Assalamu'alaikum ww. Dunsanak salingka palanta nan terhormat. Sato maningkahi pulo lah ambo sangenek s atantang Alek SUMBAR EXPO 2012 ko.
Alah panjang ota kian kamai, alah banyak pulo nan pandai pado nan bakarajo. Ujuang ujuang nyo saroman nan taralah, mangipeh ka mangipeh, solusi kongkrit indak ado. Bacarito pulo ambo sangenek. Sacaro pribadi, ambo alah mandanga ttg akan diadokannyo acara SUMBAR EXPO ko , sajak awal September 2012, sasudah ri rayo. Setelah ambo cari tau, ternyata saroman jo taun kapatang, pelaksanaan SUMBAR EXPO ko alah disarahkan ka EO. Ooopp pam pam...!!! Tabayang lansuang di kapalo ko SUMBAR EXPO taun kapatang. Mangecek pulo badan diri ko dalam hati, lah ka batuka baghuak jo cigak komah.... Pado ambo cipeh dak bakatantuan,timbua niat untuak sato mambantu, namun walau ado keinginan untuak sato mambantu, “pintu masuak” indak loh tau. Sakadar mancari tau, ambo cubo maota jo Tuan St Sati. Dari baliau batambah impo saketek, bahwa memang EO nan mangarajoan, tapi secara pribadi baliau alah diminta oleh KAPALO KANTUA PENGHUBUNG PEMDA SUMBAR, sekaligus Ketua Panitia, Bapak Luhur Budianda utk mambantu dari lua... Dari lua...?!?!?! Yaaa, hanya dari lua. Dak mungkin Tuan Sati sato masuak ka dalam karano baliau bukan EO, dak mungkin pulo sato ma ambiak keputusan, karano baliau juo bukan pegawai kantua penghubung. Saat itu badebat ambo jo baliau.. “Kalo hanya sakadar mambantu dari lua, elok dak usah lah,” kecek ambo. Apo lai awak dak berhak maambiak keputusan. Jangan-jangan beko awak pulo nan disalahkan urang. Tapi dasar baliau kareh hati, baliau mangecek, “bialah ambo bajalan taruih, kalau paralu, badan ambo ko ambo latak an agar acara ko sukses, rami dan urang sanang,”itu kecek Tuan Sati SUMBAR EXPO adalah agenda PEMDA c/q Kantua Penghubung PEMDA SUMBAR. Dan meraka alah tarikek kontrak karajo jo EO. Tuan Sati diminta mambantu “mendampingi Kapalo kantua Penghubung dalam mengkritisi pekerjaan nan alah disarahkan ka EO. Saroman nan baliau kecek an di ateh... (Ambo copas sangenek kalimat Tuan Sati) *Ambo diminta mambantu dek Kapalo Kantua Penghubung dalam ke** **Panitiaan SUMBARExpo 2012; Alahmdulillah, akhianyo Ambo tau baa sabanayo nan ingin dilakukan Baliau salaku Ketua Panitia Penyelenggara, tamasuak koordinasi Liau jo EO nan manjadi Pelaksana Kegiatan untuak implementasi rencana nan alah disepakati; Sajak Ambo talibaik, sakuaik kamampuan nan ado Ambo tumpahkan untuk mansukseskan SUMBAR Expo 2012, tamasuak maajak sato sado relasi nan ado*** Karano ado niat ambo sato mambantu, ambo tanyo pulo, jika ambo sato mambantu, apo nan bisa ambo karajoan? Jawaban baliau, awak hanya bisa mangameh-an sado nan taicia, tamasuak maundang sabanyak banyak nyo urang untuak datang. Namonyo mangameh-an nan taicia, tantu indak banyak nan ka dikameh-an doh, itu bayangan ambo. Dan ambo siap bantu baliau mangameh-an nan taicia tun. Sinayan Tgl 29/10 ambo diajak Tuan Sati untuak batamu di kantua penghubung Pemda Matraman. Kato baliau, kok ka sato mambantu, datanglah ka Matraman. Lah tibo ambo di sinan, namun karano ambo talambek tibo, indak banyak impo nan ambo dapek-an untuak “mangameh-an nan taicia tun. Apolai sang EO nan mambuek janji, nyatonyo “indak datang” pulo. Walau saketek nan ambo dapek-an, muloilah ambo kameh-an nan taicia nantun. Lah muloi manelp suok kida, maajak urang untuak sato maisi acara, sato maisi lapak, dan sato datang ka acara. Hanya itu nan mampu ambo lakukan saat itu. Ari Raba’a datang pulo ambo ka Matraman, dan lansuang di ajak maota ka lantai IV, karano disinan ado tim EO nyo. Namo no urang baru, tantu mandanga-danga sajo agak sajamang. Memang hanya sajamang ambo paralu mandanga, karano sudah itu ambo “TACINGANGAK GADANG”. *BATUA BATUA TACINGANGAK GADANG. * *Ba a mangko tacingangak gadang??* * * Mangameh-an nan taicia tu kironyo MANGUMPUA –AN NAN MASIH TASERAK Mambantu dari lua tu kironyo, awak urang lua tapi HARUS TAGAK di DALAM EO sebagai pelaksana teknis kegiatan tu kironyo hanya ma – iyo-iyo kan sajo *Nan mambuek ambo batua-batua tacinngangak gadang adalah,* * * @ Hampia 80% nan ma ajak sato untuak maisi acara dan maisi STAND adalah .............. @ Manelp urang sarato memastikan urang untuak maisi acara adalah .......................... @ Format Rundown keseluruhan acara nan mambuek adalah......................................... (dek di sidang palanta ko banyak nan punyo wacana, saran, sarato tukang kipeh, isilah titiak2 tu jo namo surang-surang) Satantang PUBLIKASI MEDIA ruang dan non ruang, nan jadi wacana kritis banyak urang di sidang palanta, apo lai Kanda Zultan, nan punyo TEORI sakambuik... Batanyo pulo lah kami (Tuan Sati dan ambo), ka EO tersebut. Ba-a jo masalah PUBLIKASI MEDIA dan bilo mereka ka maadokan Konferensi Pers?? Dengan lembut mereka manjawek...., KAMI TIDAK AKAN MEMPUBLIKASIKAN-nya ke media. ASTAGHFIRULLAHAL ADZIM................., Tadangek ambo. Antaaahlaaaah!!!!! Baliak ka badan diri dan awak nan di sidang palanta ko Sebagai bagian dari sidang palanta R@ntauNet, bagi kami nan “ngenek” ko, Kegiatan TANDIANG DOMINO, nan ide ko baru ado tgl 29/10 malam tu, mukasuik nyo adalah PARAMIAN ALEK. Ma ajak semakin banyak urang untuak datang ka ALEK SUMBAR EXPO tu. Sekecil apapun R@ntauNet ingin juo sato mambantu. Itu mukasuik ide nan muncul mendadak. Jadi...., kalau ado nan manyarankan “SAHARI PUTUIH SAJO” di adokan tandiang DOMINO, karano urang maleh pai 2 hari bana ka sinan. Justru misi TANDIANG DOMINO ko untuak ma ajak urang barami2 datang minimal di duo hari nantun. Teori tersebut memang rancak, tapi bertentangan jo misi kami mambantu alek MINANG EXPO ‘12 ko Kini... Masih ka mangipeh kah? Masih ka berwacana kah? Masih ka berteori kah? Lakukanlah apo nan bisa awak lakukan. Sakitu sajo... Mohon maaf jika ado tutur kalimat nan indak ditampeknyo Mohon maaf jika dalam tulisan ko ado nan tagisia atau ado nan kurang berkenan. wassalam WW *Arief Rangkayo Mulia HP : 0813 1600 7756 **Melangkah bersama.... untuk berbagi bersama...* -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/