HinayahNYO buek kito kasadonyo. Amin Ya Rabbal Alamin. mm*** NB : Tarimokasi pulo buek Kakanda Haasma (LK/68/Depok) nan malalui surek listrik dari asmun sjueib [mailto:kinno...@yahoo.co.id] alah mangirimkan “tambahan ilimu” buek kito saputa bataranak jawi/ bantiang/ sapi/ cows. From: Armen Zulkarnain [mailto:emeneschoo...@yahoo.co.id] Sent: Tuesday, August 28, 2012 10:37 AM To: muchwardi.muchtar; rantaunet@googlegroups.com Cc: Afrijon Ponggok; as...@haragreen.com; Reni Sisri Yanti Gurun Sungai Tarab Subject: Bls: [R@ntau-Net] Kepengurusan LPM Marapalam Pak MM bintang tigo nan ambo hormati, Mohon maaf baru ambo baleh email apak nan mananyokan satantang jawi nan ko. Kondisi badan ambo kini agak mandamam, dek mungkin talampau sibuk bana kutiko manjalang hari rayo. Salain mampelajari sacaro umum jawi simental ko di Mudiak Pikumbuah sajak bulan puaso, organisasi perantau kampuang ambo pulang basamo pulo tahun kini, sahinggo bakunjuangi pulo ciek-ciek sipangka dari IKK mantun. Selain itu, kepengurusan LPM Marapalam baganti pulo dimano hari Sinayan baharirayo, bakaja pulo ka Tanjuang Sungayang nan perjalanan kami taruihkan ka Pakanbaru. Bisuaknyo baliak pulo ambo ka Pikumbuah, sambia mahituang jumlah jawi nan ka dibao alhamdulillah duduak pulo IKK jo nagari untuak mampasamokan program tahun nan kadatang. Sajak Kamis nan lalu, ambo alah barado di Sumpur Kudus, untuak basamo-samo mamulai pembuatan kandang basamo. Dek iko perdana, tantu samo jo mangakok lansuang, sato marambah samak, maangkek simin, kasiak jo kareke. Alah baluluak pulo jo tanah dan lain sabagainyo. Namonyo kito mendampingi, tantu sato pulo bakarajo, sambia diansua pulo sosialisasi ka masyarakat bahasonyo kegiatan nan ko bukan program bantuan pemda. Dimano masyarakat kito takadang inyo salah takok, setelah dijalehkan bahasonyo jawi ko adolah usaho mampasaduokan ka urang di kampuang, alhamdulillah lai paham ciek-ciek. Barikuik pertanyaan apak akan ambo cubo untuak manjaweknyo : 1)Apokoh masih bisa ambo sato manjadi “peserta nomor sabaleh” bataranak jawi batino (atau jantan?) di LPM Marapalam? Usaho penggemukan sapi simmental di Kanagarian Sumpur Kudus ko kito targetkan 500 ikua atau 25 kandang basamo nan akan tasebar di 8 jorong nan ado di nagari Sumpur Kudus & nagari Sumpur Kudus Selatan, Kanagarian Sumpur Kudus, Sijunjuang. Tahap I alah & sadang balansuang, dimano kini alah 5 hari kito mangarajokan kandang basamo di jorong Calau, Sumpur Kudus Selatan. Insya Allah, sasudah hari rayo Aidil Adha atau sekitar 5 - 10 November 2012 nan akan kito mulai pulo tahap nan ka II. Wakatu salasai shalat Jumat nan lalu, alah ambo sampaikan kapado ketua KAN & niniak mamak nan XXXIV supayo bisa dimusyawarahkan di jorong mano dar 5 jorong nan ado di Sumpur Kudus ko nan akan dibuek kandang basamo. Untuak tahap II ko ado beberapa lokasi nan bisa dibuek, sahinggo niniak mamak bisa barundiang dahulu nan ma nan bisa didahulukan sasuai jo lahan & anak kamanakan nan akan maurus jawi-jawi nan tun. 2)Bara rupiah pitih musti disetor ka Bendahara dan ka rekening nomor bara musti ambo transfer? Untuak jawi jantan kito cari nan umua 6 bulan (lapeh manyusu) + biaya pembuatan kandang nan jumlah saluruhnyo Rp. 8.500.000. Sadangkan nan batino umuanyo labiah dari 24 bulan + biaya pembuatan kandang nan jumlah saluruhnyo Rp. 12.500.000. Untuak tahap I kapatang, ka rekening ambo sendiri. Sadangkan untuak tahap II kito akan diskusikan labiah dahulu jo pengurus. 3)Kalau masih ado, dapekkah dikirimkan bake ambo proposal tantang bataranak jawi ko (dokumen PDF?) basarato rencana jangko panjangnyo? Sajauah kini, proposal nan apak mintak mantun iyo indak ado. Ambo punyo kebiasaan pabilo alah manyusun proposal, saluruah ide akan tasumbek sahinggo indak jaleh lai apo nan akan ditulih. Mengenai usaho jawi simmental ko bisa dicari pado google nan ko dengan key tag : simmental, sumpur kudus, rantau net. Untuak proposal ambo kiro pengurus akan mulai maansua-ansua mambueknyo dalam ormat PDF. Tipak di ambo sendiri kini iyo sabana sibuk sampai sato sadonyo dalam proses pembuatan kandang mantun & 2-3 hari lai babaliak ka mudiak untuak mangumpuakan jawi nan alah kito pasan. 4)Apokoh paralu pulo ambo manyarahkan identitas diri (fotokopi KTP, alamaik rumah, telepon basarato surek-2 lainnyo) ka Sekretariat LPM Marapalam? Data nan kami paralukan dari pemilik jawi antara lain : Nama Lengkap : Tempat Tanggal Lahir : Alamat Lengkap : Pekerjaan : Kontak person : email/telepon/mobile Data nan kami paralukan mantun untuak dimasuakan pado MOU nan akan ditandatangani oleh LPM Marapalam - Peerintahan Nagari - KAN Sumpur Kudus - Niniak Mamak Pamangku Ulayat. Salain itu, seluruh pemilik jawi kito harokan bisa bakomunikasi lansuang jo peternak nan maurus jawi nan ko, sahinggo data person peternak akan kito kirimkan pulo basamo-samo dok. jawi. Harapan kito, bisa tahubuang tali silaturahim handaknyo antaro pemilik jawi jo urang nan maurus jawi nan ko. Insya Allah 2 pakan setelah hari rayo Aidil Adha akan kito buek pulo kandang basamo baliak. Untuak nan kini ambo mohon maaf bana, sabab kapasitas truck colt diesel nan kito pakai memang sagitu sajo banyaknyo. Kok kito tambah agak saikua lai akan manambah armada nan akan kito pakai, iko aratinyo pembengkakan biaya transport, dimano jawi nan saikua nan ko indak bisa disalekan dalam truck nan ado. Ambo kiro, bulan November 2012 indak lamo lai, insya Allah kalau pak MM bintang tigo lai namuah basaba, kito masuakan dalam daftar. Itu sajonan bisa ambo sampaikan, mohon rila jo maaf pabilo ado kato nan indak pado tampeknyo. wasalam AZ/lk/34th/caniago Sumpur Kudus asa nagari Kubang, 50 Koto babako ka Canduang Koto Laweh, Agam Kapasitas angkut Colt Diesel : 9 - 10 ikua Kapasiatas angkut L300 : Maksimal 4 - 5 ikua _____ Dari: muchwardi.muchtar <muchwardi.much...@gmail.com> Kepada: resy_2...@yahoo.com Cc: aafri...@yahoo.co.id; aslimnurha...@gmail.com; emeneschoo...@yahoo.co.id Dikirim: Senin, 27 Agustus 2012 23:17 Judul: RE: [R@ntau-Net] Kepengurusan LPM Marapalam Assalamualaikum Wr.Wb, Ambo (Muchwardi Muchtar Sutan Rangkayo Kaciek; asa Bukiktinggi, tingga di Bekasi) sabana baminaik untuak sato sakaki dalam “alek basamo” nan sadang dilakukan LPM Marapalam. Karano ambo baru jalan dua pakan ko masuak (baliak) manjadi “komunitas alam maya nan banamo r@ntau-net” tantu indak paralu heran, kalau sabana katinggalan kareta mayangkuik gabah bataranak bantiang nangko. Karano itu ambo batanyo saroman di bawah ko : 1)Apokoh masih bisa ambo sato manjadi “peserta nomor sabaleh” bataranak jawi batino (atau jantan?) di LPM Marapalam? 2)Bara rupiah pitih musti disetor ka Bendahara dan ka rekening nomor bara musti ambo transfer? 3)Kalau masih ado, dapekkah dikirimkan bake ambo proposal tantang bataranak jawi ko (dokumen PDF?) basarato rencana jangko panjangnyo? 4)Apokoh paralu pulo ambo manyarahkan identitas diri (fotokopi KTP, alamaik rumah, telepon basarato surek-2 lainnyo) ka Sekretariat LPM Marapalam? Ateh namuahnyo Sanak nan ambo kirimkan surek listrik ko mambaleh dan mambari panjalehan panjang lebar (5W+H) saputa kagiatan LPM Marapalam, sabalun dan sasudahnyo diucapkan tarimo kasi banyak. Mudah-mudahan Allah SWT malimpahkan Hidayah & HinayahNYO buek awak kasadonyo. Amin Ya Rabbal Alamin. Salam…………………………………., Pak mm*** Lk-2/58 th/Koto Dt.Tumangguang Induak asli Lubuakbasuang, indak panah tingga di Lubuakbasuang, ayah asli Tilkam Lahia di Bukitinggi, sikola SD di Pariaman, SLTP di Bukiktinggi, SLA di Bkt & Jkt, 1970 marantau ka Jkt; Kuliah di Jkt, Babini di Jkt. Pada 22 Agustus 2012 05:52, Armen Zulkarnain <emeneschoo...@yahoo.co.id> menulis: Angku, mamak, apak jo uni inisiator LPM Marapalam nan ambo hormati, Alhamdulillah pertemuan hari Sinayan kapatang di nagari Tanjuang bajalan lancar. Dari pertemuan nan ko disepakati pengurus LPM Marapalam sebagai berikut : Koordinator Inisiator : Dutamardin Umar Ketua Umum : Afrijon Ponggok Katik Basa Batuah Sekretaris Umum : Aslim Nurhasan Sutan Sati Bendahara umum : Reni Sisri Yanti Salain itu disepakati pulo seluruh inisiator nan alah manyatokan bagabuang dalam LPM Marapalam & mengirimkan data diri untuk kelengkapan administrasi pengurusan badan hukum statusnyo tetap sebagai inisiator LPM Marapalam, terkecuali nan bersangkutan mamintak kalua sebagai inisiator. Sarana komunikasi nan dipakai untuak koordinasi antar inisiator tatap saroman nan alah balansuang salamo 2 tahun nan ko, yaitu melalui email, situs jejaring sosial & telepon selular. Untuak publikasi kegiatan baitu pulo sahinggo seluruh kegiatan tatap bisa diakses saroman nan alah balansuang salaruik salamo nan ko. Itu sajo nan bisa ambo sampaikan, pabilo ado kato nan indak pado tampeknyo mohon rila jo maaf. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
