Maa Angku Tan Ameh sarato Adudunsanak kasadono, Assalamu'alaikum warahmatullahi wabarakatuh,
Tarimo kasih. Kadang-kadang ambo pun heran, kalau lah manyabuik pajalanan-pajalanan. Umumno pajalanan-pajalanan marancah Kampuang Halaman ko mambakeh bana di ambo sabagai sabingkah kisah dalam Pandidikan Kuliah Kerja Nyata salamo 3 tahun 1958-61. Kok diagak- agaki di antaro urang nan "kalua" mungkin ambo nan paliang panjang jalan kaki marancah kampuang-kampuang, rimbo, lurah, jo gunuang jo lauik badai ditugehkan sampai ka Bukik Siguntang di Palembang sampai ka Natal ka Hutatinggi di Puncak Gunuang Sorik Marapi di Mandahiliang. Panjang carito, tapi adolah kisah nyata, kisah pribadi. Ambo indak dalam pasukan. Sabalun Padang diserang 17 April 1958 kami di Bukittinggi direkrut Pak Dahlan Djambek jo Pak Natsir sabagai anggota Staf Penerangan Mahasiswa Sumatera Tengah; anggota cuma 9 urang. Baranam kami dikirim ke Sumatera Selatan untuak menemui pemuka-pemuka pejuang di sana. Barangkek dari Bukittinggi tanggal 13 April 1958, sampai di Lubuak Linggau tanggal 17 April 1958. Di sinan ambo mandanga siaran radio, Padang ditembaki dan diduduki pusek. Bacucuran aia mato namun tugeh ditaruihkan juo salamo duo bulan. Nan baliak ka Sumatra Barat kami barampek. Tim kami nan terakhir cuma batigo, Sjofjan Asnawi (alm) Padang Lua Banuampu. Ridwan Asky (alm) anak Medan, ambo. Sjofjan tapisah pulo di Talu karano indak talok lai, tinggalah ambo baduo jo Ridwan taruih maharuangi Lauik basa dihampeh ombak jo badai dari Aia Bangih ka Natal. Dari sinan kami didispatched pulo baliak ka Talu. Main kuciang-kuciangancari-carian dalam rimbo sabana asyik. Taruih ka Selatan ka Lintau manguliliangi Solok arah jarum jam dari Sulik Aia ka Aia Angek Batu Kuali,di Gunuang Talang, mayaksikan penghadangan dan pambakaran rumah besar- besaran dek Pusek di Kubu, dakek Aia Sirah. Taruih ka Gantuangciri, Saning Baka, Aripan baliak ka slik Aia taruih baliak lo ka Utara. Ambo jo Ridwan satu tim nan dikagumi Pak Natsir jo Pak Dahlan Djambek, kama disuruah kama pai. Kami dapek previlij kenal batamu muko dan dapat nasehat-nasehat dari para petinggi perjuangan. Dalam pajalanan kami, walaupun kami cuma baduo, kami dianta dikawal urang rundo sacaro estafet nan tahu liku-liku jalan ditampek masiang- masiang. Dalam pajalanan kami aindak lupo jo Allah Subhanahuata'ala tampek kito basarah diri mamintak jalan Ihdinassiraatalmusraqiim. Ambo sangat batarimo kasih banyak baraja dari urang-urang rundo manjago kesalamatan kami di bawah Lindungan Ilahi, sambia bajalan, papatah, pantun, carito-carito nagari mereka setempat. Unjuik kami disandang urang rundo, buliah dikatokan kami batungkek sajo. Ditarimo dan dilapeh dek pamuko-pamuko satampek saroman 'vip' lah namonyo. Tiok ditampek nan dituju maadokan partamuan khusus pemuka setempat, dan umum di musajik-musajik mambeberkan barito angek wakatu itu. Sakitulah dahulu, panjang carito. Itu satu babak kecil garis besarno sajo. Kok dikana-kana, suka-dukano, sabana angok balabiah nan ambo bawo-bawo kuliliang dunia ko. Takana kawan-kawan nan lah daulu, jatuah badarai aia mato. Tanggal 18 April 2008 ko imsyaAllah ta'ala pukua anam pagi ambo ka baranang panjang pulo lai 74 laps (74x50 yards) nan jumlah lapsnyo samo banyak jo umua +1 panjapuik ciek lai tahun datang. Tolong doakan, 74 laps non-stop tu baranang kiro-kiro sapanjang jalan dari Simpang Biaro ka Simpang Limau Hotel Pusako (jalan Bukittinggi- Payokumbuah). Salam, --MakNgah Sjamsir Sjarif --- In [EMAIL PROTECTED], "Tasril Moeis" <[EMAIL PROTECTED]> wrote: > > > Ambo sabana ta kagum2 jo ta heran2 jo Mak Ngah ko, marantau lah puluah taun > kanagari nan di baliak bumi pulo li, tapi perjalanan jo pangatuan baliau jo > dari kampuang ka kampuang di nagari awak ko sabana ruaarrr biasa. > Baa caro no tu Mak Ngah, mungkin Mak Ngah punyo catatan perjalanan dan rapi > pulo arsip no. > Kami di Indonesia ko sadang maota siang namo no, kalo di Santa Cruz maota > tangah malam yo Mak. > > Nofend, batua bana Kubu tu indak kuburan doh. > > Tan Ameh > ----- Original Message ----- > From: "hambociek" <[EMAIL PROTECTED]> > To: <RantauNet@googlegroups.com> > Sent: Friday, March 28, 2008 1:00 PM > Subject: [EMAIL PROTECTED] Tambah tanyo Re: [EMAIL PROTECTED] Re: Arti kato. > > Rancak lo awak duduak-duduak maota basamo ko yo? Macam-macam nan > takana, kalua. Ambo nan sanang jo pamainan kato-kato dan manjalajah- > jalajah ko sajak ketek, kini lah gaek tambah sanang pulo. Samantaro > kito carikan nan boneh-boneh aratino bialah labiah dahulu ambo sato > peloki saketek-saketek nan ukan-ukan. > > Kubu, bukan kuburan. Kubu aratino benteng caro kini, atau fort kecek > Rang Ulando jo Rang Inggirih. Hampia tiok nagari atau supranagari > punyo kubu-kubu nan penting. Kubu-kubu tu biasono ditanami paga aua > baduri kuliliang. > > Antaro Banuampu jo Ampek Angkek misano, nan tahu ambo ado tigo Kubu, > lah ambo lalui katigono, duo nan takana namono, Kubu Tapi jo Kubu > Tangah. Katigono tampakno sabagai bateh Barat Ampek Angkek - > Banuampu - Kurai. > > Wakatu Parang Agressi Bulando kaduo 1948-49, ado Pakan Akaik di > Banauampu nan dijadikan "Pasa Darurat" karano awak indak dapek ka > pasa Bukittinggi nan diduduki Bulando. Allahurabbi ramino Pasa > Daruruat tu waktu itu. Kami urang-urang Ampek Angkek Canduang bajalan > ka Pasa Darurat tu malalui Kubu Tapi. > > Anaro Lasi jo Bukik Batabuah ado lo Kubu Apa, sabagai bateh Selatan > Ampek Angkek. > > Antaro Canduang jo Balai Gurah ado lo Kubu ciek, talatak di Batang > Aia Tumbuak titiak bateh tigo antaro Balai Gurah - Koto Marapak > (Pinggir Koto Hilalang) - Canduang. Dalam maso parang sudaro 1958-61 > ambo pun acok malinteh Kubu ko, walaupun tangah malam buto bapiciang > mato jaleh di ambo. Iko marupokan Kubu bateh Timur Ampek Angkek. > > Antaro Panampuang - Koto Baru - Kapau ado lo Kubu. Iko ambo anggap > sabagai bateh Utara Ampek Angkek. Ambo pun lah acok pulo main-main ka > sinan maso ketek. Jadi sabagai Urang Ampek Angkek ambo tahu bana > lokasi Kubu-Kubu tu. > > Kalau Urang Kubu, ambo anggap mereka tu Pahlawan-pahlawan pembela > Kerajaan Minangkabau maso dahulunyo. Karano tatap manjago Kubu > sunduik basunduik, indak tahu baa pakambangan di lua di pusat budaya > nan bakambang. Bandiangkan sajo kok Urang PRRI balaruik-laruik dalam > rimbo, pasti manjadi'urangkubu' saroman kaadaan Urang Kambodia nan > direkrut urang lua masih baranak pinak 40 tahun sampai kini dilupokan > ditelantarkan pangasuik lua nan punyo ulah nan patangko ambo > postiangkan pulo di Lapau. > > Manganai Pasia nan Angku Tan Ameh sabuik antaro Kototinggi (Gunuang > Ameh) jo Paluapuah (Agam) tu lain jo Pasia Ampek Angkek nan disabuik > Angku Lembang. Ambo lah jalajah jalan-jalan Kototinmggi - Palupuah > tu, kalau Pasia Ampek Angkek tampek main ambo maso ketek. > > Sakitu dulu sakadar paluruih pameloki ota. > > Salam, > --MakNgah > --- In [EMAIL PROTECTED], "Nofend St. Mudo" <nofend@> > wrote: > > > > Sato lo stek Mak tan Ameh. > > > > "Kubu" ko, kalau ndak salah asalnyo dari Kuburan, antah kuburan nan > barasa > > dari kubu. > > > > Sarupo nagari Kubu Rajo, mungkin siko (dulu) kuburan para rajo. > > Tapi antah lo lah, suku anak dalam atau urang rimbo, disabuik juo > di nagari > > awak "urang kubu" > > > > Rasonyo dari sejarah, meraka bukan urang di lokasi kuburan, tapi > urang awak > > nan tasasek zaman dulunyo. > > > > Tapi bisa jadi juo, suku kubu diagiah dek urang awak dek karano > hilang, > > alias dek lah ta kubua. > > > > Antagkah..... > _____ > > > > From: RantauNet@googlegroups.com > [mailto:[EMAIL PROTECTED] On > > Behalf Of Tasril Moeis > > Sent: 28 Maret 2008 11:26 > > > > Wa'alaikumsalam Wr. Wb. > > > > Mak Lembang tetangga ambo, > > > > Kalau carito urang Parabek tu asa no dari parak ubek. > > > > Ado lo ciek nan menarik, di Banuhampu ko tiok2 suduk nagari ado > kamuang nan > > banamo Kubu, kalau ambo ndak salah ado 5 kampuang nan banamo Kubu > ko. Konon > > dulu no tampaik pertahanan nagari2 ko. > > > > Takana lo baliak taun 75, ambo pernah jalan kaki sari Koto Tinggi > Pikumbuah > > ka Palupuah liwaik Pasia ko. Cuma lah lupo kampuang apo sen nan > ambo lalui > > wakatu tu. > > > > Tanyo ciek, Mak lembang di Total ko ciek departemen ndak jo mamak > rumah ambo > > Iskandar Umar. > > > > Wassalam > > > > Tan Ameh --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
