Assalamualaikum Wr Wb. Sanak komunitas r@ntau-net nan di-Rakhmati Allah Swt n.a.h.
Karano Sanak ANB mamintak bake Dunsanak nan punyo pangalaman nyato (bukan teroritis atau normatif sarupo nan ditulih di buku-buku panduan====>mm) dalam mandidik anak-anak kutiko masih ketek, dan ambo ciguak, namo ambo alah dimintak pulo dek Sanak ANB, namuah ndak namuah ambo cibo juolah mancaritokan apo nan tajadi di rumah kami salamo ko. Mudah-mudahan mancaritokan sagalemeang pangalaman hiduik barumahtangga ko tajauh dari raso somboang atau "maajaan itiak baranang". Ambo manikah 1984, dibari titipan anak dek Allah SWT tigo pasang. Sispa (Lk-2, 1986), Rama (Lk-2, 1988), Rima (Pd, 1989), Bunga (Pd, 1991), Hara (Lk-2, 1993), dan Bela (Pd,1995). Jadi, buek komunitas r@ntaunet nan hobi matematika, bisa pulo mampainkan angko-angko kalahiran anakmbo tu. Bayangkan, nikah 11-5-1984, punyo anak partamo 1986, punyo anak bungsu 1995. Barati dalam tempo sabaleh tahun kami dibari titipan 6 urang. Atau, jalehnya dalam 11 tahun nantun, satiok 1 th 7 bl anak kami lahia surang ka dunia nan fana. Alhamdulillah. Samanjak manikahi "amak paja" 1984 s/d 1992 ambo bakarajo di kapa-kapa tanker Pertamina. Samanjak April 1992 s/d 1/8/2010 bakarajo di kantuaPertamina. Tapi, alhamdulillah. Meski ayahnyo "urang kapa", dari anam urang anak kami, hanyo anak No. 2 (Rama) nan lahia (di RS Bekasi, April 1988) kutiko ambo di Dumai, dan No.3 (Rima) nan lahia (di RSPJ, Jakarta, November 1989) kutiko ambo sadang di Singapura. Nan ampek urang lainnyo, alhamdulillah ambo lai hadir kutiko bayi-bayi tu delivery di RSPJ, dan ambo lai maazankan atau mang-qamaik-annyo. OK. Kini awak baliak ka pangka kaji. Baa caro Pak mm maaja anak-anaknyo nan bakapidik (istilah JoDut) atau susun paku istilah Bundo Nis nantun? 1).*Umua duo tahun anak kami pisahkan tiduanyo dari induak ayahnyo.* Pangajaran nangko kami terapkan ka saluruah anak-anak nan kami sayangi nantun. Pas umua duo tahun, tidua di kamar sandiri. Mulo-mulo wanyo memang cangguang, tapi jo sagalo macam caro akhianyo kasado anak kami patuah ko prinsip duo tahun bapisah kamar nangko. (Mamanyo kadang ambo mandongeangan wanyo manjalang lalok, atau mandoa sabalun lalok atau wajib manggosok gigi sabalun lalok malam salalu kami pabuek). 2).*Samanjak Dalita sampai umua SMP Ustadz baimbau ka rumah.* Karano perbedaan umua anak nan tatuo sampai nan bungsu indak jauah-jauah bana, mako kami mamanggia Ustadz (SAg) datang tigo kali sapakan ka rumah kami. Samanjak di ateh limo tahun (Dalita) anak kami alah baraja mangaji. Jadi anak ambo, *balimo**) kakak baradiak diaja dek Ustadz Asman (urang Bekasi) dari mulai alif sagadang balok sampai ka caro sumbayang limo ukatu dan tambahan ilimu Tauhid, Fiqih sarato Tarikh. Labiah anam tahun Ustadz Asman manjadi "bagian dari keluarga kami", dan sangaik banyak pahalo sarato kontribusinyo bake anak-anak kami magenal ilimu Islam basarato pamakaiannyo dalam hiduik. Kami, indak panah basuo lai jo Ustadz nantun,satalah baliau nikah di kampuangyo (Cikarang), 2004 . *3).Wajib makan basamo sameja makan* Kutiko anak-anak kami saumua SD dan SMP, acara makan pagi dan makan basamo ko lai taruih jalan. Tapi, kutiko ambo alah dapek tugeh samakin "barek" di kantua tampek ambo makan gaji, dan acok pulang talambek tibo di rumah (kadang rapek sampai jam pulang kantua, ditambah pulo jalanan Merdeka Timur-Bekasi atau Tanjuangpariuak-Bekasi alah samakin padek dan satiok patang diganja kamacetan nan samakin parah, acara makan malam basamo tapaso ambo cabuik SK-nyo. Iko ado sabaoknyo. Anak kami nan No.5 laki-2 samanjak umua satahun, sampai hari ko dibari Tuhan badan gapuak co dorom. Jadi, sabana tagantuang ka parauik satiok jam makannyo. Karano Papanyo alah mambuek "doktrin" makan malam basamo musti basamo Mama jo Papa satiok habih mugarik, samantaro Papanyo kadang pulang ka rumah dari kantua alah ampiang ukatu Isya, tantu anak-anak alah manggarutuih pulo paruiknyo diansik "kampuang tangah", mako Mamanyo tapaso baduto. Jam 17.00 anak-anak nan "bagantuanng ka paruik" disuruah Mamanyo makan dulu saketek, beko lapeh mugarik makan makam baliak basmo Papa dan Mama. Nah, karabo ambo panah pulo dulu baraja dunia intelijen satu semester, kebijakan Mamanyo ko tacium dek ambo. He he he.... Akhienyo. "paraturan makan musti basamo-samo keluarga" indak bisa lai dilakukan. Talabiah, anak kami alah di SMA. Ado nan pulang sikola basambuang pulo ka kurusuih inggirih di LIA, dan ado pulo nan olahraga basket, futsal dan baranang. Jadi, samakin tinggi sikola anak awak samakin payah mambalakukan paraturan disiplin dasar dalam keluarga nantun. 4)*.Jam baraja malam TV dimatikan total* Karano anak kami "susun paku", kutiko mereka baraja malam hari di meja baraja, di meja makan, di meja tamu, *televisi dimatikan total*. Mamanyo nan kutiko tu panggemar sinetron kacang goreng "Tersanjung", "Opera dari Amerika Tengah" (mungkin Bundo-2 di RN masih takana damam sinetron di TV tahun 90-an akhir atau 2000-an awal nantun?) jo barek hati, karano patuah ka laki tapaso indak bisa manonton sinetron Tersanjung di RCTI ukatu nantun. Tapi ambo purak-2 indak tahu, kadang-2 wanyo manciguak --numpang manonton-- ka kamar Si Mbak di balakang. (Kami, samanjak baranak banyak dipaso kaadaan manggaji Pambantu salalu duo urang. Sampai anak kami nan ka tigo di Universitas, baru Pambantu Rumah, kami pakai sistem datang pagi pulang siang). 5)*Hari Libur, hari "indpendence day" bake anak-anak kami* Mulai Sabtu patang sampai Minggu patang, anak-anak kami sabana ibaraik mandapek durian runtuah. Tabebas dari "paraturan" nan balaku dari mulai Sinayan pagi sampai Sabtu siang. Di sikolah ego masiang-2 kalua. Nan saumua SD jo SMP kadang ribuik di kamar balakang karano indak namuah gantian main PS-2. Nan gadang,kadang bakaruak arang jo adiaknyo karano kaus kaki/sipatu bolanyo (nan kami balian ciek sorang) indak basuo atau dipakai dek "nan indak berhak mamakainyo". Pokoknyo, manjalang anak-anak kami lapeh SMA, rumah kami sabana rami taruih. Talua ayam ---nan dibali Mamanyo utuak serap kalau ado tamu mandadak makan di rumah--- tiok hari musti 1 Kg ludes dipakai anak-anak pandampiang wanyo makan selingan mie instan. 6).*Kini mulai rumah kami mulai langang* Samanjak anak kami No.1 (Lk-2) tamaik UI, 2010 kamudian bakarajo di Jakarta Kota, nan No.2 (Lk-2) manikah jo gadih Palembang tamatan "sastra Japang", 2010, dan No.3 (Pd) tamaik STMT Trisakti, 2011 kamudian bakarajo di Jl.Palatehan Kebayoranbaru, rumah mulai langang. No.4 (Pd) semester tujuah di FK U-Yarsi, nan samanjak kuliah di Cempakaputiah tingga di rumah kos, pulang paliang-2 tiok Sabtu. Nan No.5 FTI-Gundar semester limo alah sibuk jo programnyo sandiri pulo, barulah taraso di kami hiduik tu cuma siklus turun tamurun sajo. Indak taraso, alah 28 tahun ambo mandampiangi "amak paja". Bahkan kutiko Mak Datuak JB from BonJer basuo jo ambo dalam HbH di rumah Bundo Nis Pon-Ind (8/9/12), ambo alah dikatoan baliau pulo kini tidua jo Nenek (karano kami alah punyo cucu laki-2 umua 1 th). He hehee.... Kini kami (ambo jo "amak paja") hanyo manikmati hari-hari "indahnyo jadi urang pensiunan BUMN".....baa supayo kami baguno buek anak manusia sakitar. Bagi ambo, apo sajo bantuak undangan kawan lamo, dunsanak, kawan kantua, atau kawan di "tigo almamater" nan panah mandidik ambo manjadi "urang sarupo hari ko", sapanjang kami disehaikan Tuhan dan ukatu indak kamba, insya Allahkami akan hadiri. Kalau baliak ka kaji sia sabananyo anak awak tu? Mungkin ambo kamancibo maulang baliak (dalam versi Si m.m) syair Khalil Gibran urang Libanon nantun : "Anak angku bukanlah anak angku. Wanyo adolah anak kehidupan. Awak hanyo bisa malapehnyo sarupo panah pakai busur. Tapi..... apokoh panah tu beko tapek ka titiak sasaran di muko atau alah tampieh karano kuaiknyo angin manggaduah panah nantun, tantu awak sarahkan sapanuahnyo bake Nan Kuaso"' Kamudian, untuak maakhiri "sagalemeang curito Pak m.m manggubaloi anam urang titipan Tuhan" ko, ambo raso paralu manggarihi kalimaik di panghujuang ko : Ahmad Tohari nan kabatulan punyo turunan anak padusi sadonyo, mungkin manururik Sanak ANB s-u-k-s-e-s manjadikannyo anak-anak baguno (?). Tapi, nan dipabuek urang tu alun tantu bisa pulo awak tiru. Sabaiaknyo, jadilah ANB sabagai ANB s-a-n-d-i-r-i. Nan dipabuek urang lain buliah diliek, tapi ijan jadi kiblat awak. Kiblat mangkuih tantu sajo nan dicontohkan dek aulia nan manjadi Rakhmat Lil Alamin. Salam dan maf dari Pantai Carita. *mm***** Akmal Nasery Basral lewat<http://support.google.com/mail/bin/answer.py?hl=id&ctx=mail&answer=1311182> googlegroups.com 24 Des (1 hari yang lalu) ke rantaunet Baa caro mendidik anak sehingga menghasilkan remaja Hafiz seperti Ifdal Yusuf itu, Ajo Duta? Mungkin untuk pembelajaran bagi kami nan mudo-mudo nan mamiliki paja-paja ketek, ado ilmu nan bisa dibagi oleh Ajo Duta jo pada bundo, mamak, datuak, cadiak cendekia di palanta ko. Mukasuik ambo bukan ajaran normatif, tapi nan dilaksanakan di rumah masing-masing sajak anak-anak masih ketek. Semoga Ajo Duta,.................. Mak MM***, .................... Mak Muchlis ........ dll (mohon maaf nan namo indak tasabuik) mau berbagi pengalaman. Ambo ado lo kisah menarik dari Pak Ahmad Tohari (sastrawan penulis trilogi "Ronggeng Dukuh Paruk" dan salah satu Kiai NU) dalam membesarkan anak yang ingin ambo sharing. Tetapi setelah mendengarkan pengalaman para senior di palanta ko lebih dulu. Wassalam, Akmal N. Basral -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
