Ma sagalo adidunsanak jo anak kamanakan di salapan pinjuru angin,
Assalamu'alaikum wr. wb. Dek lah agak barangah sahari duo di dangau pulang malala jadi jururawek induak bareh dan dalam sahari duo tu lah diansua pulo manyiangi parak jo sawah nan lah sabulan labiah tingga ndah bauruih, kini ka ambo ansua baliak manaruihan gotong royong mangumpuakan buku untuak kito sumbangkan ka Perpustakaan Proklamator Bung Hatta Bukittinggi nan lah kito muloi duo tigo bulan nan lalu. Sampai kini alun ado lai tambahan, tantu dek komunikasi antaro adidunsanak jo anak kamanakan jo ambo juo tagaduah. Kok masih ado nan baniaik ka manyumbang, lah buliah dikirimkan ka alamaik dangau ambo Jalan Sitawa 25, Tabing, Padang. Jan lupo manyurek-an nomor talipon ambo 0812 6600 639 atau 0815 3537 3437. Indak ambo agiah nomor talipon rumah dek dangau acok bapasak (kok sadang bapasak, tukang poih atau TIKI lah paham bana kama musti nyo pitaruahan,yaitu, ka tetangga sabalah, no 27 atau 30). Partamo dek alasan nan cako, nan kaduo dek ambo masih manampuangan tangan jo nyiru, supayo jumlah buku nan lah taonggok disuduik dangau batambah snek lai, sahinggo ndak sagan bana ambo ka Pak Walikota manyarahan nan relatif sangenek ko, paket dan nan dibali jo pitih nan ditransfer dek adidunsanak jo anak kamanakan ka ambo, alun baawai-awai lai doh. Sia adidunsanak jo anak kamanakan nan ka manambah go aaa? Duduak manih basaba ambo mananti. Salam, mak Sati (L. 71+0+25) Tabiang --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
