Maa Angku Abraham Ilyas sarato Adidunsanak nan Basamo, Assalamualaikum warahmatullahi wabarakatuh,
Dalam kasampatan ko, karano lah jarang saksi nan masih iduik, ambo sandiri dari jauah ateh namo pribadi dan kok buliah ateh namo kawan- kawan nan mungkin sapangalaman, sungguah-sungguah mangucapkan tarimo kasih nan sadalam-dalamno ka Urang Rundo dari ma dan dima sajo maso itu. Kalau ijok misano, mereka lah nan malarikan kami ka tampek- tampek nan tasuruak-suruak nan bahkan indak dikatahui urang kampuang biaso di daerah sakitarno. Kami sungguah-sungguah mampataruahkan angok kami ka Urang Rundo nan kami pacayoi 100% lillahi ta'ala. Mudah- mudahan sado Urang Rundo nan kini mungkin masih iduik ataupun nan lah dahulu,indak babilang namo, tatap dibari pahalo nan sagadang-gadangno oleh Allah Subhanahuwata'ala. Amin Ya Rabbil 'Aalamiin... Bayangkanlah misano, sakadar satu contoh kisah pangalaman ambo. Suatu malam, kami sadang maagiah panarangan di Musajik Cupak, Solok, langkok dihadiri jo Pak Camat, Pak Wali Cupak jo Talang, dan ulama- ulama sarato hadirin nan banyak. Sadang ambo bapidato, dapek surek ketek singkek mangecekkan, tantara Sukarno sadang bergerak kiro-kiro duo kilo dari musajik ko. Rapek kami bubarkan tanpa ribuik-ribuik, urang manghilang teratur. Samalaman kami dilarikan Rang Rundo, jauah- jauah basiinsuik di nan kalam, baliak ka arah Aia Angek di lereng Gunuang Talang markas persembunyian kami sabalunno. Sudahtu kami maerak ka arah Batu Kuali. Kami aman. Bisuakno dalam persembunyian kami di satu pondok ketek di Batu Kuali tu, kami manyaksikan, mandanga jaleh bunyi pertempuran panghadangan PRRI di jalan Solok - Kayu Aro, mancaliak jaleh dakek bana rasono di bawah pandangan kami arah utara, gejolak api gadang jo asok itam dari rumah-rumah nan dibaka tantara pusek di Nagari/Kampuang Kubu, mancaliak pasukan-pasukan awak mambawo kawan-kawan nan luko-luko dari medan pertempuran. Sakitulah dulu, sabingkah kenangan, pandangan mato, refleksi kisah hiduik, jauah dari tempat dan waktu, 50 tahun nan lalu... Salam, --MakNgah Sjamsir Sjarif --- In [EMAIL PROTECTED], Abraham Ilyas <[EMAIL PROTECTED]> wrote: > > Kkd Sjamsir yth. > Sepenggal kisah perjalan Kkd. yang dituliskan sbb: > Dalam pajalanan kami, walaupun kami cuma baduo, kami dianta dikawal urang > rundo sacaro estafet nan tahu liku-liku jalan ditampek masiang- > masiang. Dalam pajalanan kami indak lupo jo Allah Subhanahuata'ala > tampek kito basarah diri mamintak jalan Ihdinassiraatalmustaqiim. > Kalimat tsb. mengingatkan ambo kembali kenangan th. 58-61 di kampuang. Saat itu mendengar suara deru mobil dari kejauhan saja telah membuat orang kampuang pergi ijok ka bukik. > Bulan yl ambo menumpang ojek melallui jalan yang sebelumnya belum pernah ambo kenal/lalui dari kantor bupati Tanah Datar menuju nagari Minangkabau. Rupanya jalan tersebut dahulunya merupakan jalan setapak yang saat ini telah dilebarkan. Jalan ini menyisiri kaki gunung Bungsu di nagari Pagaruyuang (Padang Siminyak). Dari daerah Padang Siminyak, lalu bukik gombak inilah baru terbuka dataran luas ke nagari Suruaso. > Yang menjadi kekaguman ambo kini ialah, bagaimana peranan urang rundo ini dulunya mendampingi para musafir melewati daerah-daerah tak bertuan tersebut. Nan ambo mukasuik musafir di sini ialah para kurir, TP yang pulang cuti ke kampuangnya. Tanpa diupah mereka sato sakaki mendukung perjuangan kala itu. > Mungkin kisah perjalanan semacam ini perlu Kkd tuliskan lebih banyak lagi. Misalnya dari Lb. Linggau ke Palembang, kenderaan apa saja yang ditumpangi melalui dusun mana. > > Wassalam > > Abraham Ilyas > > > hambociek <[EMAIL PROTECTED]> wrote: > Maa Angku Tan Ameh sarato Adudunsanak kasadono, > Assalamu'alaikum warahmatullahi wabarakatuh, > > Tarimo kasih. Kadang-kadang ambo pun heran, kalau lah manyabuik > pajalanan-pajalanan. Umumno pajalanan-pajalanan marancah Kampuang > Halaman ko mambakeh bana di ambo sabagai sabingkah kisah dalam > Pandidikan Kuliah Kerja Nyata salamo 3 tahun 1958-61. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---