Assalamualaikum.Wr.Br. Dunsanak RantauNet nan ambo hormati Dima sajo kini barado Tulisan ambo nan dunsanak tanggapi Bak taminum induak gulo
Hauih lapeh rakungan bedo Bak mandi tabek kiambang Palak lapeh gata manyeso Hati risau batin taguncang Bak makan buah simalakamo Dilulua antah di buang antah Ka didiamkan batin baturo Disabuikkan taraso salah Ambo bukanlah urang politik Nan suko batangka jo babantah Apolai mancari ilik ilik Suko mancari cari salah luruih niat di dado Barasieh tujuan dalam hati Samato saliang jago manjago Lupo saliang ma ingek-i Bukan manyabuik diri nan bana Ma cap salah urang lain Kok ado taraso nan jangga Mhon maafkan lahie jo batin. Sa untai gurindam panyudahi Mohon di baco jo nurani Bukan jo caro nan emosi Nan tasirek toloang di pahami Ambo nan sadang di OKI Sabanta lai masuak wilayah Jambi Dalam rangko pulang janguak nagari Mohon doanyo ambo permisi JAN TALONSOANG Dek ulah kato talonsoang Sapatah muluik tadoroang Lah bak cando bunyi tontoang Heboh urang sa joroang Dek bajalan kurang engoang Salangkah kaki tasoroang Saparo badan masuak koloang Banyak nan tabao rendoang Baguncang atok rumah gonjoang Tunggak goyang sandi balenoang Bak cando kanai mariam tomoang Lantai tabuak dindiang boloang Antah dek taguguah gentoang Tadanga salah bunyi gonggoang Sumbang tadanga bunyi ngeoang Nyariang karano dek tong kosoang Ibarat kapa salah teloang Lah mabuak nakhoda jo tekoang Juru mudi lah salah taropoang Sauah ta angkek angin bapesoang Disangko ribuik ka mandoroang Talawan angin manyonsoang Dayuang rapuah layie lah rompoang Disiko awa kapa ka londoang Dek cuaca ndak ba etoang Balayie indak di nan goloang Disiko biduak ba entoang entoang Dima paruik indak badampoang Awak ka jadi muluik coroang Ma ajak urang bagotoang royoang Banyak program nan ba osoang Nak aman kampuang jo koroang Kalau babunyi asa malantoang Garuang asa maloloang Apo bedanyo jo macan ompoang Kijang rabah muncuang lah kencoang Datuak mamakai sarawa galemboang Bukan berarti beliau si otong Pamain sandiwara jo lenong Nan bisa baperan jadi bencoang Toloang bedakan karih jo rencoang Balain linggih jo blecoang Ndak samo ladiang jo kedoang Ciek luruih nan ciek kencong Bedakan maliang jo garoang Tukang cacak jo tukang todoang Jan manjadi murai concoang Nan bakicau di siang boloang Buah manggis buah kedondoang Satu bulat yang satu lonjoang Hati hati dong kalau ngomong Ntar dimarahin kakek ama ngkong Beli lontong ke cibinong Naik gerbong dari serpong Jangan pura pura bengong Kalau ga ingin di bilang songong Ibarat banda jo goroang goroang Ambo hanyo ka jadi poloang Lubang asok jo caroboang Lah biaso muko kanai cemoang.. OKI, 23122012.Y.Jambak. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
