Pak Dunil dan Dunsanak Palanta NAH. Soto Ambo ciek. Carito tantang Boluik nan dulu pernah Ambo lewatkan di siko.
> Manyuluah Boluik > Bahaso awaktu memang kayo alias bamacam-macam. Beda nagari babeda pulo > bahasonyo. > Di kampuang kami “Tanjuang Barulak”, huruf kaduo a diganti jadi o. Contohnyo > gadang jadi godang, baluik jadi boluik, ganti jadi gonti dll. > Maota tantang boluik, ambo tabayang-bayang caro mandapekan boluik wakatu di > kampuang yaitu manganyie, maluka dan manyuluah. > Kalau manganyie biasonyo kami pakai umpan loncek (katak) kenek atau caciang. > Nampaknyo baluik lobiah katuju loncek dibanding caciang. Indak tau ambo > alasannyo ha ha ha > Manganyie boluik bamasuakan kanyie ka lubang sambil diimbau > det..det...det..(Lidah ka langik-langik). Baa kok baimbau ?. Indak dapek pulo > ambo manjaweknyo. Urang lain maimbau, awak maiumbau pulo ha ha ha. > Nan paliang rancak manganyie sasudah manggali pangkuan (tobiang pamatang > sawah dibarosiakan) karano jaleh nampak lubang boluik. > Mangali pangkuan dilakukan wakatu sawah dironcah yaitu jawi atau kobou > bajalan-jalan dalam sawah nan alah dibajak. Sasudah marocah adolah malindi > yaitu mandatakan sawah sabalun ditanam. > Malindi adolah karajo mangasikan untuak anak-anak karano anak-anak naiak ka > ati palindian sambil dielo jawi godang atau kobou. > Jaman kini, la jarang urang mambajak, maroncah dan mallindi pakai jawi atau > kobou. Manggarap sawah la digonti dek kobou Jopang alias traktor. Traktor > bisa mambajak, maroncah dan malindi. > Doeloe, mambajak, maroncah dan malindi dilakukan bagotong royong. Mamak > baintegrasi jo kamanakan. Kalau kamanakan male, dioriaknyo awak dek mamak. > Sabana takuik awak ka mamak. > Kini ko sajak sawah pakai traktor, iyo la jarang mamak jo kamanakan bakarojo > basamo-samo. > Efek kamajuan jaman. Ado positip dan ado negatifnyo. > Baliak awak ka ota manangkok baluik. > Caro kaduo maluka. Boluik bisa masuak luka, tapi indak bisa kalua. > Ta pikie dek amb. Jangan-jangan bantuak tanah ngantong ( ketek dimuko, godang > di belakang) katuju bona dek rang Cino. Ta inspirasi dari luka. Keceknyo, > tanah ngantong “kalau rajaki la masuak susah kaluonyo” ha ha ha. > Kini awak kambali ka pokok kaji “Manyuluah Boluik“. > Peralatan untuak Manyuluah Boluik adolah : Lompu Obor atau Strongkeng > (Petromax). Ladiang maja dan kampia. > Manyuluah boluik kami karajokan sasudah pulang mangaji dari Surau. Mambawo > suluah (obor) karano indak tolok mambawo Petromax. > Manyuluah boluik dengan caro bajalan-jalan malam hari dalam sawah nan la > sudah balindi. Aie sawah jonia sahinggo nampak boluik nan sodang lolok. > Boluik nan lolok ditokok pakai ladiang maja. Boluik tasopik dek ladiang baru > ditangkok jo tangan. Kalau manokok talalu kuek, putuih boluik jadinyo. > Manyuluah boluik biasonya bisa sampai jam 3 (tigo) atau jam 4 (ompek) subuah. > Sasudah Manyuluah Boluik, bisuak awak makan lomak. > Ado goreng boluik balado. > Nan paliang sero tantunyo “Rondang Boluik” Nyam…..nyam…. > Lai ado di kampuang Bapak, Mamak, Adiak Manyuluah Boluik ? > Salam Reflus Sent from my iPad On 3 Jul 2013, at 10:28, Zaid Dunil <zdu...@gmail.com> wrote: > Assalamualaikum ww > > Sanak sapalanta n a h tautamo penggemar mamapeh > > > > Re : mamapeh baluik > > > > Sajak ketek katiko masih Sakolah Rakyat klas 5 sekitar tahun 1955, ambo hobby > bana mamapeh baluik . Wakatu itu masih tingga di Alang Laweh Padang. Indak > jauh dari rumah ambo ado sungai mangalir , aia nyo kuniang dan tapi sungai > itu banyah atau becek.Di tapi tapi sungai nan becek tu banyak bana lubang > baluik. Di sungai nyo bana, banyak lo ikan puyu jo ikan bakok (gabus, > rutiang). Walau acok mamapeh ikan puyu jo bakok, tapi ambo labiah sanang > mamapeh baluik. Ado raso nan babeda mamapeh baluik jo mamapeh ikan. Mamapeh > baluik ko awak labiah ‘exiting ‘rasonyo. Tali papehnyo cukuik nilon > sapanjang 50 cm. Ujung tali dipasang mato kaia dan ujuang ciek lai di kabek > an ka sakarek kayu untuk pegangan. Sehinggo katiko maelo papeh nan dimakan > baluik tu mantap mamacik nyo. Umpannyo caciang nan mudah dicari di sapanjang > tapi sungai tu. Sasudah umpan dipasang , dicarilah lubang baluik nan banyak > bana di sepanjang tapi sungai nan lanyah tu . Umpan dimasuak an kalubang > baluik tu, dan awak mancapak capak lu saketek cuuc cuuc cuuc … indak lamo > manunggu doh kok ado baluiknyo umpan tu pasti disembanyo. Didiamkan > sabanta, lalu dielo lambek lambek, kalau la taraso kareh , baru dielo > kancang. Mako baluik tu langsuang tacabuik dari lubangnya dan manggalepa > manggaleong di papeh awak tu. Iyo sanang dan sero rasonyo . Malapehkan papeh > dari muncuang baluik tu indak lo gampang do. Wakatu itu ambo takuik takuik > barani lo mamacik baluik tu. Jadi tapaso baluik tu diampeh an dulu ka tanah , > baru mato papeh bisa dilapeh an. Sakali mamapeh baluik tu bisa dapek sapuluah > sampai limo baleh ikua dalam wakatu satu jam. Cuma ambo indak suko masakan > baluik , sahinggo kawan nan samo mamancinag jo ambo nan barajaki. > > Wakatu dinas di Gorontalo, tanyoto ado lo kawan nan suko mancari baluik . > Disitu namonyo sugili, beda jo baluik di awak. Ditampek awak baluik tu hanyo > sagadang ampu kaki, panjangnyo 30 sampai 50 cm, warnonyo kuniang ka coklatan. > Sugili ko sampai sagadang batih, warnonyo hitam , dek badannyo kasa nampaknyo > labiah pendek, panjangnyo sekitar 30 sampai 4o cm sajo. Wakatu diajak kawan > tu mancari sugili ko ka pedalaman kabupaten Gorontalo, di sungai sungai ketek > dakek hutan hutan disitu. Ambo batanyo; ‘apa umpamnya’? ?. Nyo jawek dek > kawan tu , “gak pakai umpan pak , pakai obat dan pakai tombak trisula”. Ambo > indak talalu mangarati , jadi ambo ikuik an sajo. Suguli ko iyo basarang di > tapi tapi sungai pulo, lubangnya iyo gadang kiro kiro sagandang galeh. Jadi > lubang tu diagiah nyo ‘ubek’ putiah sagadang sabutir jaguang, sudah tu nyo > basiap jo tombak bacagak tigo dari kawek basi nan tajam. Indak lamo sasudah > itu iyo kalua sugili ko sarupo kasetanan dek mabuak kanai ubek tu, barulah > nyo hunja jo tombak trisula tu. Saikua sugili tu bareknyo kiro kiro antaro 8 > ons jo sakilo. Iyo gadang, indak talawan dek baluik awak soal gadangnyo doh. > Tarnyato nan dimukasuik kawan tu ‘obat’ adolah Potas, nan indak bulieh > digunokan karano bisa menyebabkan pencemaran dan mematikan biota lain yang > bisa marusak lingkungan. Walaupun baburu sugili tu mengasyikkan tapi cuma > sakali tu hanyo ambo ikuik mancari sugili jo kawan tu, sudah itu labiah > banyak mamapeh ka dermaga di Pelabuhan di Gorontalo sesudah maghrib, mamapeh > aso aso jo babara. > > Wassalam, > > Dunil Zaid , 70, Kampuang Ujuang Pandan Parak Karambia, Padang. > > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, yang melanggar akan dimoderasi: > * DILARANG: > 1. Email besar dari 200KB; > 2. Email attachment, tawarkan & kirim melalui jalur pribadi; > 3. Email One Liner. > * Anggota WAJIB mematuhi peraturan (lihat di http://goo.gl/MScz7) serta > mengirimkan biodata! > * Tulis Nama, Umur & Lokasi disetiap posting > * Hapus footer & seluruh bagian tdk perlu dlm melakukan reply > * Untuk topik/subjek baru buat email baru, tdk mereply email lama & mengganti > subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > --- > Anda menerima pesan ini karena Anda berlangganan grup "RantauNet" dari Grup > Google. > Untuk berhenti berlangganan dan berhenti menerima email dari grup ini, kirim > email ke rantaunet+berhenti berlangga...@googlegroups.com . > Untuk opsi lainnya, kunjungi https://groups.google.com/groups/opt_out. > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
