Assalamualaikum warahmatullahi wabarakatuh, Tarimo kasih kito ka Angku Taufiq Rasyid, tabayang-bayang diambo kini bubua cido tu.
Satantangan "minyak pisang" tu di amak ambo namonyo "tangguli pisang kalek". Caro mambueknyo ambo caliak, iyo pakai daun tabu. Pisang kalek tu jo kulik-kuliknyo diremeh-rameh pakai daun tabu nan kasek, labiah tajam kasek dari daun pisang, sampai tabik tanggulinyo saroman nan ditarangkan Angku Taufik. Amak ambo saisuak sanang mambueknyo. kadang-kadang ambo sato lo manolong mak marameh-rameh daun tabu jopiangkalek tu, karano ayah sanang bana maminum tanggulinyo jo "dadieh iduik" sabagai minuman pagi. Dadiah iduik ko susu jawi nan masih segar, baru diparah, alun pakek lai. Nah, tangguli pisang kalek jo dadiah iduik ko iyo bana katuju di ayah. Kalau ayah minum tu liau taruih galak nabi sambia mangucapkan Alhamdulillah tambah komentar "Aaa, iko nan ubek!" Ambo taruih sato minumnyo, manih, segar, lamak, unik rasonyo. Ayah ambo sabana indak suko jo ubek-ubek kampuang nan paik-paik, jan disabuik ubek paik "sidukuanganak" dakek baliau. Kok sakik-sakik saketek liau labiah suko pai ka dotor ka pasa dari pai ka dukun, walaupun dotor cuma maagiah "pel Banduang" pel kina paik pakai tapi coat gulo di lua. Satu-satunyo ubek kampuang nan liau suko cuma itulah, "Tangguli Pisang Kalek jo Dadiah Iduik" ko. Kini, tampak-tampak tabayang-bayang ayah galak nabi minum ubek kasukoan liau tu. Takana Ayah jo Bundo. Mudah-mudahan baliau kaduonyo tatap dilindungi Allah Subhanahuata'ala dalam kedamaian hidup di Kampuang Akhirat. Ambo doakan sapanjang maso. Amin Ya Rabbilaalamiin ... Salam, -- Sjamsir Sjarif Kal --- In [EMAIL PROTECTED], "Nofiardi" <[EMAIL PROTECTED]> wrote: > > Manyalo stek mak > Mukasuik mak Sutan Rajo Ameh ko : Pisang kalek dirameh jo daun Tabu menjadi Minyak Pisang. > NRM > > -----Original Message----- > From: RantauNet@googlegroups.com [mailto:[EMAIL PROTECTED] On Behalf Of Rasyid, Taufiq (taufiqr) > Sent: Tuesday, March 25, 2008 4:14 PM > To: RantauNet@googlegroups.com > Subject: [EMAIL PROTECTED] Re: Bubua Cido > > > Ambo indak tau pasti apo nan dimukasuik iko samo . Dulu sangkek kami ketek2, nenek kami suko mambuek bubua yang keceknyo bubua cido juo. > Nan acok dibuek kalau kami lah talalu banyak main atau panek karajo. > Bubua itu dari bareh biaso+ puluik nan dicampua pisang kalek lah ba rameh. Selain itu ado bumbu pamasak (ambo indak tau pasti apo samo jo pamasak sup dagiang). > Mungkin dek karano pamasak itu, sudah makan bubua angek malam ka lalok ,iyo tabik paluah dek inyo walau Kiktenggi itu dingin, paginyo sabana segar badan rasonyo. > Kadang bubua itu dimakan pulo baliak untuak sarapan pagi bahkan rasonyo makin mantap labiah segar tapi paluah indak kalua lai. > > Selain itu pisang kalek tu kalau dirameh jo daun pisang ( mungkin supayo indak maleh malieknyo yang agak gaca kalau dirameh). > Sasudah babarapo lamo dirameh keluar cairan bening nan dinamokan minyak pisang. Dengan tambahan bumbu pemasak tertentu. Bisa menjadi obat penghilang letih. > > Mungkin macam Extra Joss kini. sabab ambo alun pernah mancubo Extra joss dan yang sejenisnyo itu. Tapi kalau minyak pisang buatan Nenek sabana mantap raso jo khasiatnyo. > > Itu yang tau ambo soal bubua nan lamak tapi berkhasiat > > Wass > TR --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---