Ajo Suryadi,
Nagarinyo sabana elok, sabana asri dek keterisolirannyo. Sayang ambo indak bisa lamo-lamo disinan sabab hanyo 2 hari nan bisa dipakai untuak babelok pulang pai untuak ka Garabak Data, Batu Bajanjang & Rangkiang Luluih manamui wali nagari, guru kapalo, guru-guru sarato manamui kabag Dinas Pendidikan Kab. Solok di Koto Baru. Itupun mak Duta sempat pulo ditanyo dek perantau Minang USA nan lainnyo baa harus sampai 2 hari pulo pulang pai maninjau nagari tun. Akhianyo, bantuan seragam sikolah dialihkan ka nagari Sungai Baringin Kec. Palembayan Kab. Agam dek marupokan nagari asa salah satu perantau dari Minang USA. Gubernur Sumbar Irwan Prayitno Dt alah sampai ka ranah Tigo Lurah ko babarapo wakatu nan lalu, baitu pulo Pemkab Solok dalam kesempatan nan babeda alah pernah bamalam di nagari ko. Kaba terkini, Pemprov jo Pemkab sadang maansua-ansua perbaikan jalan dari jalur rute Sirukam. Sadangkan dari jalur Talang Babungo sadang diansua pulo tambuih ka Kiliran Jao. Batang aia disinan sabana janiah, nan banyak tadapek batu nan gadangnyo iyo sabana gadang nan bisa mancapai sagadang rumah nan tasusun elok di sapanjang batang aia. Wakatu di Rangkiang Luluih, lai sempat istirahat sabanta dek latiah taguncang-guncang di dalam oto dek jalan nan memang buruak. Ambo sempatkan agak sajamang mangodak hamparan sawah ditapi jalan. Fotonyo bisa dicaliak pado link di bawah nan ko (mohon maaf indak bisa ambo upload ka milis nan ko dek koneksi internet nan agak sayuik). http://www.fotografer.net/galeri/galerix.php?id=1803287&i=5 Manuruik ambo pribadi, iyo bagak bana peneliti Bulando tun, sabab nagari ko sampai kini tasabuik upeh racunnyo. Salain itu, lokasinyo memang ditangah-tangah rimbo pakek nan sabana laweh nan tantu sajo masih banyak binatang lianyo. Mangenai upeh jo racunnyo, kok balain saketek kurenah kito wakatu barado di nagari - saroman mamandang agak lamo ka anak gadih/bini urang di sinan, iyo baterai saketek apo nan tabao di badan. Umumnyo, satiok nagari di ranah minang nan lokasinyo agak tasuruak dari jalan lintas, iyo banyak tadapek upeh jo racun ko. Kudian, setelah pembangunan menyentuh wilayah di nagari-nagari, sacaro baransua-ansua hal iko pudua di nagari-nagari pelosok ko. wasalam AZ/lk/35th/caniago Sawah Tongah, Kubang sadang di dangau ________________________________ Dari: Lies Suryadi <niadil...@yahoo.co.id> Kepada: "rantaunet@googlegroups.com" <rantaunet@googlegroups.com> Dikirim: Selasa, 9 April 2013 4:11 Judul: Bls: [R@ntau-Net] Mohon info tantang NAGARI GARABAK (DATA), khususnyo dari Dinda Armen Z. Dinda Armen, Tarimo kasih banyak ateh penjelasan dan rinci dari Dinda. Ambo liek kodak lamo ko ado batang aia tampak. Janiah aianyo. Ruponyo daerah Garabak data dan sekitarnyo ko pernah disurvei dek Ulando dulu. Namo2 kampuang nan Armen sabuik'an tu sabagian dicatat dalam buku Centraal Sumatra Expeditie thn 1877-1879 tu. Ambo cubo mauleh kodak tu dan manyambuangkannyo jo carito Armen ko. Kok dikana2, lah ampia 150 tahun sajak dijajak dek para peneliti Ulando, rupo e nan nagari Garabak Data ko tatap juo masih terisolir. Wassalam, Suryadi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
