Dek maota masalah lauak iko, ambo cubo manyigi di
google tantang lauak-lauak nan ambo kenal wakatu masih
di kampuang.
1. Ikan Puyu
Bahaso Indonesia-e "ikan betuk". Bahaso inggirih-e
"climbing perch". Di Australia, ikan iko dilindungi,
jadi indak buliah digoreng masiak doh. Di Bulando,
ikan iko jadi piaroan di akuarium. Harago eceran-e EUR
7.00 (sekitar Rp 90.000 saikua)! Kok bisa awak
maekspor puyu nan sahambuah di sawah2 di kampuang jo
harago EUR 1.00/ekor, bara banyak devisa nan masuak tu
hah!
Puyu memang lamak digoreng kariang. Mungkin dek ampia
sadoalah-e nan bisa dikudok-e langsuang se dimakan dek
puyu tu, mulai dari caciang, anak koncek sampai
"zirit" urang. Walau ukuran-e kenek, tapi kalau
mamapeh puyu iyo sabana lasuah dek tarikan-e mantap
sabana "semba puyu". Ado mamak ambo di kampuang nan
terkenal gadang ota, sakali wakatu we-e maota di
lapau, "tadi aden nampak puyu mangecepak di sawah,
langsuang putuih pamatang sawah dibuek-e!"
2. Ikan Rutiang
Di Padang disabuik "bakok". Bhs Indonesia-e ikan
gabus. Bahaso inggirih-e 'snake-head fish' dek
kapalo-e takah kapalo ula. Ado film thriller nan
berjudul Snake Head mancaritokan ikan iko bisa gadang
dan mamakan urang nan baranang di danau. Jenis rutiang
iko tamasuak buas jadi indak buliah masuak ka Amrik
sebagai ikan aquarium. Larangan nan samo jo ikan
piranha. Tapi kok bisa awak manyelundupkan ikan iko ka
Amrik, sabana banyak dolar nan bisa ditangguak.
Rutiang terkenal baparangai buruak dek makan anak
surang. Tapi kawan ambo nan di Fak. Perikanan IPB
pernah meneliti bahaso-e rutiang iko indak saburuak
itu bana parangai-e doh. Kok iyo ikan iko pamakan
anak, niscaya alah punah ikan iko sajak dulu dek
satiok baranak dimakan-e anak2 tu. Rutiang tu makan
anak dek karano we-e tahu lingkungan sekitar indak
mendukuang kelangsungan hidup anak2 itu doh. Mungkin
banyak predator takah puyu atau limbek siap melahap
anak2 ikan nan kenek-kenek itu, mungkin dek suhu air
indak mendukung perkembangan anak2-e. Karano itu,
induak rutiang tadi langsuang manyantap anak2-e,
daripado ikan lain nan malanyau.
3. Ikan Pantau
Ukuran kenek-kenek sagadang bada. Ado nan manyabuik
"kapalo senter". Bahaso Indonesia-e "ikan seribu".
Bahaso inggirih-e "guppy". Banyak dipeliharo di
akuarium. Tapi varietas nan dipeliharo di akuarium itu
hasil kawin silang dari babarapo varietas sahingga
warna-e labiah rancak, ikua-e agak gadang dan
warna-warni.
Indak banyak nan mamakan ikan iko dek sisiak-e banyak
bana. Tapi ikan iko efektif ditanam di banda-banda
untuak mengontrol ulek rangik.
Ikan pantau (guppy) cukuik potensi juo untuak diekspor
sbg ikan akuarium.
4. Limbek
Bahaso Indonesia-e "lele". Bahaso Inggirih-e "catfish"
(ikan kuciang) dek basisinguik. Tapi catfish nan dijua
di supermarket di Amrik mungkin labiah tapek jenis
ikan patin (masih satu famili jo limbek).
Limbek nan laku untuak akuarium adolah jenis albino
(limbek putiah). Kalau untuak dimakan, ambo labiah
suko limbek daripado ikan patin.
____________________________________________________________________________________
Never miss a thing. Make Yahoo your home page.
http://www.yahoo.com/r/hs
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
