Uda Nofend, sarato saganok sidang nan duduak di palanta ko..
Sato lo wak ciek tantang ikan Rutiang tu. Kalo dikampuang ambo Rutiang tu disabuik KIUANG. Sadangkan nan labiah ketek disabuik jo Bakok. Kiuang go labiah favorit dari pado Bakok karano ukuaran badan e labiah gadang, dagiang e labiah banyak. Nan lamak bana Kiuang ko disalai atao dalam istilah e ditampek ambo juo KIUANG MASIAK. Digulai jo asam durian atau tempoyak kecek urang Palembang sabana badaceh, sangaik padeh sasudah makan muluik nun bisa weh..weh,,dek manahan padeh. Apolai kok dapek jariang mudo ka dipagatok. Harago Kiuang tu labiah murah dari pado limbek. Tapi kalo di Batam ko ambo caliak harago e labiah maha pado limbek. Mungkin disiko banyak nan suko jo Ikan Kiuang ko, sahinggo harago e naiak daun. Ado ciek lai namo e SITUKAH, bantuak e bantuak BAUANG, indak basisiak, panjang labiah kurang 10 cm sangek e tigo. Disampiang kida kanan samo dikuduak e. Tapi nan iko ko susah mancari e, sakali mamapeh alun tantu lai dapek sikua lai. Nan katigo dikampuang ambo juo namoe Inguik-Inguik. Bantuak e bantuak Bauang tapi ukuran badan ne labiah kaciak. Sagadang gadang jari urang gadang ( bukan urang gadang Bukik Tinggi ). Dek kaciak e, taraso bana banyak tulang e. Biasoe kalo di pasa pasa dijua alah kariang ( MASIAK ). Mamasak e digoreng kariang, jadi karupuak sadoalah e. Dimakan badaruak daruak sampai kapaloe pun talok dikunyah. Kreesss kreesss,,,, bunyi e… Seprinaldi,St.M.Mudo, (L.33.plng) ----- Original Message ----- From: Nofend St. Mudo To: RantauNet@googlegroups.com Sent: Thursday, March 06, 2008 12:40 PM Subject: [EMAIL PROTECTED] Re: Balasan: Re: Banostalgia Ikan --Potensikah Sumbar utk pariwisata lauak ?? Ambo alun basuo persamaan kato Ikan Bakok ko jo Ikan-ikan dalam bahasa Indonesia lai. Tapi nampaknyo ikan bakok ko hampia samo jo Ikan Gabuih (Gabus), cuman bedanyo nan nampak diambo, Ikan gabuih nan ambo liek seperti diseputaran Jakarta mainnyo banyak di ayia kotor (mungkin dek jakarta aianyo kumuah kali) sangek banyak, tapi masyarakat ndak baminat juo maengkonsumsi do. Mungkin ikan iko sejenis juo jo ikan Toman (Giant Snakehead), tapi ikan toman gadang-gadang dan ganas, kalau Bakok, samo wak danga bagak juo, keganasannyo dek makan anak2 ikan atau anaknyo, tapi dikampuang awak nampaknyo relatif ketek2 ukurannyo. Mengenai Potensi untuak Wisata Lauak, nan nampak diambo awak iyo kurang. Tapi antah lah kok indak tau Indak ado nan terkenal sarupo Ikan baka di Makasar, Aceh tampek mbo kini, atau Ikan baka di Utara Jakarta ten, tapi iko untuak Ikan Lawik. Salam --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---