Maa Angku Lembang sarato Adidunsanak nan Basamo, Assalmualaikum warahmatullahi wabarakatuh,
Asa kato "Garegeh" indak tahu ambo, indak pulo basuo dalam Kamus Thaib. Nan ado Garegek nan baliaau hubuangkan jo "gegek" gementar, atau manggegek-gegek. Ambo raso indak ado hubuanganno jo arati kampuang Garegeh do. Gampang. Rasono wakatu ambo ketek-ketek ado lo gurindamno "Talago, Babuai, Gampang, Koto Bulek" tu tapi indak takana lai kini. Kampuang nan ampek ko tampek ijok kami juo sisuak kalau ado musuah masuak kampuang. Kalau aman inggo itulah, kalau bahayo bana ijok taruih mancirupuih kateh ka Lasi atau ka Canduang. Baa kampuang nan ampek ko lah manjadi satu unit "desa" lo kini kurang jaleh di ambo. Kalau awak bajalan dari Kapalo Koto manuju Talago ka kampuang nan ampek ko, susdah tu babelok ka suok ka puun arah ka jo Sitapuang ado lo kampuang banamo Jambun. Kurang jaleh lo aa arati kato Jambun tu. Kalau "Gampang" agak ragu awak malewaan karano nan basuo dalam Kamus Thaib 1935 indak diaratikan bana kato "gampang" tu, cuma nan ditarangkan ungkapan "Anak Gampang", "anak haram jadah". Kalau awak pacah "gampang" sin indak ka mungkin "gampang" tun aratino "haram jadah", tapi indak tahu awak. Apo lai jiko dihubuangkan jo namo Kampuang. Jadi kok awak mangecek atau basuo jo Urang Awak dari Kampuang Gampang, elok hati-hati awak jan sampai taimbauan ano Anak Gampang; sampik kupiah awak bikoh. Dalam Kamus-kamus Indonesia (KBBI, KUBI Badudu-Zain, KUBI Poerwadarminta) salain samo aratino jo nan ditarangkan Thaib, kato "gampang" tu diagiah tambahan arati "mudah", "tidak sukar". Dalam Kamus Bahaso Malayu (KBBM Z.A. Safarwan) ditambahkan pulo ungkapan "gampanmg-gampang" dan "gampang-gampangan", aratino "setengah-setengah, tidak sungguh-sungguh mengerjakan sesuatu, tanggung-tanggung, bermudah-mudah, menganggap senang sahaja". Salam, --Nyiak Sunguik Sjamsir Sjarif --- In [EMAIL PROTECTED], Muhammad Dafiq Saib <[EMAIL PROTECTED]> wrote: > > Wa'alaikumus salaam wa rahmatullaahi wa barakaatuhu > > Tarimo kasih banyak nyiak. Iyo sabana paralu. Malu ambo katiko ditanyoanno di anak, aa aratino Balai Gurah, arati Sitapuang dan sabagaino, sabab satiok kali ambo jawab jujur bahaso ambo indak tau. Tantu sajo jawaban sarupotu indak manjawab tanyo saketek juo. Kini alah dapek di ambo nan ka jawabno. > > Arati gurah nan samo jo bakumua-kumua, mungkin agak maireh-irehi aratino dalam bahaso Jawa agakno. Di Jawa ado caro maubek jo maalia- an cairan malalui iduang, nan sabalunno dipanciang kalua. Ambo panah maanta-an anak ambo barubek sarupo iko. Lalok manungkuik salamo hampia duo jam, cairan mailia kalua dari hiduang batampuang jo embe. > > Baliak ka namo-namo baliak nyiak. Ado juo lai nan tingga nan kaditanyoan. Talago, Babuai, Gampang, Koto Bulek. Tibo di Gampang aa aratino du nyiak? > > Ciek lai sudah itu, Garegeh aa pulo aratino du? > > Tarimo kasih banyak sakali lai nyiak. > > Wassalamu'alaikum > > Lembang Alam > > ----- Original Message ---- > From: hambociek <[EMAIL PROTECTED]> > To: RantauNet@googlegroups.com > Sent: Friday, March 28, 2008 3:11:19 PM > Subject: [EMAIL PROTECTED] Tambah tanyo Re: [EMAIL PROTECTED] Re: Arti kato. > > > Maa Angku Lembang sarato Rang Lapau nan Basamo, > Assalaamu'alaikum wa rahmatullaahi wa barakaatuhu, > > Lah ambo caliak-caliak sumber katarangan nan sampai ka tangan, iyo > tapurangah awak maagaki arati namo-namo kampuangawak nan jarang kito > tanyoan salomo ko. Sabana rancakawak baiuo batido di Lapau ko. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
